نعي للرسول الأكرم (ص)

ــــــــــــــــ

مرني طيفك وانه مكسورة جناح
شفتك بحلمي تنشف دموعي
دموعي شينشــفها يالرايح بعيد
يالچنت وكت الظلام شموعي
هسه ظلمه وفاطمه انظلمت وراك
انكسر گلبي وكسّرولي ضلوعي
بويه محسن ما حچالك عني ليش
ابني ما يخرج ابد عن طوعـي
هيچي جازوني بغيابك وآنه انوح
عيني حمره ودمعي زيّد لوعي
بويه سطروني بغيابك هم دريت
بويه رد لحظات سكـّــن روعي
ــــــــــــــــ


شكثر حنت الك بنتك ـ ولابت
وعليك بگلبي ما سالم ـ ولابت
يتيمات شكثر لاكن ـ ولا بت
جرى عليها مثل ما حل عليه
ــــــــــــــــ


مهدي التقي

الناشر الحاج فلاح حسن

https://www.tg-me.com/AL_Nay_and_Alrthaa

نعي لاستشهاد الرسول محمد عليه وعلى اله الصلاة والسلام
شهر صفر   1445-2023

-----------------------------------------

ها بويه  ها چنك عفتني
بويه   بغيايك    مررتني
لا  من  اجيت  وصبرتني
يابويه اريدك وينك انته

يا   بويه      يمعدل    يعنوان
يا  دله   ترهم   دون   فنجان
صاير     غطاك شلون    تربان
شنهي الحچي شو صار سكته


يا   دنيا يا أم     الخساره
خليتي     دمعاتي اتجاره
انه    البقيت   بدون والد
ما بيه روح   والله  شاهد

چا هيچ بويه يصير   الوداع
ها يلحنين    تموت  شبساع
اخذيني    انه شبيچ يا گاع

يبو چلمة الطيبه وستر للحال
يا بويه     گلبي بموتتك مال


هذا اليخلص العتبه بهداي
هذا    اليسير خير   وفياي
هذا   الحنين اليشبه الماي
للزينه چان بروحه   شراي

ظهرك حنيته   وعدلت ناس
بجدمك يبو الطيبات تنباس



يلكبرتني   وحيل     داريت
حگي اعله طولك لو تبديت
المن يظل خل يوگع البيت
من شال من عنده    ابونه

مو چني عدله وحگي انه    بهاي
طفله    ويتيمه    ومحد    وياي
راح    البخت   والشور   والراي
يعزاز گلبي الفارگونه

من عدنه شال الكله  غيره
يا حيره بعده شلون حيره
يلواحد     وينعد   عشيره

هذا الگبر ما بيه بيبان
تانيني لتدفنه يدفان
خليني يمه شلون ما چان
شيعوضه ابوي الله وللحد

كون العمه    بعيوني ذني
لا ضحك بعده وبان سني
علراح    لا    ميهيد وني
يادنيا اخذتي الروح مني



ها يلعفتني بعمري    شلي
تيهت    محتاجه   اليدلي
اكبر صرت مو  عمر  حلي


جر النفس ما   بيه   حيله
جوه   التراب   الاشتكيله
يا روحي مكسوره وعليله


انعه لحد    ما غمض   العيون
يلخذت ضحكة وجهي واللون
خلصت    ليلي بوسفه وشلون

دنياي وحشه بدون الاحباب
ها    يلعزيز    شماله  التراب
شيفيد   گلي ألون    والعتاب

