#ابوذيات
لشهادة الآمام العسكري عليه السلام

يمن لولاك هاذه الفلك ... مادار
ويمن مثلك جفن يعگوب .. مادار
سامره اصبحتلك جرح .... ما دار مو دار
يمهدي او بيها شفت اچم رزيه ؟؟.

من سم العده ؟ من سيف ؟ ... من حر ؟؟
تنوح . او مثلك ابهل ناس ... من حار ؟
الك في كربلا مگطوع .......... منحر
وبرض سامره الك چبده فريّه .....


[العسكري] عليه السلام

ابعيني اعليه ما ضلت ... وشاله
يويلي السم نخر عظمه ... وشاله
واجاه الغسله . او لفّه ... وشاله
ماخلوه اتلاثه اعله الوطيه ....

الدهر عجداته أيسنه ... نحلها
خله الشيعه هل ليله ....نوح الها
سم العسكري اعظامه ....نحلها
او مات ابهظم مثل امه الزچيه

الدهر للعسكري يا ناس ... ما طاب
تسمم والچبد لليوم ....... ما طاب
لچن العدو وسط الدار ... ما طاب
ولا ماخذ اخت منه سبيه ....

ابو فاطمة الطائي

#اللهم_عجل_لوليك_الفرج

https://www.tg-me.com/AL_Nay_and_Alrthaa

*غاب العَسكري وغاب وياه نور الامامه
وحشه الدنيا ومضلمه ومابيهه سلامه*💔

🏴


▪️نُعَزّي مَولَانَا بَقِيَّة الله اﻵعـظَم الِإمَـام المَهدِي الحُجُّـة المُنتَظَر (عَجَّـل الله تَعَـالَى فَرَجُـه) بذِكرَى شَـهَادة واَلِدِه الِإمَـام الحَـسَـن العَـسـكَرِي عَـلَيهِ السَـلَام

ونُعَزّي مَراجِعـنَا العِـظام والُأمَّة الِإسـلَامِيّة بِمُصيبَة إمَـامِنا العَـسـكَرِي الذِي إسـتُشـهِدَ مَـسـمُوماً💔😭..


◾ أعَـظَّــــــم الله أجُـورَكُــــــم◾


🏴

‏إلهي بإنكسار قلب المهدي ودمعته على أباهُ الحسن العسكري إجعلنا ممن يُقال لـ دعائهم كن فـ يكون!
🙏🏻🥀

كفكِف دُموعًا قد رَوَت سامُرّا
وارفَع عَزاكَ لِمَن تغَيَّبَ دَهرا

لِبَقِيَّةِ اللّٰهِ السّماءُ حزينةٌ
تتلو المُصابَ؛ فَما أجَلَّ الأَمرا!

فَسِراجُ أهلِ الجنّةِ اليومَ انطَفى
قد زادَ فينا حَسرَةً، بل قَهرا

ذاقَ الرّدى إِذ جرَّعوهُ سُمَّهُم
مَولى الأنامِ العَسكرِيُّ، فَصَبرا

#سراج_أهل_الجنّة
#منتدى_إبداع

زينب الموسوي
#بنت_الزهراء

🏴🏴🏴🏴
*٨ ربيع الاول -ذكرى شهادة الامام الحسن العسكري عليه السلام*


*نتقدم بأحر التعازي والأسى لمقام بقية الله في الأرض أرواحنا له الفداء الإمام المنتظر المهدي (عج ) في هذا اليوم وهو يوم شهادة  الامام الحسن العسكري سلام الله عليه* 


*وكما نتقدم باسمى آيات العزاء لمراجعنا العِظام وعلمائنا الكرام ولكافّة المسلمين في مشارق الأرض ومغاربها  ولكل محبي أهل البيت (ع)  بذكرى شهادة الامام المسموم المظلوم الامام العسكري عليه السلام*


*عظّم الله أجورنا وأجوركم في هذا المصاب الجَلَل، نسأل الله أن يمنّ علينا في الدنيا بزيارته  وفي الآخرة بشفاعته يوم لا ينفع مال ولا بنون*


https://www.tg-me.com/AL_Nay_and_Alrthaa

#استشهاد_الإمام_العسكري (ع)

