نعي للعسكري عليه السلام



حان الوفاء اوحان الوداع
والعلم ثابت علمه ماضاع
عليه الاسف يا حلو الطباع

💔💔💔💔💔💔💔💔

تنحب الشيعه اوهامله العين
اوتبجي عله المهيوب والزين
والدنيه وسفه اتخلي الشين

💔💔💔💔💔💔💔💔

تاخذ الزين البي حميه
ويروح من هايه الدعيه
والشيعه تبجي بلمسيه

💔💔💔💔💔💔💔💔

حان الوداع اوياك وسفه
ياشيلتك ياحسن كلفه
والدنيه ضلمه اوهل مكسفه
ابو جلمت الزينه نعرفه

💔💔💔💔💔💔💔💔

ميت صدك والشيعه تنحب
تبجي عله السموم واتعب
الشيعه تريده عليه تعتب

💔💔💔💔💔💔💔💔

عازو المهدي اوفرش الدور
راح المرتب دينه معمور
والكلب لجله اليوم مكسور

💔💔💔💔💔💔💔💔

احا يبو المهدي اونينه
طالع بعد لاترتجونه
اوعالج ابروحه تشو فونه

💔💔💔💔💔💔💔💔

ابجو يشيعه لهذا المصاب
اوعازو المهدي ولمو الاحباب
وفرشو افراش الحزن بالباب

💔💔💔💔💔💔💔💔

مسموم ابو المهدي اوتقيه
اوضايع دواه اوماله جيه
الدنيه زرت ابهل الرزيه

💔💔💔💔💔💔💔💔

المهدي يون سمعو ونينه
راح العميد امفاركينه
والشيعه تنحب ياوليننه

💔💔💔💔💔💔💔💔

تمت بعون الله تعاله
بقلم ✍🏻الشاعره ام تحسين البصره
غير مبري الذمه اليحذف اسم الشاعره وينسب الكلام له
اهدي ثواب النعي الى روح الشاعره ام تحسين
https://www.tg-me.com/AL_Nay_and_Alrthaa

نعي مجاريد
للأمام الحسن العسكري عليه السلام
ــــــــــــــــــــــــــــــــــــــــــــــ ــــــــــــــ
للمسموم خل ننصب عزانه
الزهره حاظره تنحب ويانه
لمصاب العسكري زايد ابجانه
ــــــــــــــــــــــــــــــــــــــــــــــ
حزنج كبر ياام الحسين
يـوميه لولادج تـــونين
سم وقتل خلصو الطيبين
ــــــــــــــــــــــــــــــــــــــــــــــ
نذكر مصابه ونهمل العين
لجل الحسن گومو يطيبين
ابو المهدي يستاهل أونين
ــــــــــــــــــــــــــــــــــــــــــــــ
نعازي المنتظر ونصيح ويلاه
نگلـه والـــــدك لامانسيناه
نصبنه العزه وليــله ننعاه
ــــــــــــــــــــــــــــــــــــــــــــــ
سود هدومنه لجله لبسنه
نلطم بالعزه ونشد حزمنه
زايد على فراكــــه حزنه
ــــــــــــــــــــــــــــــــــــــــــــــ
غاب الحنين وعاف داره
ينحب عليه ويذكره جاره
ودموعنه الليـله اتجاره
ــــــــــــــــــــــــــــــــــــــــــــــ ــــــــــــــ
بالقلم المتواضع لخادمه الحبيب الملا أم سيف الدين غير مبري الذمه من يحذف الاسم وينسب الكلام له اهدي ثواب هذه العمل الى مولاي صاحب الزمان عجل

https://www.tg-me.com/AL_Nay_and_Alrthaa

#نعي

نعي لسان حال الزهراء والحسن العسكري صلوات الله عليهما

إجيتك يالحسن وايدي على ضلعي
عله امصابك أون يبني ويهل دمعي
يم بابك أريد ابهل مسه أنعي
أنحب يوليدي اويه احبابك..مكسوره وكاسرني امصابك

يايمه لونك تنظر اعليه
لا تسألني يبني ليش محنيه
مصايبكم يولدي أثرن بيه
كل يوم انصب مأتم ليكم..وجروحي اتبچيني اعليكم

ماجافيت نوحي ولا أمل منه
كل ليله لواحد أمشي واتعنه
عد راسه أونن ونه من ونه
واعليكم موش اعله اضلوعي..أتحسر واتهل ادموعي

الكل واحد ييمه أگعد اقراله
عله الداسته الخيل وهضمو اعياله
ثلث تيام ضل وحالته حاله
عالشاطي امگطعين اعضيده..وعطشان ومذبوح اوليده

