﷽

زيارة السيدة سكينة عليها السلام


▪️ أزور سيدتي ومولاتي السيدة سكينة بنت الإمام الحسين (عليهم السلام)


اَلسَّلامُ عَلَيْكِ يا بِنْتَ رَسُولِ اللهِ، اَلسَّلامُ عَلَيْكِ يا بِنْتَ فاطِمَةَ و خَديجَةَ، اَلسَّلامُ عَلَيْكِ يا بِنْتَ أميرِالْمُؤْمِنينَ،

اَلسَّلامُ عَلَيْكِ يا بِنْتَ الْحَسَنِ وَالْحُسَيْنِ، اَلسَّلامُ عَلَيْكِ يا بِنْتَ وَلِي اللهِ اَلسَّلامُ عَلَيْكِ يا اُخْتَ وَلِي اللهِ، اَلسَّلامُ عَلَيْكِ يا عَمَّةَ وَلِي اللهِ، اَلسَّلامُ عَلَيْكِ يا بِنْتَ الحسين الشهيد وَرَحْمَةُ اللهِ وَبَرَكاتُهُ، اَلسَّلامُ عَلَيْكِ عَرَّفَ اللهُ بَيْنَنا وَبَيْنَكُمْ فِى الْجَنَّةِ، وَحَشَرَنا فى زُمْرَتِكُمْ وَ أوْرَدَنا حَوْضَ نَبِيِّكُمْ، وَسَقانا بِكَأسِ جَدِّكُمْ مِنْ يَدِ عَلِي بْنِ أبي طالِب صَلَواتُ اللهِ عَلَيْكُمْ

أسْأَلُ اللهَ أنْ يُرِيَنا فيكُمُ السُّرُورَ وَالْفَرَجَ، وَ أنْ يَجْمَعَنا وِ إيّاكُمْ فى زُمْرَةِ جَدِّكُمْ مُحَمَّد صَلَّى اللهُ عَلَيْهِ وَآلِهِ، وَ أنْ لا يَسْلُبَنا مَعْرِفَتَكُمْ إنَّهُ وِلِىٌّ قَديرٌ، أتَقَرَّبُ إلَى اللهِ بِحُبِّكُمْ وَالْبَراءة مِنْ أعْدائِكُمْ، وَالتَّسْليمِ إلَى اللهِ راضِياً بِهِ غَيْرَ مُنْكِر وَلا مُسْتَكْبِر وَعَلى يَقين ما أتى بِهِ مُحَمَّدٌ وَبِهِ راض، نَطْلُبُ بِذلِكَ وَجْهَكَ يا سَيِّدى

اَللّهُمَّ وَرِضاكَ وَالدّارَ الآخِرَةَ، يا سكينة اشْفَعي لي فى الْجَنَّةِ فَإنَّ لَكِ عِنْدَ اللهِ شَأناً مِنَ الشَّأنِ، اَللّهُمَّ إنّي أسْاَلُكَ أنْ تَخْتِمَ لي بِالسَّعادَةِ فَلا تَسْلُبْ مِنّي ما أنَا فيهِ وَلا حَوْلَ وَلا قُوَّةَ إلاّ بِاللهِ الْعَلِىِّ الْعَظيمِ، اَللّهُمَّ اسْتَجِبْ لَنا وَ تَقَبَّلْهُ بِكَرَمِكَ وَعِزَّتِكَ وَبِرَحْمَتِكَ وَعافِيَتِكَ، وَصَلَّى اللهُ عَلى مُحَمَّد وَآلِهِ أجْمَعينَ وَسَلَّمَ تَسْليماً يا أرْحَمَ الرّاحِمينَ.


🏴
https://www.tg-me.com/AL_Nay_and_Alrthaa

نعي للسيده سكينه عليها السلام
نبذه عن مولاتي سكينه👇

اسمها امنه ولقبها سكينه امها الرباب
وهي اخت عبد الله الرضيع عليه السلام
كان عمر مولاتي سكينه بواقعة الطف 17سنه وكانت متزوجه من ابن عمها عبدالله ابن الحسن المجتبى والروايه الأخرى تقول انها منقطعة الى الله بعبادتها ولم تتزوج وبقيت من بعد واقعة الطف 56سنه تقريبآ وتوفيت في المدينه المنوره ودفنت في االمدينه المنوره وكان عمرها 77سنه تقريبآ وعند وفاتها تعطلت جنازتها لساعاات باامر من والي المدينه خالدابن عبد الملك ابن مروان فقال اريد ان اصلي عليها وبالتالي لا هو صلى ولاخله واخد يصلي عليهه مظلومه مولاتي باابي وامي 😭💔وهنا يبدأ النعي 👇👇


