#أبوذيات للخدمة


سفينه نوح هايه.... لو للحسين
وكبل جبريل ياهو .... لوله لحسين
ومحمد جان ظعنه .... لوله الحسين
اشترانه بدم رگبته ابن الزجيه

وحق من فرض نفسه .. رب على حسين
بدليلي اسنين باني .... ربعه لحسين
الحمد لله الحسبنه .... ربع الحسين
وخصنه بخدمة الزهره الزجيه

فاضل الغـريباوي

#اللهم_عجل_لوليك_الفرج
https://www.tg-me.com/AL_Nay_and_Alrthaa

نعي العليلة
بنت الحسين عليه السلام

گعدیت بالمنزل وحيده
والگومه والگعده امچیده
محد يجي وینطیني ايده

ارجف مريضه انخطف لوني
ومربه اعله باب اهلي اعيوني
كلساع افز حسبالي اجوني

جدمي ثگل مايوصل الباب
اشحال المريض ابليه الأحباب
انظر تره من حدر الاعتاب

ازحف زحف واتفكرلهم
من عتبة الباب انظرلهم
بلكت اوحيد راد منهم

بلكي الحبایب يردلي
امچین اوياهن يشوفلي
عد الله اظنهن مادعلي

وصيتهن يدعن عليه
كون الأبو ما يرد ليه
ويه الولي اشمحله المنيه

عندي مريضه ليش ماگال
خليتها من دون العيال
إمنين اجيبن راحة البال

شالت الراحه ابشيلة احسين
هسه الجفن نازل على العين
شالو اعزازي وين ماوين


*تمت*
#العليلة
*ام علي رضا الشريفي الحسيني*

https://www.tg-me.com/AL_Nay_and_Alrthaa

#نعي

لمولاي الرضيع روحي فداه


ذهـيـلـه ابـكـربلـه ومشدوه بالي
ألـولـي لـلـمـهـد والـمـهـد خـالـي
فـجـئـه وخـبــر عبدالله اجـالـي
فــت الـدلـيــل وشــاب حــالــي


ضـاع الامـل والـگـلـب مجروح
وضـلـيـت اونـن ونّـت الـدوح
ورده الرضيع وريحته اتـفـوح
جـابـاه ألـيـه حـسيـن مـذبـوح

شـفـت الـسـهـم حـافـر رگبتـه
وراح الـتـعـب كـلـه الـتـعـبـتـه
مـثـل الـحـلـم غـابـت ضحكتـه
مـادارت بـعـدهـه ايـام سَـنـتــه



ابوذيات

اســولــف بـأسـم عـبـد الـلـه.. ورد بيه
واشـمـن مـهـده چــن ريـحـة.. ورد بيه
خــــذاه حـسـيـن لـلـحـومــه.. ورد بيه

ابـوسـط نـحـره السـهـم جـابـاه الـيـــه


شــوفــي بـحـزن لـولـيـدي.. دريته
وسـالـم بـعـد مـــــــايـرجـع.. دريته
مـــو درّي دمـــع عـــيــنــي.. دريته

خــذاه الـمـوت مـنـي وگـطـع بـيــه


✍خـادم الـحسيـن (عليه السلام)
الشاعر رعد الجريخي

#اللهم_عجل_لوليك_الفرج

https://www.tg-me.com/AL_Nay_and_Alrthaa

أبوذيات ونواعي متعددة لـ المسير

ابو السجاد شد اليوم.    رحله
وعنده الكربله المظلوم.  رحله
لأن مكتوب من الكوفه.     رحله
((يريدونه  يجي.  للغاضريه ))

يدور  هل   دهر.  يحسين.     حجه
وانت.اعله.الخلگ.  مولاي  حجه
شخصك بالطفوف يصير   حجه
((وتطوف ابنحرك اسيوف المنيه))
✍#ام_زهراء_الزيداويه_البصراويه

سچ ظعن الفواطم والهواشم
وعساني ماصل الطف والهواشم
السيوف اتّاني اخيي والهواشم
تطحن جثته بالغاضرية...
✍🏻#ام_محمد_الحجاج