يايمه العزائك جيت منكسره
اويه احبابك أنوح وبالصحن أقره
على زينبكم ابچي وبالگلب حسره
واسمع هالوادم من تنحب..ماننسه امصابچ يازينب

عاشرت الحزن والحزن هملاي
يدمعاتي على الاولاد هملاي
آنه الوالده وكل يوم هملاي
وعليهم كل وكت أنصب عزيه

سيد علي الموسوي

#اللهم_عجل_لوليك_الفرج


https://www.tg-me.com/AL_Nay_and_Alrthaa

#نعي

بچه المهدي وصرخ ياوالدي تروح
اوتعوف ابنك يتيم وگلبه مجروح
عله فراگك  يبويه  شاغت  الروح
ومن   بعدك   لظل   بحزن   وبْهَم

عليك    اليوم    سامره    حزينه
ولجلك  كل  موالي  تسيل عينه
وعليك   من  القهر   زايد   ونينه
وعرش  الله  عله  مصابك  تولم

تفارگني  وانه   بالغربه   وحدي
واهلي  بعاد   لا   خوان   عندي
وين  اليوصل   الطيبه   ويودي
خبر  كتلك  لهاشم  كون  تعلم

#اللهم_عجل_لوليك_الفرج

نعي فائزي للحسن العسكري وحضور الزهراء عليها السلام



راحت لسامره الزجيه بكلب مالوم
محنيه تعثر بالجدم تصرخ يمسموم
لسامره اجيتك احظر امصابك يمظلوم
جيتك اون لمصيبتك ونه خفيه

•───✧◐🕊🌻🕊◐✧───•

حظرت الزهره اليوم وتون للمصيبه
للمهدي متعنيه وتواسيه ابحبيبه
فوك الظلم مسموم هاي اكبر عجيبه
والمهدي لفراك الأبو عينه جريه

•───✧◐🕊🌻🕊◐✧───•

ياشيعة للمسموم نوحو ولا تقصرون
لطموالصدروابجو عليه واعموها العيون
والد المهدي اليوم جوه الأرض مدفون
عازو الحجه بهالمصاب وهالرزيه

•───✧◐🕊🌻🕊◐✧───•

اهدي هذا العمل الى مولاي صاحب العصر والزمان عج

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

https://www.tg-me.com/AL_Nay_and_Alrthaa

#شهادة_الإمام_الحسن_العسكري (ع)🏴

لا تعجَبوا إن لم أفُكَّ حِدادي
أدمى مُصابُ العسكرِيِّ فُؤادي

والَهفتي بالسُّمِّ يقضي نَحبَهُ
حَسَنُ الأئمّةِ..، فِلذَةٌ للهادي

صلّى علَيهِ اللّٰهُ في عرشِ السّما
ألقى فضائِلَهُ على الأشهادِ

ناحَت عليهِ ملائِكٌ في مأتمٍ
تتلو رَزايا الآلِ والأجدادِ

تُهدي لسامُرّاءَ فاتِحةَ الجَوى
وتَحيكُ للمهديِّ ثَوبَ سَوادِ

تَروي ثَراها عَبرةٌ من فاطِمٍ
وَيحٌ لمَن غلّاهُ بالأصفادِ

صبرًا أيا مولايَ آتٍ ثأرُكُم ْ
سنُقيمُ دولةَ عدلِكُم ونُنادي:

لن يسلمَ الأشرارُ من سقَرٍ ولن
يَفنى عزاءٌ حتّى يومِ مَعادِ

لغريبِ سامُرّاءَ حُزني سَرمَدٌ
ولكَ العزا يا خاتمَ الأسيادِ

زينب الموسوي
#بنت_الزهراء

https://www.tg-me.com/AL_Nay_and_Alrthaa

#نعي

يعيني على بو محمد صبي الدمع دم
عزيز الروح بفراش المرض تم
خلص قلبه ابونينه ومردة بالسم
سقط من ساعه امدد الرجلين

عليل العسكري يالتنشد عليه
طاح ابعلته وزاد المرض بيه
جابوله الطبيب وبس وصل ليه
طلع مايوس منه امغورق العين

#اللهم_عجل_لوليك_الفرج


https://www.tg-me.com/AL_Nay_and_Alrthaa

نعي ليلة الامام العسكري ع

نعش العسكري يا ناس نزلوه
يشبع منه شوف المهدي خلوه
دوه مامش صحت عدكم تداوه
شمسوي الحسن والكوم سموه
غريب العسكري والناس ضلموه
ليش بعيد عن حسين دفنوه

يشيال الجنازه ريض اشويه
مات العسكري وماهم اهاليه
يوميه ابو صالح يبجي يوميه
عله امصيبة ابوه والعين معميه

وكلها يمه  وكلها يمه  يهنياله اليموت وكلها يمه
ونحيل جسمه  ونحيل جسمه  تعب من الوكت ونحيل جسمه