ياالنايحه نوحي عليهه
ساعاات الجنازه معطليهه
شبعت اذيه من اعاديهه

•───✧◐🕊🌻🕊◐✧───•

وين الحبايب مااجنهه
عالقبله سكينه يديرنهه
وكت موتهه خليحضرنهه

•───✧◐🕊🌻🕊◐✧───•

ياعابده ويمصليه اليل
مصابج سكينه يهدم الحيل
شبعتي هظم واهلج مجاتيل


•───✧◐🕊🌻🕊◐✧───•

وكت موتها رادت حبايب
خلصت عمرهه بالمصايب
على حسين ابوها الكلب ذايب


•───✧◐🕊🌻🕊◐✧───•

وين الاهل خليحضروها
ويجون ليهه يشيعوها
وباارض المدينه يدفنوها

•───✧◐🕊🌻🕊◐✧───•

شالت اليوم ام المحنه
ومنجن سكينه تريد ونه
لحسين ولراعي المحنه

•───✧◐🕊🌻🕊◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له


https://www.tg-me.com/AL_Nay_and_Alrthaa

قصيده مربعه للسيده سكينه عليها السلام
المستهل👇🏻👇🏻👇🏻

يبنت حسين مجلسنه نصبناه
وثوب اسود عليج احنه لبسناه

•───✧◐🕊🌻🕊◐✧───•

مظلومه وعليج تلوك ونتنه
وهاليوم بمصابج تهل دمعتنه
وي زينب مكابل هاي لطمتنه
ونلطم بالعزه واسمج ذكرناه


•───✧◐🕊🌻🕊◐✧───•

الطملج يبنت حسين ممنونه
يالمتي غريبه وحالج اشلونه
نعشج بالغرب وسفه يدفنونه
نبجي اعليج واسمج مانسيناه


•───✧◐🕊🌻🕊◐✧───•

ماننسه مصابج يوم عاشور
وياذاك العطش وكليبج ايفور
واخذوج الغرب والكلب مكسور
ودمع اعيونه لجلج جريناه


•───✧◐🕊🌻🕊◐✧───•

يبنت حسين يالرحتي بشبابج
ماننساج ماننسه مصابج
نون اعليج كلحنه احبابج
اسمج بالكلب كلنه نقشناه


•───✧◐🕊🌻🕊◐✧───•

منصوب العزه وكلنه اجينه
نعازي زينب بموتت سكينه
الون والنوح الهه وكل بجينه
وبيرغ بالعزه لجلج رفعناه


•───✧◐🕊🌻🕊◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

•───✧◐🕊🌻🕊◐✧───•


https://www.tg-me.com/AL_Nay_and_Alrthaa

نعي للسيده سكينه عليها السلام


توفت سكينه ومااجوها
وين الأهل ويشيعوها
وبالحد كون ينزلوها

•───✧◐🕊🌻🕊◐✧───•

رادت من الوليان دفان
يشيل النعش ويحظر اكفان
وماتم ينصبونه الخوان

•───✧◐🕊🌻🕊◐✧───•

هيبه الأخو ويه اليشيعون
ويشيل نعش اخته عالمتون
ولنعش سكنه خل يحظرون

•───✧◐🕊🌻🕊◐✧───•

بهاليوم صاحت عمهه عباس
تحضرني ريتك يبو النوماس
تشيل اجنازتي عمي عالراس

•───✧◐🕊🌻🕊◐✧───•

سكنه تريد الدللوها
وكت موتهه خليحظروها
يكعدون يمهه يودعوها

•───✧◐🕊🌻🕊◐✧───•

يزينب تعالي وغسليها
بهداي سكنه كلبيها
اسياط العده نيشان بيها

•───✧◐🕊🌻🕊◐✧───•

بقلم ✍🏻المله والشاعره ام علي الأماره
غير مبري الذمه اليحذف اسم الشاعره وينسب الكلام له

https://www.tg-me.com/AL_Nay_and_Alrthaa

نعي للسيدة سكينة بنت الحسين ( ع)

