السيده زينب ع اتخاطب محمد ابن الحنفيه



حـسـبـالـي الـعـمـر كـلـه   ..  يضلّون
الـچـانـو بالـشـمس لـيّـه  ..  يضلون
بـعـد اشـلـون يـمـحـمـد  ..  يضل لون

اجـيـتـك كـل اخـو ما ضـال ألـيـه

*-----------------------*-----------------*

خادم السيده زينب ع
✍الشاعر رعد الجريخي

نعي، گرناوي لاربعين الامام الحسين ع لسان حال  السيدة  زينب غ

عالوليـــان ادور بيـن الگبــــــور
  مايدرون گلبي مصوب اصواب

لچفيــــن  انوحن لـــو المنحـــور
يوجـوه اخــــوتي غاطيها التـراب

صار گبال عيني  خنصرة المشمور
ياعباس خويــة الـــــراس مـاطــاب

شسـولف يـامصيبـة الگــلب مكسور
اجيت اشكي الهظم لوجوة الاحباب

  كسر ظهري يخوتي، مصـاب عاشـور
ضيعت الـولد  والدمــــع  سچـــــاب

افتــرگنة والضـعن مـن راح مجبــــور
رجـعت اليــوم  اشرح حال الغيـــــاب

  الرمـاح ويـاي تمـــشي ودرب مخطور
يـم گبـورهــم وضــــــحت الاسبــــــاب

چــــاويـن الوجـــوه الچــانت تنــــــور
اجت ام الخدر وگفت على البـــــــاب

يــابـاب الگبــــر شخبــــار البـــــــدور
اربعين اصـباح  شوو ماردو. جـــــواب

تمت بقلم خادمة اهل البيت ع ام وليــــد الموسوي  لا اجيز حذف الاسم الفاتحه الى. روح والدي ووالدتي

https://www.tg-me.com/AL_Nay_and_Alrthaa

نعي وصول الظعن إلى كربلاء يوم ٢٠ صفر

وصلنة لكربلة يحنان اگعدوا
اجينا من سبينا علينا انشدوا
الحرم لرض المدينة بيها ردوا
اجيناكم يهلنة گوموا لينة
==================
بس گبور ما نعرف اهلنة
وحشة خلافكم مظلم نزلنة
من بعد الغياب التم شملنة
خل نشكي الجرة والصار بينة
=================

لسان حال الرباب
============
چهبت الگبر شو درن ثداياي
شلونك يالمتت ماضايكَ الماي
شو چنها حلتلك نومتك هاي
يبعد امك اجيت وراسك وياي
يعبدالله بعد ما أريد دنياي
==================
دللول الولد يبني دللول
عليك انحب ييمة واسكن الچول
انوخها اعله گبرك يمة الحمول
خلها شما تلوم الناس وتگول
من مثلي ابنها يموت مكتول
================≠
زغير وبين ادية طوير جنة
چان ابني وفلا شبعانة منة
يايمة الدهر طشر شملنة
فلا تهداش بالدلال ونة
لجيمن بالشمس دوم ابنزلنة
==================

لسان حال رملة
=================
فك گبرك يجاسم جيت يبني
يا يمة السبي كلش تعبني
كلمن شافني ميتة ايحسبني
حسبت الولد للبيت يبني
وي ابني العزيز ابگبر ذبني
==================
شلونك ياعزيز امك يغالي
لجيم اعله الگبر واسهر ليالي
واسكن بالگبور عليك تالي
انحب والدمع بالعين هالي
بعد عينك ييمة كلشي مالي
====================
تمنيت الگبر بي باب يفتك
واطب وياك يبني وكون يصتك
چا وياك نمت وما تركتك
رحت عنك يغالي وگوة عفتك
صار هواي عنك هسة شفتك
===================

لسان حال ليلى
================
يبو طول الحلو يازهرة البيت
ادور عالگبر يالغالي رديت
اشم تراب گبرك يبني حنيت
خذاك الموت مني وما تهنيت
أظل طول العمر وياك ياريت
====================
ها عزة الولد عالروح ثاري
انوح اعليه ماتطفاش ناري
عليك انحب واون ليلي ونهاري
واخليه الدمع نهران جاري
چا لمك علي ياهو اليباري
==============≈======
چنت اسمع ييمة روحي اتهيد
من بعدك اليمة كلشي متفيد
نايم بالگبر عن عيني بعيد
شمالك يا دهر من خذتة شتريد
عليك اصفج حسافة الايد بالايد
===================