شدو النكاب شدو النكاب  تره الشايل معدل شدو النكاب
ونهيل التراب   ونهيل التراب   فوك الروس حكنه نهيل التراب


مكسور ضهره  مكسور ضهره اليوم المهدي ضل مكسور ضهره
وينوح كتره وينوح كتره   رامي عمامته وينوح كتره

خيمه خيمه  الابو بالبيت يا هالناس خيمه
هضيمه هضيمه   يضل بلايه ابو المهدي هضيمه

لليوم لليوم   امصاب العسكري ما طاب لليوم
مسموم مسموم  اشلون ايموت راعي الزود مسموم
*
الشاعر
تحسين الخفاجي

https://www.tg-me.com/AL_Nay_and_Alrthaa

#الحسن_العسكري

🏴 شهادة الإمام أبي محمد الحسن بن علي الزكي العسكري(ع) 8 ربيع 1 سنة 260هـ مسموماً في السجن على يد المعتمد اللعين، وله من العمر 28 سنة، ‏وقد دُفن في بيته بمدينة سامراء بجوار أبيه الإمام علي الهادي(ع)
أعظم الله أجورنا وأجوركم .
⬛️◼️القصيدة-1-◼️⬛️

إن ضِقتَ ذرعاً والبلاءُ دَهاكا
والدهرُ في نصلِ الهمومِ رَماكا
أُقصُد لسامِرا وعَجّل نحوَها
كيما يزولَ الكربُ مِن بَلواكا
فالقبةُ البيضاءُ عانَقَت السَّما
كالشمسِ يُحيي نورُها الأفلاكا
ولَئِن أصِبتَ بعلةٍ بادِر لها
فهُناكَ عندَ الهادِييّنِ شِفاكا
فيها الزكيُ العسكريُ ووالدُ
المهديِِّ فاطلُب آنذاكَ قِراكا
وهوَ الوصيُ خليفةُ الهادي بهِ
وبفضلهِ الباري الجليلُ هَداكا
ومعاجزٌ ظهرَت لهُ قد أذهلَت
كلَّ العقُولِ وفاقَتِ الإدراكا
لكنَّ حِقدَّ الظالمينَ أضَرَهُ
لعنَ الإلٰٓهُ الباغيَ الأفاكا
كم مرةٍ ذاقَ السجونَ وشايةً
لِدماهُ رامُوا حينَذاكَ سِفاكا
ويلٌ لِمعتَمدِ الخيانةِ غالَهُ
وسَقاهُ سِراً سُمَّهُ الفَتاكا
إذ فَتَّ أحشاءَ الإمامِ وهكذا
يَقضي غَريباً نائِياً مِن ذاكا
وعليهِ بالأحزانِ ناحَ ملائِكٌ
وكذا السمآ قد أظهرَت إرباكا
والحجةُ المهديُ نادى يا أبي
نفسي وكلُ العالمينَ فِداكا
ياوالدي أفجعتَني وبِوَحدَتي
سأظَّلُ طولَ العُمرِ في ذِكراكا
وأنا اليتيمُ بِغُربةٍ بينَ العِدا
أشكوُ الفراقَ وكيفَ لي أنساكا !
حتى المعادِ لأُحيّيَنَ مآتِما ً
تَبكي الحسينَ و حينَها أنعاكا

#سمير_الصالحي
#النجف_الأشرف



🏴حجة الله اليوم مفجوع ووحيد
🏴لجل سم العسكري همومه تزيد

نار البگلبك يمهدي المنتظر
هايجه وماخمدت بطول الدهر
ياصور تحملهه عينك ياصور
واهلك المابين مسموم وشهيد

گوم سل السيف يبن المرتضه
ياصبر تحمل صبرنه مو گضه
أخذ ثار اليوم وي ثار المضه
مدري يومك صار لو يومك بعيد

مااصدگ تنسه عصر الطاهره
ضلوع امك ياحسافه مكسره
لو چتل محسن وذاك الي جره
بعد شرويلك وما ودي اعيد

ارد اذكرك سيدي بجدك حسين
بكربله عاري ومگطوع الوتين
شلون تتحمل الم هاي السنين
مااظن تصبر وروحك ما تهيد

والدك هليوم مسموم ورحل
عگب ضيم العمر مظلوم انچتل
شاب وثلاثين عمره الما وصل
والارض حزنانه ولفگده تميد

يابوصالح صعبه تفگد والدك
على الغسل والچفن منهو الساعدك
باللحد نزلته ويلي لوحدك
عله مصابه دموعك تذّوب الحديد