حده حادي الضعن بينه . وسرنه
بليل وماكشف همنه . وسرنه
حزنه ولاخبر جانه . وسرنه
وطلعنه من الوطن لارض المنيه.
✍🏻#ام_فاطمة_الزهراء

وحي الله  لبــــــو الـیمه   وحاله
الحــرم عافــه واطاع الرب   وحاله
ومن طیبـه الأرض الطف  وحاله
و لجل دینه وصل ارض المنیه
✍🏻#ام_عباس_الحسيني
✦════◐•⊰•❉•⊱•◑════✦

★ نعي نصاري زريجي عاشوري جنوبي مُلائي ★

حده حادي ضعنهم هالمسيه
وجدّوا سيرهم للغاضريه
عيني تصد لخوتي اهل الحميه
والنيران بضلوعي سريّه...
✍#ام_محمد_الحجاج

حدينه وهلت اعيوني للديار.
طلعنه من نزلنه وبالگلب نار.
محتاره بشباب اهلي والزغار.
ودري بهل الوكت ياوسفه غدار.
✍🏻#ام_فاطمة_الزهراء
✦════◐•⊰•❉•⊱•◑════✦

★ طور الحدي الركباني.. طور الحدي البدوي.. طور الفائزي القطيفي.. طورالفائزي البحراني العراقي.. طور تراث البحراني القديم.. ★
#وداع قبر الرسول ص والسيدة الزهراء ع

حسين السبط تعبان وانفاسه حرّه
عِد جده طاح وصاح عيشتي مُره

قبل اليشيل بليل من ارض المدينه
لقبر امه يشكي الآه وخيّه ونبينه
ضميني يُمّه الساع تسمع ونينه
موت الولد يشتاق لأمه الحنينه
بضلوعه تسري النار وبخده عبره
✍🏻#خادمة_أبي_الفضل

شال العزيز حسين عايفها دياره
متعني لأرضچ كربله وماطفت ناره
راح وأخذ كل أخوته وأهله الغيارى
ينهج نهج جده النبى واضح مساره
✍🏻#آلــــّعــلّويِـــه آلّمٌوسويِــــۿ

واضح مساره ابو علي ماهبط الراس
هيهات صاح وللظلم ماضل اله اساس
لمن وصل طف كربله فوگ الزلم داس
وبدمه ضحه ابن النبي وضل دمه نبراس
✍🏻#خادمة_اهل_البيت_ام_ابراهيم_الحلفي
✦════◐•⊰•❉•⊱•◑════✦

★مجاريد أو عاشوري★
ودع گبر جده وهلت العين
اوداعت الله ياهلي الطيبين
لارض بيها النوايب هل مرحلين

ماشين و دعناهه الگبور
يهلي وعليكم گلبي مفطور
عفناها ظلمه وخاليه الدور
✍#علويه_ام_فاضل
✦════◐•⊰•❉•⊱•◑════✦

★طور ( الجفيري.. الحدي السريع.. يم الولد راح الولد.. )★
ودعو مدينة جدهم
ضلت خلية ديارهم
وحشة بقت وتحن لهم
شگد صعبة ياساع الوداع...

متوجهين لكربله
واخذوها كل العايله
هذا الدرب بيه البله
تتوسد بدمهم بقاع...

درب المنايا والأجل
ينگطع من عنده الأمل
لهاي الأرض كلمن وصل
ميضل احد بيها صراع...
✍🏻#ولائـية_وافتـخر (دعاء العامري)
✦════◐•⊰•❉•⊱•◑════✦
#تـمت_بـأقــلام ✍🏻✍🏻
⚶مجموعة شاعرات أهل البيت
https://www.tg-me.com/AL_Nay_and_Alrthaa