زينب َوام كلثوم
=======+============
ها يطياب رد ظعن النساوين
چنة ابعاد اجيناكم محزنين
تلگونة يخوتي ها يطيبين
نشكي همومنا جيناك يحسين
جبنة الروس انتم وين ما وين
===================
خوية حسين راسك بين ادية
ندفنة وياك اجــــيناك بعزية
ننصــــب ماتمك بالغاضرية
وننوح اعله الگبر صبح ومسية
ما تدري يخوية اشصار بية
==================
متعيـــــني ادور وين عباس
يخوية انطر دليلي بشوفة الراس
هيچ مسوية بيك الگوم الارجاس
چا مثلك يخوية شلون ينجاس
اتمنى اعله گبرة تروح الانفاس
====================
الاخو وكت الشدايد حطة تچوة
هوة حزام ظــــهرك بيه تگوة
طــــشرنا الدهر يحــنان گوة
انة بعازتكـــــم بعازت مروة
يا ناس الاخو فرگاه بلوة
===================

أسالكم الدعاء رائد الاسدي

https://www.tg-me.com/AL_Nay_and_Alrthaa

ابوذية ونعي لاربعين الحسين ع  موساة السيدة زينب ع

عزمــك. يالخدمــة حسين شــــدة
الجرح خزن على اهل البيت شـدة
حبـــل زينـب بديـــة كــون شـــدة
وتضــــل ام الخدر وانــــة سبيـــة

اجت ام الخدر تجذب بونها
مـن الشام  مشايـة بضعنــها
محتـارة بالـــروس ودفنــــها

الروس اخوانها المدمع تهلـة
خوية الحبل يبن امي حـلــــة
ضيـــم الخـرابة مـااحمــــلـة

ضيــم الخـرابة وعملة الشــام
وطفلة على ابوها اليل متنـام
شسوت بزينب  وسفه الايــــام

وصلت كربلـة وبصوت نـــادت
تســوي اربعيـن حسيــن رادت
وضعونها على الكفـــــل مالت

دلـونــي  يـا  ناس  بكفيـــــلي
من يـوم چفــــة انهــدم. حيلـي
وي زينب يعيني اليوم سيلـــي

ابـچوو ويـــاها گـطـعت دروب
وعافـت ابو السـجاد مگـــلوب
راسـة برمح ويشووغ  الگـلوب 

راسـة برمــــح وي الضعينـــــة
خل نمشــــي نسوي اربعبنــــة
طبت كربلـــة الـيوم الحـــزينة

تمت بقلم خادنة اهل البيت ع ام وليــــد الموسوي  لا اجيز حذف الاسم الفاتحه الى روح والدي ووالدتي


https://www.tg-me.com/AL_Nay_and_Alrthaa

#تراث

جيناكم يساره الشام ومن الشام جيناكم
يخوتي لو بدينه الموت يهنه الموت وياكم
ــــــــــــــــــــــــــــــــــــــ
انه اوياكم اوشفت الصار واگول ايجون أخوتي ايجون
عَزم الجابني يحسين .. لظعن الحرم تـتلكون
لاچن فوت غَيبة موت هذا الگبر بيه مدفون

لا هي اجروح أداويكم ولا غياب وأرجاكم
ــــــــــــــــــــــــــــــــــــــ
لا غياب وارجاكم بعد النوح بيش ايفيد
حزني دوم حته العيد لا عشته اونشوف العيد
لاگلبي صبر عنده لا روحي عليك اتهيد

فرگاكم علينه ايطول مر يحسین فرگاكم
ــــــــــــــــــــــــــــــــــــــ
لفركاكم عسن عمري يين أمي گصر لا طال
ظعن السار من يثرب بالعزه او تحفه أبطال
یرد اشلون يا عباس منكم خالي اشينگال

شلهاكم نگول اهناك عن الظعن شلهاكم
ــــــــــــــــــــــــــــــــــــــ
شلهاكم يبو فاضل ياعباس شلّهه احسين
نور العين أبو السجاد يربيّه اولَگومك عين
آخر ما تنشدوني رحتو وين جيتو امنين