أگضي الليالي بنفس مخنوگ
يلمن   دليلي بلحظه  مبيوگ
ارفع   اديه    اوجهي ليفوگ

ما  تنفع  الروح       بغيابك
للموت اظل دمعه اعه بابك

لمن    اجيك   بذيچ   الگبور
واشعل سنيني لطولك بخور
ميت    واگلك والله  معذور


تسمعني اريدك همي يخنگ
يلبيه     گلبك    دايم يدگ
هسه الفراگ بروحي يحرگ

شلونه الرمل ويه النوده
غيرله    لونه اورد خده
يا گبر رده   لروحي رده

چنه الهوه من الدنيا خلصان
جيتك بروح وشوف    تعبان
وين     الهلا الغطاهه  تربان

كلمات الخادم  / رعد الفريجي

https://www.tg-me.com/AL_Nay_and_Alrthaa

(نعي لأستشهاد الرسول مجمد.ص)
....................................
گرب أليـه المـوت ويــن الصمـيـده
يحظـر أبـوالحسنـيــن يمــي أريــده
لمـن أمــوت اليــوم يدفنـــي بـيـده
*
مات الرسـول اليـوم أحـمـد نـبـيـنــه
وبعده أصبحت ياناس وحشه المدينه
يـثـرب أهلهـا أتنـوح ظلـت حزينه
*
ابدار الصميـده اليـوم حلـت رزيـه
لمـن مشـه المختــار هاي المسـيـه
نصبت عـزاء اعليه بنتـه الزجيـه
*
بنـتـه الزجـيـه اليـوم مـن ودعـاها
للهادي وسط الروح نصبت عزاها
وظلت تـون وتـنـوح عالفـارگـاها
**

شحال الوديعه أخلاف عينك يطاها
تبجـي وتنـوح اعليـك حيـدر لگاها
بعدك تشـوف الظيـم بنـتـك تـراها
*
يبجي الحسن وينوح دمعه اعله خده
راح اليـعـزه أهـــواي راح الـيــوده
حگه يظـل مهمـوم ينعـه اعله جـده
***
ياجد يصيح احسيـن لاتبعـد ارجاك
لا مو سهل عالروح ياجـدي فرگاك
بنفـس الگبــر جـداه أدفـنــي ويــاك
*
راح النـبـي المخـتـار سيـد البريـه
وبأمــــة الأســــلام حلـت رزيـــه
أملاك السماء اعليه نصبت عزيه
***

أحزن عليـه الكون وأعلـن حـداده
ونـاح الوحـي جبريل يوم أفتـقـاده
آ.يا محمـــد آه بالحــســـره نــــاده
**
أملاك السمـه وجبريل نزلو يشيعون
وي الصميده اليـوم كلهـم يحضـرون
البيت النبي المختار حضرو يعزون
****
خادم أهل البيت(ع)
الشاعر: حيدر كامل العبودي

https://www.tg-me.com/AL_Nay_and_Alrthaa

#قصائد_في_خدمة_الخطباء
#الأربعين
#صفر_١٤٤٦

[قصيدة عمودية]

وصلتُ وفي فؤادي ألفُ شكوى
وصلتُ على وقوفٍ لستُ أقوى

فلا تعجب إذا ألفيتَ جسمًا
نحيلًا ذاق بلوًى بعد بلوى

حسينٌ يا حبيبي لا تسلني
طريقُ السّبي مشيًا كيف يُطوى!

رأيتُ مصائبًا في الدّرب شتّى
فمن حبلٍ إلى سوطٍ تلوّى

وأُدخِلتُ المجالسَ بعد عزٍّ
وصوتُ الشّامتين هناكَ دوّى

يعزُّ عليَّ أن أروي مُصابي
وما كلُّ الذي قاسيتُ يُروى

أتيتُكَ من مسافاتٍ وهمّي
كما جبلٍ على متنيَّ أهوى

أتيتُكَ بعد أيامٍ ثقالٍ
ومنّي القلبُ بالأشواقِ يُكوى

فما أحوالُ قلبِكَ يابنَ أمّي
أيكفي دمعُ عيني ذا ليروى؟!