(نعي) ليله تنعي ولدها علي الاكبر وحيدها وقرت عييناها لما رأته مقطعا اربا اربا شتكول ليله✍الشاعره صديقة الهلالي(كربلائيه وافتخر)
ابوذیه👇--------------------------------------
ودّعني ابرفج وايصيح ....یّّماي؟(يمّي)
فرعي بلخيّم وادعيلي يمّاي(ياامی)
اخاف امن الظمأ يغدرني يمّاي(يو الماي)
(لولا العطش لگطع نسل امیّه)
-------------------------------

(نعي)👇
عفت الخيم جيتك يمدلول
شفتك ييمه الولد مچتول
شیفارگك ياكبر علي گول
نسيت السهرذيج الدللول
----------------------------
احسابي طلع مگلوب چني
ردتك ابگبري تنزلني
مگطّع اشوفك مو بظني
هذا الحمس گلبي وكتلني
-------------------
باد القوى والحيل يبني
بروحتك يبني شيبتني
وبطيحتك ميلت متني
ايالوحّيّديلعفتني
----------------------
ذاب الجفن من سهر ليلي
چبدي انفره وتايه دليلي
شفتك امگطع باد حیلي
دمعه تكل دمعه دسيلي
----------------------
اشگد الولد یاناس غالي
بوجوده يضل راس امه عالي
راح الولد والهم صفالي
تمنيته معرس يجي گبالي
---------------------
ا✍الشاعره صديقة الهلالي
غير مبرئ الذمة اليحذف الاسم

https://www.tg-me.com/AL_Nay_and_Alrthaa

نعي لليوم العاشر عن حال زينب من فگدت اخوتها وعشیرتهه✍الشاعره صدیقة الهلالي (النعي مكتوب طورين)
......................-------------------------------

يمه ظيعتهم........حلوين اخوتي وظيعتهم
ماشفتهم.........طلعوا سويه وماشفتهم
ودعتهم..........من البارحه من ودعتهم
الرافجتهم......چنهم نسوني الرافجتهم
دورتهم ......اطلعت امن الخیام ودورتهم
وسدتهم.....كلهم عللغبره وسدّتهم
------------------------------
بطلوالونين ......يسادات بسكم بطلو لونين
يبعد العين....شنو صبري شفتكم يبعدالعين
يامشفجين ....عفتونه سبايه يامشفجين
يمه چفین.....مگطوعه غادي شفت چفین
خيي لحنين ....ماگام الیه خیی لحنین
لاتنوحین.........منهوالیگلي  لاتنوحين
راح الحسين.....عگب الگمر هم راح الحسین
طور ثاني👇-----------------------
جیت اعله الشریعة ابگلب صادي
ادور خال  ابني المچفي  غادي
صحتله اشلون طايح يورّادي
ياحيف چتلوك الاعادي
👇------------------------
اسمعت ونه من خيي وهمس بهداي
درجعي  للخيم لاتشمتي اعداي
اخاف عليج يختي ابوگفتچ هاي
يشوفوج الزلم يانور عيناي
دعذريني يخويه ماجبت ماي
خل سكنه تسامحني  على هاي
-----------------------
اجت ويه حزنها وگعدت احذاه
اخوك حسين زين اوفيت وياه
ترامذبوح روح الزهرا عفناه
اخيك طلب ماي وماسگیناه
شفت صدره انبره ابخیالة اعداه
----------------------
خویه وفیّت  ویه حسین واویاي
ياضوه عيوني وامل دنياي
اشبيدي على دهري خان وياي
واخذ كل عزوتي  وبحسرةالماي

-------------------------------


تمت بعون الله✍الشاعره صديقة الهلالي
كربلائيه وافتخر غير مبرئ الذمة اليحذف الاسم
https://www.tg-me.com/AL_Nay_and_Alrthaa

يخويه الجفن لاتعتقد هدمـــــــاي
دمه وماشال متني عليك هدمــاي
يبو الغيره وهدمني الوكت هدماي
يوم الطاحن جفوفك رميه
**

اكل صوط العده مـن المتن لحماي
يعباس وشحــــشم بــــعد لحماي
يلح ضامي الضعن ويريـــد لحماي
تهد بالجود تلحگ خويه اليه
****