❀✦♡☆❀✦♡☆❀✦♡☆❀✦♡☆❀

بـت الـرسـاله غـمـضـت العين
الشافت مصيبه ودمعه وونين
راحـت لابوها الغالي الحسين


❀✦♡☆❀✦♡☆❀✦♡☆❀✦♡☆❀

راحـت گـلـبـهـه بـيه لچمات
مـن فـارگـت لـوجوه حلوات
وبالصدر محبوسه الحسرات

❀✦♡☆❀✦♡☆❀✦♡☆❀✦♡☆❀

حسراتهه جمرات تچوي
ونار الاهل ياخلگ تدوي
والفاگد احبابه شيسوي

❀✦♡☆❀✦♡☆❀✦♡☆❀✦♡☆❀

احباب سكنه شالت الهم
والليله اهي خطار عدهم
الـدنـيـه مـا تـحـله تگلهم

❀✦♡☆❀✦♡☆❀✦♡☆❀✦♡☆❀

الـدنـيـه جـفت فرد مره
يم الاهل سكنه امسيره
للـمـوت مخنوگه ابعبره

❀✦♡☆❀✦♡☆❀✦♡☆❀✦♡☆❀

للــمـوت رادتـهـم الاحباب
يـزتـونـهـه والدمع سچاب
وابن الزچيه ايشد النگاب

❀✦♡☆❀✦♡☆❀✦♡☆❀✦♡☆❀

تـتـنـگب ارجـال الحميه
لـبـت الـحسين الهاشميه
مغربه الگبرهه بهالمسيه

❀✦♡☆❀✦♡☆❀✦♡☆❀✦♡☆❀

للـگـبـر غـربـت بـت الاطياب
ومـن الـرزيـه الـگـلـب عطاب
وجرح الولي للموت ما طاب

❀✦♡☆❀✦♡☆❀✦♡☆❀✦♡☆❀

تم والحمدلله ✍ خادمة أم أبيها الشاعرة أم علي الحلفي لا أجيز شرعاً حذف الأسم اوتغير الكلمات أهدي ثواب هذا العمل إلى روح والدي وأرواح المؤمنين

2/ ربيع الأول /1443 ه‍

https://www.tg-me.com/AL_Nay_and_Alrthaa

*مآساة سكينة ع*
شفت المشاهد والصور ما مرّت على البال
شفته ذبّاحك والنحر وراسك على العسال
حاچيته والمدمع نهر من نوّخت الجمال
ينظر اليْ وانه بحبل مشدوده ايديّه
〰️〰️〰️〰️〰️
يجرحني بويه بالألم حادينا يشتمني
نظرة عيونه كالسهم نظراته تقتلني
بسوطه يجيني بالعجل يلوحه ويلوّعني
وانه اصرخ ومحّد فزع ويعاين عليّه
تگله/ لحن الفراق الحسناوي ♪
آيبويه~ ويالغرب دمعاتي تجري
آيبويه~ عالهزل محتاره بامري
آيبويه~ ليتك باحوالي تدري
مدلّلاتك~ صعبه بويه تنسبي
مدلّلاتك~ عليها آمر الناصبي
مدلّلاتك~ تمشي بولية أجنبي
خادمة آل محمد✍🏻

*حال مولاتنا سكينة تخاطب سيد الشهداء الامام الحسين (ع)* يابويه يا بويه~ لحن حضريني يالزهره للشيخ المعاتيق♪

ودّعتك يامظلوم~ والدمعة بعيوني
ليت آنه ميته اليوم~ وما شالت ظعوني
*يابويه يا بويه~²يابويه يا بويه~²*
أمشي بيسر عنّك~ وجفني يهل عبره
وشلون أَوَدْعنّك~ وجسمك على الغبره
ودم النحر منّك~ ينزف دمه كثره
يا مخضّب بدمك ~ بيك آنه فجعوني
*يابويه يا بويه~²يابويه يا بويه~²*
وداعك ذبح روحي~ وخلّه الگلب مكسور
هجرك سبب نوحي~ ودمع الجفن منثور
بس زادت جروحي ~ شفت النحر منحور
مفجوعة بس انحب~ والدمعة بعيوني
خادمة آل محمد✍🏻

https://www.tg-me.com/AL_Nay_and_Alrthaa

سيطولُ بعدي يا سكينة فاعلمي منكِ البكــاءُ إذا الحِمامُ دهاني
لا تحرقي قلبي بدمـــعكِ حسرةً ما دامَ منِّي الروحُ في جثماني
الخامس من شهر ربيع الاول - وفاة السيدة سكينة بنت الامام الحسين (عليهما السلام) , سنة (117هـ).