برأسكَ قد أتيتُ ولستُ أدري
بمن ستكونُ لي في الدّرب سلوى


#عظم_الله_أجوركم ◾️

فاطمة علي رزق
اسألكم الدعاء

⬛️◼️القصيدة-1-◼️⬛️

يومٌ بهِ جبريلُ راحَ يُنادي
قد ماتَ أحمدُ علةُ الإيجادِ
وأنا أمينُ الوَحيِِِّ صرتُ بوَحشةٍ
بعَد النبيّ ِ الطاهر ِ ِالأجدادِ
أَقرَأتُـهُ سُوراً فكانَ مُعلمي
بِحِـرآءَ يَتلوها بِعُمقِ الوادِي
فمُحمدٌ حازَ المكارمَ والعُلا
وحَباهُ ربُ الكونِ بالأمجادِ
سِرٌ فريدٌ حيثُ لولا نورُهُ
ماقَرتِ الأرواحُ في الأجسادِ
فلَقد رأى مِن قومِهِ كُلَ الأذىٰ
بالسُوءِ جازَوُه ُ معَ الأحقادِ
ونظرتُ عِزرآئيلَ يأخذُ إذنـَهُ
ويقولُ عٰذراً جِئتُ لِلميعادِ
فَلِِصدرِهِ اعَتنقَ الحُسينُ وهٰكذا
حَسنٌ يُقّبِلُهُ ويَبكي الهادِي
وبحِجرِ حَيدرةٍ قَضىٰ لهفي لهُ
وعليهِ أجهشَ سيدُ الأسيادِ
والبَضعةُ الزهرآءُ تنشُجُ عالياً
ودُموعُها امتزجَت بحُزنٍ بادِ
أبتاهُ ياخيرَ العبادِ أرومةً *
أَجّّلْ رَحيلَكَ واستَمِع لِمُرادي
خُذني إلىٰ حيثُ المنيةِ يأأبي
فَحياتيَ اتشَحَت بِكُلِ سَوادِ
قَد كُنتَ لي ظٍلاً ألوذُ بِجنبهِ
ياوالِدي مَهلاً جَرَحتَ فُؤآدي

#سميرالصالحي
#النجف_الأشرف
‏
* أرومة = شريف الأصل والحسب والنسب

⚫️ نعي لشهادة الرسول ص

صرخ جبريل مات النبي المختار
وعليه العرش يبچي بليل ونهار
والله يساعدك يا علي الكرار
على فراگ ابن عمك علة الكون

شبع ضيم ومرار وقهر وهموم
ورحل وسفه واظنه راح مسموم
من گومه واصحابه شكثر مظلوم
يعاني وخلص كل سنينه محزون

عگب موته غدت تندبه الزهره
تصيح الله بويه وتجر حسره
عيني شلون وجهك ما تنظره
لظل بعدك عليله مغيره اللون

يبو ابراهيم ما ينحمل فرگاك
يريت الموت إجه ياخذني وياك
يبويه ادري وبعد مايصح ملگاك
لنوح اعليك بلچن تعمه العيون

#سمير_الصالحي
#النجف_الأشرف

#الرسول_الاكرم

https://www.tg-me.com/AL_Nay_and_Alrthaa

نعي للنبي لسان حال مولاتي فاطمه عليها السلام


روحي بعد ماتحمل اغياب
من شال ابوي وساد الباب
هجمو عليه الكالو اصحاب

•───✧◐◐✧───•

بس مارحت يابوي ناديت
ميته عساني وياك ياريت
مظلم يبويه ويوحش البيت

•───✧◐◐✧───•

يومك يبو ابراهيم يكتل
وكلبي على فراكك تعلل
الماعنده ابو ياناس ينحل

•───✧◐◐✧───•

خلاف الأبو تموت البنيه
راح الأبو وشلون بيه
موتك كلف يصعب عليه

•───✧◐◐✧───•

انه فاطمه يالدللتني
ليش بعجل بويه عفتني
يتيمه اصبحت يالفاركتني

•───✧◐◐✧───•

مكسور كلبي الف كسره
خلاف الأبو ياهو اليجبره
ناديت انا بنيتك الزهره

•───✧◐◐✧───•


بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له

https://www.tg-me.com/AL_Nay_and_Alrthaa

#نعي

رجوع الضعن الى المدينة..


ياگلبي إلمن راد گلي
بلا طولهم بالسلف شلي
خالي النِزل وبكربله اهلي
ماهم هلك ياهو اليهلي

ياگلبي ون إبعالي صوتك
راح الگبل يسمع شكوتك
كافي تدگ خل يلفي موتك
لو ضال يم اگبور اخوتك

بعيني دمع وشلون اضمه
مهضومه جيت وآنه حرمه
يالشوفت ابيوت اهلي هضمه
ضويات دور اخواني ضلمه

تلگاني جيتك يا محمد
جيتك خليه اخوان وزود
اليتريس إعله الضعن محد
ضعن الچفافي الخظر اسود

(ماجيتني من صاحو غريبه)

اتلگاني ورچي الحمل عني
محمد افراگ اهلي كتلني
جيت بثكاله وعالي وني
ويانه مارد خال لـ بني

افتر إعله زينبكم دهرها
وبثمنطعش بيرغ دهرها
والله الجفه اهوايه كسرها
ضعفين اجت ليكم عمرها