ما يجـف جفنـي يالحسن ومصابـه
امصابك فـطـر منّي الچبد ومصابـه
حالك مثـل حال الحسن  ومصابـه
وچبدك مثل چبده الشريف اتفطَّـر

#جابر_الكاظمي
#ميمر_جابر_الكاظمي

🍁 عَرِّج بسامرّاءَ والثمْ ثرىٰ
أرضِ الإمامِ الحسنِ العَسكريّ

🍁 عَرِّج علىٰ مَن جدّهُ صاعدٌ
ومجدهُ عالٍ علىٰ المُشتري

#عظم_الله_لكم_الأجر 🍂

جديد ربيع الأول١٤٤٦هـ
نخوه بالإمام العسكري عليه السلام


يـالـحــســن أنخاك تقضي حاجتي
ــــــــــــــــــــــ
يـابوالمهدي بطلبتي البابك إجيت
كـــل عـسـر يتسهّل بجاهك دعيت
چفوفي لك مدّيت وبإسمك نخيت
غـــوثـــي بالشدات إكشف شدّتي
ــــــــــــــــــــــ
ســـيّــدي ماتصعب اعليك الشدد
يـالـحـسـن أندب وتعطيني المدد
والـــكـرم مـــن عـنـدك بلايه عدد
وتـمـســـح اعلـيّه وتشافي علّتي
ــــــــــــــــــــــ
بيدك اتسلّمني وصفه امن السماء
يـالـحسن بـالطافك ايـروح العناء
نظرتك رحــــمــات للـروح وشفاء
يــالـــولـي وبيها تـــبـــدّل حالتي
ــــــــــــــــــــــ
مـــا إلـــي غيرك وسيله بهالعمر
يــامـــلاذي سـلّـمـت لـيـك الأمر
للقصدلك حـــاشـــه مـنّـه تعتذر
وآنــــه متعنّي إلـــك يـــاغايتي
ــــــــــــــــــــــ
يــاأمـــاني ويــاضـمـاني والأمل
مــا أظـــن ابخيبه وبحيره أظل
بس ردتها تزول من عندي العلل
أنـهَـض اوأكْمِل مسيرة خدمتي
ــــــــــــــــــــــ
خدمتي نـاذرها كلها الخدمتك
أبــقـى للمحشر أون لمصيبتك
حـتّـى اساعد بالنياحه جدّتك
ويلي عالمسموم مَعْهَا صرختي
ــــــــــــــــــــــ
ســيّـدي اوآخر طلب يالعسكري
اعليك أقسم باللّي قبره بالغري
بـشوفت إبنك أرد أكحّل ناظري
الـمـهـدي واتعنّه مـعاه بزيارتي
ــــــــــــــــــــــ

تمت بحمد الله ومنّه
٥ربيع الأول ١٤٤٦هـ
نظم خادم السيدة الزهراء عليها السلام
ياسين جواد العبد الرضا