#نعي

أحادي العيس عرّج نحو سامرّا
وعظم للإمام الغائب الأجرا:
أبوك سقوه كاسات الرّدى غدرا
قضى بالسمّ مثل المصطفى الهادي

سميُّ المجتبى غالوه بالسمّ
ينادي آه يا زهراء يا أمي!
فمن ظلموكِ حقدًا عاودوا ظلمي
وها أمضي كآبائي وأجدادي

بعمر جوادكم قاسى أذى الظالم
وعانى في السجون كجدّه الكاظم
فما الدنيا؟! وتُشتَم عنده فاطم
غريبًا بين سيّافٍ وجلاّدِ

وليّ الثأر إن تحمل له صبرا
فكيف الصبر للدامي على الغبرا؟!
حسينٌ قد فرى شمرٌ له النّحرا
وتحت الخيل رضرض صدره العادي

وإن تصبر على المذبوح عطشانا
فأين حِفاظُكم لبناتِ عدنانا؟!
إذا ناشدن في الأرماح إخوانا
وُكِزْنَ بنعل سيفٍ أو بِميّادِ

أتسبى زينبٌ ياقوتة المجد؟!
ويضرب متنها بالسوط يا مهدي؟!
عليها العسكري بكى إلى اللحدِ
فقد سُحِبت إلى الطاغي بأصفادِ

إمام العصر ليتك ظاهرٌ فينا
ألا اقبلنا وسجّلنا مُعزّينا
ليوم الحشر تبكيكم مآقينا
ونحن عبيدكم يا خير أسيادِ!

✍🏻 علي عسيلي العاملي

#اللهم_عجل_لوليك_الفرج

https://www.tg-me.com/AL_Nay_and_Alrthaa

#أبوذيات

لمولاي الإمام العسكري (عليه السلام)

عيوني اعليك يالمـهدي ترابات
وحزن عاشور بضلوعي ترابات
من طف كــــربله عندي ترابات
خلهـــــن بالگـــبر يوليدي اليه

بس دم يجري بعيوني مظلما
وسهم فگـــدك ابدلّالي مظلما
يبويه اليوم ســـــامرّه مظلما
وعجيبه بالثره اتغـيب الثريه

سيدي ياصاحب الزمان فداك روحي

وسيعه جروحك ومايوم لمّن
واسنينك مـــــرار وضيم لمّن
بقيت اوحيد يالموعـــود لمّن
ادفنت والدك بحجــور المنيه

✍ فراس المحمداوي

#اللهم_عجل_لوليك_الفرج

https://www.tg-me.com/AL_Nay_and_Alrthaa

"


أقـرب النـوافذ إلـىٰ الله تعالىٰ الحسين بن علي "عليه السلام "

#السَلٱمٌ_عـَلـْيگ_يامولاي

🍃✨

نعي الى رسول الله  (ص)

ما   شفناك   مره  ولا  نظراناك
انحبك حب على الفطره السليمه

يابو الزهراه شكثر مشتاگه الگلوب
وليحبك   ربح   حبك   غنيمه 

نريدك عون  لو  ما  نلگه  عوّان
يابو الفزعات ولوگفه العظيمه

تنحب شيعتك لمصابك اليوم
وتبجي ام الحسن  ظلت  يتيمه

محتاجين  وگفه  ومنك  نريد
الحزن من فظلك وجودك تجيمه

عذبنا  الدهر     مولاي  ننخاك
بجاه  حسين  ولحيه  الكريمه

وبحق  زينب  هذيجه الطبت الشام 
وبحق اصحابه وولاده وحريمه

تفرجها  علينه  بساع  وزول
وترجع  ذيج  لمتنه  القديمه

ومن نگعد سواه ونذكر حسين
ندنك  روسنه  ونصرخ  هظيمه

ابو هاجر المجراوي
https://www.tg-me.com/AL_Nay_and_Alrthaa