هاي العايله هاكم ليكم جايه هاكم
ــــــــــــــــــــــــــــــــــــــ
هاكم وآلدآت اتجول وَلهه أوطايرات أذهان
ذني الفاجدات أولاد واحد واحد اوشبان
تنعه أطوار ثكلتنه او تسيدي بالمناحه الحان

كلها اتگول آیشبول دمكم صار حناكم
ــــــــــــــــــــــــــــــــــــــ
دمكم صار حناكم وأنه الوالده حناي
هاي اتصيح ماني أمك گلي هاه يا منواي
هاي اتگول يا مدلول گلي وين صار ارباي

عدنه احساب لاچن خاب ذلك الجان برباكم
ــــــــــــــــــــــــــــــــــــــ
ذاك ارباكم او تمهيد والتعليل والتوسيد
هز المهد سهر الليل واِغذه البن ماهو ازهيد
تعب احمولنه اودایات اوكل وحده فرد (اِوحيد)١

غير ايكون للكبره وِفانه الهاي ردناكم
ــــــــــــــــــــــــــــــــــــــ
جينه انشوف حلوه ارسـوم بدر وانجوم بالتربان
لا تغسيل لا كافور لا تشييع لا وچفان
الكل ذبت معاصبها هلهوله او عمت بردان

هاه الخيل يهل الخيل هاه الواكم الواكم
ــــــــــــــــــــــــــــــــــــــ
هاه الواكم الواكم خل اتحدي الحدايه
يهل اللايمه للسيف آیـه المحت کل آیه
طفلنه حرم ثدي أُمه المنيه مرضعه اودایه

اِله اومنسي من الغيره الينسانه او ينساكم

الشاعر المرحوم
عبدالأمير الفتلاوي

(299)

#اللهم_عجل_لوليك_الفرج

https://www.tg-me.com/AL_Nay_and_Alrthaa

#تراث

زينب لفت یا عباس ما تنهض تلگاها
وشوف اشحالها الفرگاك وتتفگد أيتاماها
ــــــــــــــــــــــــــــــــــــــ
زينب لفت ليك اليوم یا عباس شچایه
تنادي من يدليني أعلى راعي السيف والرايه
يعمه يا على السجاد أخذني للمسنايه

اريدن للولي اتعنه
ونصب على الگبر حنه
وخبره ابيا بلد چنه

و حجيله اعلی اهالی الشام يبني وهضم بلواها
ــــــــــــــــــــــــــــــــــــــ
يوم الى وصلنه الشام ريته ايشوفنه أبعينه
من طلعت اهاليها او غدت تتفرج اعلينه
وحنه اتهل مدامعنه وعلى الهزل امچتفينه

والتمت علينه الناس
وحنه امهبطين الراس
ريته ايشوفها العباس

لمن يبچن اخواته وهي تضحگ علی ابچاها
ــــــــــــــــــــــــــــــــــــــ
لحد یا گمر عدنان چه ترضه لهذا الحد
شفت الموت بعيوني ومن الموت والله ازيد
اطب ايزيد ديوانه وعليه ايگوم يتنشد

يگلي وتهل مني العين
يزينب وشسبب تبجين
اخوچ حسين عنچ وين

اوين الليث أبو فاضل عز هاشم وعلياها
ــــــــــــــــــــــــــــــــــــــ
يزينب ما تحاچینه اشجابج لعد هلديوان
چاوین اخوتچ عنچ وبو فاضل گمر عدنان
گلتله ابكربلا تمت ضحايه اموسده التربان

وجينه المجلسك يسره
حسره نجر بثر حسره
تجري ادموعنه عبره

وهای الحرم تتباچه یبن هند اعلى ولياها
ــــــــــــــــــــــــــــــــــــــ
يخويه من سمع حچيي مني گام يتشافه
راس حسین بین ایده ويهتف فرح بسلافه
شال العود بيمينه وگام ايوسم اشفافه