https://www.tg-me.com/AL_Nay_and_Alrthaa

مات الأمل مـــــــات الورد

يايــوسفـــي يمــته تـــرد

وردَك بلا ماي….ليش انته ماجاي.… يابو صالح

★★★★★★★★★★

ماظــل امـل يالمنتظر … مات الورد مات الشَجر

بالگاع ماظل شي خَظر…. يغايب

ماحنت اعليــه السمــــه… تمطر ييوسف فاطمة

ظليت كاتلنـــي الضـمـه… .. يغايب

ماترحم اسيوف العطش….مات الورد وسط النعش

اسمك على گلبي انقش…. يغايب

يالتعصر ابگلبي عصــر …كل مايحل وكت العصر

صليت عد اهلي قصـر….. يغايب


ظليت اتاني ومـــــــا أمل 🙏…
وبچي مثل بچي الطفل


محد بچه اوياي …..ليش انته ماجاي … يابو صالح

★★★★★★★★★★

سَمعني چَم عاذل حچي… ويلچي على گلبي لچي

بس انـــه اسمعنك بچي… يغالي

محبوبك ايگلي اشعجَب…منك فلا يسمع عتَب

وبوجهي مرسوم التعَــب…. يغالي

ظليت أكابـــــــر عالجرح….والشامت ابحچيه يلــح

يمته تجي ويطلع صبح…. يغالي

من البچي اعيوني انعمَن…. چايمته اشوفك بالصحَن

وتــتلگـــة زوار الحَسَــن…. يغالي

اتنادي هلا وميت هــــــله….
زايــــرنــا واحنه انــــدلله

امروتك يمولاي ….ليش انته ماجاي … يابو صالح

★★★★★★★★★★

يالشوفتك صارت حلم.... بجروحي اطش وارجع ألم

وبروحي نيران الهظم … يمهدي

أسهر واتاني بكل مسه…والدنيا ضيم امعسعسه

چم نوح بدموعي الرسه…. يمهدي

ابيضت اعيوني من الدمع... وشاعلك اسنيني شمع

يعگوبك اني ابهــــل وضع… يمهدي

مَلــت محــــطات السفــر …. يمته تــجي يالمنتظــر

بعيوني راسمــلك صـــور…. يمهدي


بدموعــي كاتب مُستَهل ...
يالمهدي ادركني العَجل

حاطتني بلواي. ….ليش انته ماجاي. … يابو صالح

★★★★★★★★★★

كل يوم اتاني اعله الدرب… وتتصدق اعليه الغـــرب

حافي مشيت اعله الترب… تر اني

في جمكران ام ذي طوه … موگلبي بالنــــار ارنچـوه

يالمهدي خانــگني الهــوه… تراني

في أي بالد عندك سَكن…سايم عليك ام الحسن

ماعندي غيرك أي وطن… تراني

ماتدري محبوبك ســـأل… بدموعه كاتب مُستَهل

وناديت ياالمهدي العَجل…. تر اني

الفارگ محب مايستچن…
يلبس اثياب من الحزن

ويبچي بلا راي. ….ليش انت ماجاي. … يابو صالح

★★★★★★★★★★

صاحت عَـلَـــيْ هاي البشر. … مَهديَك انـــته ماحظر

وصب دمعي من دَم الحَمَر… هضيمه

رحت ودمع عيني أيهلي … ودنگت يــــم گبت عـلــي

المهدي اريد اترجعه ألي… هضيمه

يالرجعت حته الشمس … رجعلي غايـــب من أمـــس

جرحَتني وادم ماتحس…. هضيمه

يالبيضـت وجـــــــه النبــي… بيضلي وَجهــي ابمطلبي

أعليك المشَت درب السبي… هضيمه


ابعبدالله احلفك والسهم ...
ودمعـــة رُقـــيه والعَلــم

سهلي بس هاي…. ليش انته ماجاي…يابو صالح

★★★★★★★★★★

ابجــــاه الشموع اوحنته… ذاك البچــــوله ابزفــــته

ولطمـت ابعرســه عَــمته…. والحسين

ابجاه الذي جسمه انطبَر…وراحاله ابوه مَحني الظهر

چم گلب وي ليله انكسَر… والحسين

ابجاه العله الشاطي انرمه… وامفرعه اجت ليه السمه

وزينـــــب بچــت بمخيمه… والحسين

ابجاه الحنه ظهرة ابألـم… ونــــاده يشـــيال العَــلـــم

ظلت رُقـيه ابــلا خيَـــم ⛺ والحسين


اقسم عليك ابعَـمـتك …
راويني بس اعمامتك

مو ورم اچلاي.... ليش انته ماجاي... يابو صالح


ـــــــــــــــــــــــــــــــــــــــــــــــــ
ماجد حبيب الخيگاني
ونسألكم الدعاء

https://www.tg-me.com/AL_Nay_and_Alrthaa

نعي للامام العسكري ع
***
مسموم مسموم مات العسكري يا ناس مسموم
مالوم مالوم كلبه امن المصايب حيل مالوم