محمد الربيعي

#اللهم_عجل_لوليك_الفرج

https://www.tg-me.com/AL_Nay_and_Alrthaa

نعي
السيده الزهراء اتخاطب دار المصطفى


يـادار الـوحـي وين الـوحـي صار
اوّويـن الـصـورتـه بالعـين تـذكـار
ظـلـت دمـــعــتّــي يـا دار مــدرار
راح الـچـان وجـهـه اليزهـر انـوار


فـارگـتـي الرسـول وگـرت الـعـيـن
يــا دار الـوحــي بـيـمـن تـزهـريـن
اصـدلّـچ مـوحـشـه ومكدرچ البين
عگـب راعي الرساله الـثـبـت الدين


يـالـبـابــچ گـبـل لـلـنـاس مــفــتـوح
والمحـتـاج مـنـه بـحـاجـتـه ايـروح
سـلـوتـنــه يــدار الـهـادي بـالــنــوح
وعگب المصطفى عاشـرنـه الجروح

                                         *---------------*---------------*

✍ خادم الحسين ع
الشاعر رعد الجريخي

https://www.tg-me.com/AL_Nay_and_Alrthaa

نعي
الزهراء ع اتخاطب رسول لله  ص


يـبـويـه صـورتك بـالـعـين    ظـلـت والــدمـــع جـــاري
تـمـنـيـت انــدفــن ويــــاك    يـغـالـي ورحـمــة الـبـاري
أيـــام الــفـــــرح راحــــت    وبـگـيـت اتــلــوّع بـنـاري
يـالـهـادي اشـبـقــه عـنـدي    ريـتـك تـســمــع اخـبـاري


بـدمــوع الـحــزن ظـلـيـت    يـبـويـه وصـورتـك سـلـوه
اطـيــوفــك تـمـر عـالـبــال    وذيــچ  ايـامـنـه  الـحـلـوه
عـفـتـنـي بـلـوعـتـي بـويـه    و گـلـبـي بــنــارك اتــچـوه
مـا ٱريــده الــعــمــر بـعـدك    يـغـالـي وابـــد مــا يـسـوه


يــتــيــمــه بـغـيـبـتـك انـه    وجـنـاحـه الــحــزن مـــده
دارك مــوحــشــه وظـلـمـه    فــجــئــه ونــورك اتــبــده
افــراگــك جـــرح روحـــي    والــحـيــل الــبُــعــد هــده
أتـــذّكــــر چـــنــت ويـــاك    حــلــوه وغـالــيــه الگـعـده

                           *---------------*---------------*

✍خادم الحسين ع
الشاعر رعد الجريخي


https://www.tg-me.com/AL_Nay_and_Alrthaa

#نعي

رجوع الضعن الى المدينة..


ياگلبي إلمن راد گلي
بلا طولهم بالسلف شلي
خالي النِزل وبكربله اهلي
ماهم هلك ياهو اليهلي

ياگلبي ون إبعالي صوتك
راح الگبل يسمع شكوتك
كافي تدگ خل يلفي موتك
لو ضال يم اگبور اخوتك

بعيني دمع وشلون اضمه
مهضومه جيت وآنه حرمه
يالشوفت ابيوت اهلي هضمه
ضويات دور اخواني ضلمه

تلگاني جيتك يا محمد
جيتك خليه اخوان وزود
اليتريس إعله الضعن محد
ضعن الچفافي الخظر اسود

(ماجيتني من صاحو غريبه)

اتلگاني ورچي الحمل عني
محمد افراگ اهلي كتلني
جيت بثكاله وعالي وني
ويانه مارد خال لـ بني

افتر إعله زينبكم دهرها
وبثمنطعش بيرغ دهرها
والله الجفه اهوايه كسرها
ضعفين اجت ليكم عمرها

محمد الربيعي

#اللهم_عجل_لوليك_الفرج


https://www.tg-me.com/AL_Nay_and_Alrthaa

حديث رجوع السبايا إلى المدينة

انا لله وانا إليه راجعون وسيعلم الذين ظلموا آل بيت محمد اي منقلب ينقلبون والعاقبة للمتقين أعوذ بالله من قلب لا يخشع ومن عين لا تدمع على مصابكم.
روي ان ال الرسول قد اقاموا الماتم عند قبر الحسين ثلاثة ايام،فلما كان اليوم الرابع توجهوا نحو المدينة.
وقال غيره: ثم امر علي بن الحسين(ع) بشد رحاله فشدوها، فصاحت سكينة بالنساء لتوديع قبر ابيها،فدرن حول القبر فحضنت سكينة قبر ابيها وبكت بكاءً شديدا وحنت وانت وانشأت تقول:
وقال احد الاكابر قيل لعلي بن الحسين(ع) دع النساء تتزود من اهلها؟ فقال: ياقوم انكم لاترون ماارى، اني اخشى على عمتي زينب ان تموت،  انها تقوم من قبر وتجلس عند قبر.
كأني بها تقول:

ولماقيل لزينب قومي قالت: الى اين؟ قالوا: الى المدينة، قالت: ومن ذا بقي لي في المدينة.
قال السيد ابن طاووس في اللهوف:  ثم انفصل الال من كربلاء طالبين المدينة.
قال بشر بن حذلم: فلماقربنا منها نزل علي بن الحسين (ع) وضرب رحله وقرب فسطاطه وانزل نسائه وقال:  يابشر رحم الله اباك لقد كان شاعرا فهل تقدر على شيء منه ؟ فقلت: بلى يبن رسول الله اني لشاعر فقال (ع) :ادخل المدينة وانع ابا عبد الله،  قال بشر : فركبت فرسي وركضت حتى دخلت المدينة، فلما بلغت مسجد النبي (ص) رفعت صوتي بالبكاء،  فانشدت اقول:
يااهل يثرب لامقام لكم بها
                         قتل الحسين فادمعي مدرار
الجسم منه بكربلاء مضرج
                        والراس منه على القناة يدار
قال:  ثم قلت هذا علي بن الحسين (ع) مع عماته واخواته ، قد حلوا بساحتكم، ونزلوا بفنائكم،وانا رسوله اليكم،  واعرفكم مكانه، قال:  فمابقيت في المدينة مخدرة ولامحجبة، الا برزن من خدورهن ضاربات خدودهن، يدعون بالويل والثبور، فلم ار باكيا اكثر من ذلك اليوم،  ولايوما امر على المسلمين منه.
ومن جملة من خرج من المخدرات زوجة امير المؤمنين (ع) ام البنين، خرجت وعلى كتفها طفل العباس (ع) حتى دنت من بشر، فاخذت تسأله عن الحسين،  وهو يجيبها عن اولادها الاربعة،  وهو يقول لها:  عظم الله لك الاجر بولدك جعفر، قالت: اخبرني عن ولدي الحسين،  قال: عظم الله لك الاجر بولدك عبد الله،   قالت:  اخبرني عن ولدي الحسين ، قال: عظم الله لك الاجر بولدك عثمان، قالت:  يابني اخبرني عن ولدي الحسين،  قال: عظم الله لك الاجر بولدك ابي الفضل العباس،  فلماسمعت بذكر ابي الفضل العباس وضعت يدها على قلبها ثم قالت: يبن حذلم لقد قطعت نياط قلبي اخبرتني بقتل اولادي الاربعة ولكن يا ابن حذلم اعلم ان اولادي وجميع من تحت السماء فداء لابي عبد الله الحسين،  ياابن حذلم اخبرني عن الحسين. عند ذلك قال: ياام البنين عظم الله لك الاجر بالحسين فلقد خلفناه بارض كربلاء جثة بلا راس ،فصاحت واولداه واحسيناه، وسقطت الى الارض مغشيا عليها، فلما افاقت قالت: ياابن حذلم لقد قطعت نياط قلبي، اخبرني عن ولدي الحسين.
فقال لها عظم الله لكِ الأجر يا ام البنين بالحُسين فقد قتل مذبوحاً من القفى وبقي مرمي ثلاثة أيام على رمضاء كربلاء، فصرخت ونادت وآ ولداه وآحسيناه ...


چنت گاعده وبهاي مدري
ردتك ترد يابعد عمري
وتنشف ادموعي التجري
اغيابك عماني وكسر ضهري
وياك ريت انگطع نحري


وياك نحري انگطع ريته
بس الهضم بعدك جنيته
والحزن بديارك لگيته
وجهك الغالي مانسيته
وبغيبتك حيلي گضيته


ابغيبتك حيلي هدمته
ومن شفت ناعيكم تبعته
عنك يبو اليمه نشدته
يگلي العده حزو رگبته
گبلك عساني كون ميته



✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر
https://www.tg-me.com/AL_Nay_and_Alrthaa