گلتله وتهل مني العين
ريض يا يزيد الحين
لا تضرب ثنايه حسين

هذا مهجة الزهره وسلوان النبي طاها
ــــــــــــــــــــــــــــــــــــــ
ريته ايشوفنه الهادي یبن هند اعلى هالحاله
تضرب رأس ابو اليمه وليه تتفكر اطفاله
وانته اعلى التخت جاعد ويمك موچبه اعياله

وسفه والوسف شيفيد
صار الثار يومه ابعيد
لابد يوم الك ييزيد

توگف بالحشر ويا ويحكم باري اسماها
ــــــــــــــــــــــــــــــــــــــ
شحچيلك يبو فاضل ابهظم الى سده علينه
شرحه ايطول يالوالي وليك اليوم رديه
انهض یا گمر هاشم لعد الـوطن ودينه

انهض او وديني الهلى
وباري ابيمينك محملي
هیهات اروح ابلا ولی
ودمعي على اخدودي يهلى
ــــــــــــــــــــــــــــــــــــــ
ما اسدر لعد طيبه حرمه فاجده الوليان
وشوف اهل الشماته هناك يا عباس والعدوان
شگولن لليناشدني عنك يا گمر عدنان

شنهو العذر يابو الفضل
من تگطع احبال الوصل
یا من لعد اختك عگل
عگبك ذليله اشلون اظل

ويثرب چیف اطب ليها ودارك موحشه الگاها

الشاعر المرحوم
السيد عبد الحسين الشرع

(301)

#اللهم_عجل_لوليك_الفرج

https://www.tg-me.com/AL_Nay_and_Alrthaa

نعي لرجوع زينب على قبر الحسين
يوم الأربعين


اربعين ليله فاركيتك
يحسين هاليوم اعتنيتك
تكعدلي ياابن امي ارتجيتك

•───✧◐🕊🌻🕊◐✧───•

يحسين من اليسر رديت
يمك يخويه اليوم ونيت
الكعداتكم يالوالي حنيت


•───✧◐🕊🌻🕊◐✧───•

راسك يخويه بين اديه
مغيره ارسومك يالشفيه
جان بروح ويصد عليه

•───✧◐🕊🌻🕊◐✧───•

راسك امغطيته بعباتي
نبجي عليه اني وخواتي
ويفراكم خرب حياتي

•───✧◐🕊🌻🕊◐✧───•

اكعد لخيتك تلكاها
طول الدرب ظالم سباها
ومنكم بعد كطعت وجاها

•───✧◐🕊🌻🕊◐✧───•

طبيت ياخويه بدواوين
وتتفرج اعلينه الملاعين
بخرابه كعدونه على الطين

•───✧◐🕊🌻🕊◐✧───•

مااكدر احجيلك يوالي
اكعد وشوف شلون حالي
خلافك خرب عزي ودلالي

•───✧◐🕊🌻🕊◐✧───•

بقلم✍🏻المله والشاعره 📄ام علي الأماره
غير ✖️مبري الذمه ❎اليحذف اسم الشاعره وينسب الكلام له


https://www.tg-me.com/AL_Nay_and_Alrthaa

بسم الله الرحمن الرحيم



نعي
#گرناوي*


#اربعين
#الحسين ع
#زينب


وصلتي المگبره وذولاك اهاليچ
صار هواي يردونچ تمرین

حنینه انتي یزینب والحنینات
علیهن تشره الخوان تدرین

اشگد یفرح ولیچن وانتن هنا
یرید هواي يم گبره تظلین

یخویه اشلون حالچ گال الحسین
متغیره یزینب لیش تبچین

هانت یالحنینه والیسر راح
هسه ابراحتچ گبري تزورین

تعالیلي يخويه اشتاگلچ حیل
یوحش گبر اخییچ من تروحین

وهاي آنه أربعيني اليوم هالصار
أريدنچ علی العشره تونین

ارید اسمع نعاوییچ عالاحباب
مثل صوت الزچیه لمن تنعین

رشي اگبورنه بدموع العیون
ایطول اغیابنه یالطاهره اسنین

اخذي اتراب من اگبور الاحنان
شمي اترابهم كلما تحنين

😭😭😭😭😭😭😭😭😭

#اربعين_الحسين

*ام علي رضا الشريفي الحسيني*


https://www.tg-me.com/AL_Nay_and_Alrthaa

نعي مجاريد

#الحسين ع

#الزهراء ع

لحظور الزهراء عليها السلام بمجالس المؤمنين


جيت ويميني على ضلعي
وامسح بثوب احسين دمعي
ومصطبيه للتلطم وتنعي


يمه الولد يالب الفاد
يحسين يالضيعت الاولاد
الي بماتمك من انحب امراد


جيت ارد ادور على قرايه
وجبت الچفوف ابعوز رايه
وراسي صفه يحسين مايه


عيني على اچفوف اليخدمون
والماي عالوادم يوزعون
اذكر ضماه وتفيض العيون
واذكر الاكبر والزغيرون