على دروبك يبويه انشــــد سبلها
وخبرك زينب الشـــــــامت سبلها
هاي ام الخدر تقبــــــــــل سبلها
وتروح ميسره بيد ال ميه
****


علي مظلوم الجناحي
https://www.tg-me.com/AL_Nay_and_Alrthaa

نواعي كرناوي   للحسين عليه السلام
===
الاخو لوشال بيته شلون اطبنه
لان خالي وين ويرد راعيه
شايل ليش مايرجع بعد للدار
وتظل الدار وحشه وتوحش عليه
يخويه الدار تنعه  عليك
شايل ليش يلتعجب محاجيه
ماننسه السوالف والحجي وياه
بعد للبيت  يمكن ماله جيه
شلون اكدر اكابر وخفي الاهات
ورحي  بالعتب والشوك ممليه
شريد اعتب  ودز اعتاب
للشال وكطع بيه
=====
اودي عتب للظيعونه
وياهم شمعنه ماخذونه
نبجي ونريد الدليلونه
====
نريد الرفك وي الحنينين
ويسالونه لوهملت العين
ويكلي يخويه ليش تبجين
===
جعلت زينب تجاوب الحسين عليه السلام
تكله خويه يا خويه
====
بجيت من ظيمي
ومرار ي
وبجيت من جلت الوالي هظمني الوكت ونشده بالي
====
يكلهه يخويه لاتونين
تبجين والكلبي تمردين
عزيزه عليه او زين تدرين
  ===
ااااتكله
ادريك ياخويه تحبني
متدري الوكت خويه هظمني
اريدك اخو وخال لابني
====
يكله ااااا
عد عينج يبت امي شتردين
ودللي عليه وتطلبين١
انه عدل وانتي تذلين
===
تكله ااااا
سالم ردت ماردت منك
ادري محنه وزود كلك
وردت السطرني ايهاب منك
====
رتك تضل ياخوي هيبه
ابن امي وطلبنه بحليبه
لو راح امي ماتجيبه
===
امي بعد متجيب غيره
وياكسرة الوالي جبيره
الموت لونكدر نديره
===
هاظمني يلنايم بلحده
لكدر يهل وادم اكعده
وخاف التراب يجيس خده
===
خده ترف وتخربه الكاع
ومنين اجيبه حلو الاطباع
وشخصه الحلو من اخوته ضاع
====
تمت بعون الله بقلم العلويه ام اسامه الموسوي شاعرة اهل البيت

https://www.tg-me.com/AL_Nay_and_Alrthaa

ابو ذيات الليله الخامسه

اعله مسلم دمعي الليله ..  تجآره
عليه الدهر يا وسفه ...      تجاره
ابحبل اهل الرذيله امست . تجره
او ضلت عل درب جثته رميه ...

ريتك يا ابو اسكينه ....    تراها
جثة مسلم انجرت .....     تراها
وسف فوگاه  چتاله ..      تراها
سبه او سب علي حامي الحميه

اجه الطارش لچن النار ... وجهه
وابو اليمه تغير لون ...... وجهه
وايگله حميده الوجه .. .. وجهه
مسلم مات خلها يم رقيه ....

ابو فاطمة الطائي
https://www.tg-me.com/AL_Nay_and_Alrthaa

#نعي 💔😭

باجر وراها دموع وعتاب
ورماح تمشي وشايله ركاب
ومن الشماته لابسه نكاب
زينب ولا يخلص حزنها

صاحتهم ونادت يخوتي
هليله هاي انكتب موتي
اذا عدلين وتسمعون صوتي
انه الطشروا منها ضعنها

ما ادري بيه امسافره لوين
وتوجهت صوب الدواوين
وعفت الخيول تكطع احسين
روحي تروح بفراكه عسنها

ضاكت بيه كاع الله الوسيعه
من شفت الكمر يم الشريعه
نايم علثره جفوفه كطيعه
انه الما واحد يشاكف متنها
😭😭😭😭

#علي_مخيلف_

#اللهم_عجل_لوليك_الفرج
https://www.tg-me.com/AL_Nay_and_Alrthaa