ريض يجناز كلها تصحيلك ريض يجناز
شال ويالعزاز مو تدري الفراح شال ويالعزاز


من تكعد اوياه. يمحلات الابو من تكعد وياه
ويصيح ويلاه. يبجي المهدي ضل ويصيح ويلاه

ويدير بالماي. يغسل ضل ببوه ويدير بالماي
متعذب اهواي. يناس العسكري متعذب اهواي

وعيونه عالباب. مشه بنعش الابو وعيونه عالباب
كله امن الأحباب. تره ضيم الكلب كله من الأحباب

لمن يونون يكطعون الكلب لمن يونون
ماظن يردون النامو بالكبر ما ظن يردون

خربها التراب ليش اخدودهم خربها التراب
ما حاسب احساب يكطعون المشو ما حاسب احساب

دعمن يالعيون. صحت اشمالجن دعمن يالعيون
واشلون بشلون جبت العمر كله اشلون بشلون

ثجيلات حنين المهدي وجروحه ثجيلات
حرامات المثل المهدي يتعذب حرامات

الشاعر
تحسين الخفاجي

https://www.tg-me.com/AL_Nay_and_Alrthaa

نعي لسان حال الامام الحجه عج باستشهاد ابيه الامام العسكري عليه السلام

بدمع سجاب واسوني يشيعه
بفكد عودي عشت بعظم فجيعه
نهدم حيلي وحك حامي الشريعه
ضيعني زماني شلون ضيعه


التف دين الاسلام ابثوب الاسود
من شاف الجبد بالسم تمرد
اعاين للرسول ادموعه عالخد
جرحه من المصيبه صعب ينشد

يشيعتنه اريد اتساعدوني
بالماتم تنشفوها عيوني
بدمع سجاب لمن تواسوني
لجن جرح انفتك من تندبوني



انا المنتظر معروف بلسم
لجروحي الدموع تصير بلسم
ابوي الكظه يا هلناس بلسم
غسلته ودفنته ابذني اديه


عليك اعظم مصايب سدت وجرن
ودموعك حكهن امنتهيج وجرن
مصايب عودك وكربله وجرن
نار الثار ياروح الزجيه


الخادم عبدالمعين الشمري


https://www.tg-me.com/AL_Nay_and_Alrthaa

نعي بحق الامام الحسن العسكري عليه السلام لسان حال شيعته ومحبيه


اتنوح الاملاك. وي المهدي گام تنوح الاملاك
يا نار فرگاك. تسعر بالكلب يا نار فرگاك
للروح فتاك. يمصاب الابو للروح فتاك
مهموم بجفاك..يظل طول العمر مهموم بجفاك
===================
عنة الابو راح.. يعينة الله الذي عنه الابو راح
مايوم يرتاح.. مجروح الگلب ما يوم يرتاح
ما يگطع نياح.. ولفگد الابو ما يگطع نياح
المهدي من صاح ِ.. يا بوية شكبرها المهدي من صاح
===================
گلبك يكسرة.. لو راح الابو گلبك يكسرة
بالروح حسرة.. فگدك يالحسن بالروح حسرة
بالبيت عطرة.. نشتم كل وكت بالبيت عطرة
مكسور ظهرة.. الفاگد ايو مكسور ظهرة
==================
يا ابو المحنة.. غايب يالحسن يا ابو المحنة
طشر شملنة.. يا حيف الدهر طشر شملنة
ايغيب عنة .. يا وسفة الحنين ايغيب عنة
لجلك حزنة.. ننثر بالدمع لجلك حزنة
===================
أسالكم الدعاء رائد الاسدي

https://www.tg-me.com/AL_Nay_and_Alrthaa

- كـيـفَ حالــك سيـدي ..
وَ أَنتَ تـودع ابــاك

كم من الرزايا والمحن تمر بك مولاي!
أعظم الله لك الأجر بشهادة والدك العسكري.

#ساعد_الله_قلبك_مولاي


#