من يوگف الخادم يخدمك
وميدانهم حار اعله هضمك
ظلت گاعده ماگامت امك

امدولبة ومكسور ضهري
مااگدر اوگف بعد عمري
وادموعي يالمدلول تجري



صدري امن ادگه يسيل دمي
مكسور ضلعي ونحل عظمي
بس الحزن للدوم سهمي


من مجلس المجلس ركضتي
انشد على الماگايل اختي
دونك عسن چبدي ورگبتي


ام علي رضا الشريفي الحسيني


الفاتحة لروح والدي خضير بن زوينه


https://www.tg-me.com/AL_Nay_and_Alrthaa

#الاربعين

🏴 يوم العشرين من صفر عام 61 هـ
مرور أربعين يوماً على مقتل الحسين ع وفيه رجوع عائلته إلى كربلاء ومعهم الرؤوس الشريفة .. حيث التقى الإمام زين العابدين ع مع الصحابي الجليل جابر بن عبد الله الأنصاري بمعية التابعي عطية العوفي وكذلك عبد برفقتهما وليس كما يذكر البعض أن (عطية هو العبد ).. إذ كانوا قاصدين زيارة الحسين ع في ذلك اليوم العظيم ... وفيه زيارة تسمىٰ (زيارة مَرَد ِالرأس ) ...
وقد أورد الشيخ الطوسي ره في مصباح المتهجد ص 788 زيارة ً خاصة في يوم الأربعين عن صفوان بن مهران قال: قال لي مولاي الصادق صلوات الله عليه: في زيارة الأربعين تزور عند ارتفاع النهار وتقول:
(السلام على ولي الله وحبيبه، ..)

⬛️◼️القصيدة-1-◼️⬛️

أدمَت معالمُ كربلاءَ عُيوني
فتهيجُ يومَ الأربعينَ شُجوني
ونزلتُ لاهفةً بِساحَتِها ولم
أشأِ الرحيلَ إذِ العِدا قَسروني
عبقُ الإبآءِ شممتُهُ بنسيمِها
وأخي الحسينُ بتربِها يدعُوني
فأجبتُهُ أأخيَّ جئتُكَ أشتكيُ
تلكَ المآسيَ واسودادَ مُتوني
أحسينُ عُذراً فالمصآئبُ جمةٌ
أضمرتُها في قلبيَ المَحزونِ
كي لا أُزيدُكَ لوعةً في بَوحِها
ترضى لباغٍ فاجرٍ يُهدُوني !
أحسينُ ليتَكَ قد علِمتَ بماجرىٰ
يومَ السِبا بحبالِهم جَرُوني
أحسينُ ليتَكَ قد رأيتَ سكينةً
أسفاً تنادي ياأبي شَتموني
أحسينُ فاطمةٰ الصغيرةُ رُوِعَت
وغَدت تنادي منكَ قد حَرموني
أحسينُ ليتَك قد رأيتَ رقيةً
ماتت بأرضِ الشامتِ الملعونِ
وودتُ أنيَ قد قُتلتُ وليتَهُم
في جَنبِ قبرِكَ ياأخي دَفَنوني
دَعني على العباسِ أسكُبُ عبرتي
يا كافلي هَلّا رأيتَ جُفوني
باتت لأجلِ فراقِكُم مقروحةً
إذ إنهم لـِوَداعِكم مَنعوني
واليومَ عُدتُ معَ الرؤوسِ لـِدفنِها
أبغيِ المُقامَ لوَ اَنَهُم يُبقُوني

#سمير_الصالحي
#النجف_الاشرف
‏
https://www.tg-me.com/AL_Nay_and_Alrthaa