بعمر خمس سنين وتفارك ابوك
ولا اخّي عندك تشد ظهرك باخوك
يتيم وأهل الباطل الي حاربوك
بيك يتشمتون ظل بلا عضيد

دارك بسامره وحشه ومظلمه
وياك تبچي وبالفگد متألمه
والملايك تلطم وتنعه السمه
شيعتك منتظره وليومك تريد

#سمير_الصالحي
#النجف_الاشرف
‏


**البيت 7 ألحقه الأخ الأديب
السيد سجاد الحسيني الجمازي
بالقصيدة (بتصرّف)

https://www.tg-me.com/AL_Nay_and_Alrthaa

#الحسن_العسكري

#في_الخدمة_المقدسة
#شهادة_الامام_العسكري
#نعي

المهدي يِودّع والده.. والمدمع يهلّه
بعدك على الدنيا العفا.. يا والدي يقلّه
خلف النعش قام ووقف.. كبّر تره وصلّى
وبقبره بيده يوسّده.. ويذرف دموع العين

ينثر عليه بكفته.. يا حسرتي التربان
يذكر مصايب غربته.. ويتذكر العطشان
يبقى ثلاثةْ بْلا غسل.. ويلي وبَلا أكفان
يْنادي بُو صالح يِنتحب.. آهٍ يَجدي حسين

#زينب

يا صاحب الزمان يامولاي

الگلب نار اشتعل
خلص دمع المُقل
يثار الله العجل       ابوك اتسمم
__

ننادي والگلب نار   
يثار الله او وعيده
ترد مغتاض يايوم  
تصيح الثار اريده
ثار الچبده مسموم 
بل اچفوف العنيده

ترد الها
تزلزلها
تخلي الدنيا ترتج

تروط الگاع تحتك
تصيح ادخيل بختك

يبن طاها
تولاها
يمينك الله علاها

اخذ حگك مُربّع
على كلشي تربع

يسر الله او بهائه
جلاله او كبربائه
الوجود الك ندائه       يقائد اعظم
____

العجل مولاي مولاي
تعال ابعينك انظر
تعال او شوف الهموم
علينه اغيوم تمطر
مصايب تشده البال
او للدلال تفطر

يوالينه
تره اغدينه
صگر مكسور جنحه

دوانه بيدك انت
يوجه الله او كشخته

منو النه
يخلصنه
يبلسمنه يواهسنه
الهجر طول يغالي
انولينه ابلايه والي

نواظرنه تِـصب
دمعها امن الگلب
تعال امن الغرب        ابعباتك نلتم
__

الك چم ثار مولاي
يتاني الطلعه ويعد
جمعه جمعه عل باب
چم معصوم يگعد
يقره الندبه بدموع
ينشدك يمته وترد

امانيها
تشافيها
جروح البيها تدي

چم معصوم ينطر
ترد الكسره تجبر

يهيبتنا
يشيمتنه
تعال او شوف لچمتنه

يمته ابجيش تزحف
او بيدك سيف مرهف

يعدل كل عوج
يفرح هل مهج
يحل عيد الفرج            او يصير البلسم
__

من الكعبه يايوم
خبر عاجل يصلنه
او نشاهد عج الخيول
او نصيح اهنا فرجنه
تلفي لارض الاعراگ
ايتلگونك اهلنه

خواطرها
نواظرها
تصب ادموع فرحه

زحف عل روس نِقدم
على شخصك نسلّم

نذل الها
نقبلها
چفك ننحني الها

نقدم لك مناحر
يكحلة هل نواظر

تمر بينه
تودينه
لارض سامره تحدينه

تزور العسكري ابهم
تصيح اهنا تسمم

على گبره تون
عزه اتقيم ابحزن
تون . تبچي . تحن        عليه تتألم
__

نطوي اصفاح الاعتاب
او نار الهجر تطفه
انتسامر ليلنه اوياك
او جروح البينه تشفه
نسولفلك على الراح
اشفنه ايام كلفه

على العبره
على الحسره
عن الطف والمها

نگلك بينه غصه
او عله شط عدنه قصه

تچوينه
تأذينه
هجر عباس لسكينه

المشه الصوب النهر
او كسر منها الظهر
اشبعت ون او قهر        عگب الموزم
__

او تگوم او تاخذ الثار
كل احگوگ هاشم
تبدي ابحرگة الباب
او كسر اضلوع فاطم
المات ابسم . واذا سيف
عدوه اتجيبه نادم

تحاكمها
تصلبها
علوج اهل السقيفه

واحد واحد اترد
لجل احسابه يگعد

خليفتها
اميتها
بني العباس جَمعتها

للاحساب اتحظر
او لهم تصبح سقر
خلودن او  مقر             قرارك محكم
__

ابو فاطمة الطائي

https://www.tg-me.com/AL_Nay_and_Alrthaa