#ابوذيات

يحيف اعله الدهر يختي ولاچن
وزينب بت علي انتي ولاچن
ردت انهض واجي ليچن ولاچن
چفوفي مگطعه يالهاشميه


خادم الحسين عليه السلام
سيد غالب الرضوي الكربلائي

#اللهم_عجل_لوليك_الفرج

#قصيدة_للانصار


الانصار

وين راحو * صحبتي ونصاري
وين راحو* غربه كل اكتاري
------------------------------
وين ابو فاضل عضيدي الجان لجروحي دوه
الهوه لو شح عليه جنت اشمنه هوه
خيمت الغربه عليه وضهري بفراگه التوه
وينه ساند ضهر اخيه وين شيال اللوه


وحدي باقي *وين زلم الكلفه
وحدي باقي* هالوضع شيوصفه
----------------------------------------
وين شيبتنه الكريمه التمطر اعلينه ضوه
وين عمي الجنت احبه ابياكتر طاح وهوه
شيخ الانصار المضاهر ابفرگته گلبي انجوه
بيارزيه طاح دامي ويارمح منه ارتوه

ياحبيبي*ابروحتك إتأثرت
ياحبيبي*انته لحسينك صرت
----------------------------------------
وين الاكبر وين جاسم انده ومحد اجه
وين ابن القين رايح ولاله حس بن عوسجه
وينه نافع ولرياحي ابغربتي گلبي ارتجه
هلبت يسمعون صوتي بالهضم صدري انسجه

ابصوتي اندب*وينهه اليوث الوغه
بصوتي اندب* الوكت بينه طغه
------------------------------------------
انه تكسرني الشماته ابد مو كثرة عده
لسه جلمة وين اخيك زارعه بكلبي صده
حسين شو محد بقالك اه يچلمة وحده
منهه فاض الشيب بيه وجرح المفارك بده

صار بيه *اعله گد الطف جرح
صار بيه *بالسؤال انه انذبح
---------------------------------------
اه ياوحدت محرم وذرت گلبي وذر
ابعيني اشوف انصاري صرعه اتخالطو دم النحر
نايمه اليوث الصحاري وانه حاوطني الخطر
انكساري صار واضح للجمع بان وضهر

استوحدوني *من گضو سبعيني
استوحدوني* كون ضاك ابعيني
-------------------
علي سليم الحسناوي

https://www.tg-me.com/AL_Nay_and_Alrthaa

#محرم1446



يابو صالح يا ألم
هل محرم كله دم
نار گلبك ندري والله
كلهه من  نار الخيم

---------------------

شلون حالك يابو صالح من تشوف هلاله
آه يمهدي وكل محرم هيه نفس الحاله
حسين بعده بخير هسه ويمه كل عياله
ليش يا عاشر محرم ؟؟ ليش يلخياله ؟؟
يا مصيبه :: لو تفوت ايامك
يا مصيبه :: تبقى بس ايتامك
يا مصيبه :: بس جثث گدامك
ندري محني من الدمع
لازم بچفك ضلع
كلشي منك ما سلم
هل محرم كله دم

----------------------------

هل نصبنه احنه المجالس والسواد بكل كتر
هاي رايات المصيبه وهايه رايات النصر
والله ما يوگف دمعنه ولا لطمنه اعلى الصدر
ندري يا مهدي اتألم من يمر طاري الخدر
يا غريبه :: زينب بلا والي
يا غريبه :: بلا حسين الغالي
يا غريبه :: بس دموع تلالي

باچر بولية غرب
والله هالموقف صعب
حيره شيگول القلم
هل محرم كله دم

------------------------------

هل محرم وانته حاير ما ردت يمشي الوكت
احنه ما شفنه وعرفنه شلون صبرك يلشفت
بكل صباح الطف تشوفه وصيحه من گلبك صحت
يا حسين الله واكبر  يابو الاكبر ها متت !؟
يا حبيبي :: جثتك مخضوبه
يا حبيبي :: بالحجر مصيوبه
يا حبيبي :: والرماح النوبه
بكل كتر منك جرح
ليش يا وجه الصبح
يا ضوه الكون انعدم
هل محرم كله دم

---------------------------------

علشريعه هناك فارس كافل لزينب شهم
چانت الحره العقيله تگله فدوه لهالاسم
آه يمهدي وفارگاهه وهيه تتأمل حلم
ما يموت الواعداني ارد اغطيه بالهدم
يا كفيلي :: يلنمت علمشرعه
يا كفيلي :: تدري بيه أملوعه
يا كفيلي :: گلبي ريتك تسمعه
ارجع اختك هالبچت
عالنهر والله انتهت
ادري ماذيك السهم
هل محرم كله دم

--------------------------------


الماي سر الموت صاير لا اجاه ولا روى
المهدي قرر انته تحشر ويا ظالمهم سوى
يا نهر حكمك نهائي بعد متشم الهوى
تروح ترگع يم حضرته وبلكي تلكالك دوى

يم ضريحه :: تنحني وبدموعك
يم ضريحه :: تبچي كل اسبوعك
يم ضريحه :: ننظر بموضوعك

ياذنب ما ينغفر
روح دورلك عذر
يلعشت عمرك وهم
هل محرم كله دم

------------------------------

للخادم  /  #رعد #الفريجي



https://www.tg-me.com/AL_Nay_and_Alrthaa

#قصائد_محرم_
#محرم_الليلة_الرابعة_

مولاتي ام البنين(ص) وهية جاي تحضر احتياجات الضعن وتجهز اهدوم الحسين(ص) وترتب بغراض الضعن بعد ان يشد الرحيل ودگول…


وانة جهز يُمه هَدمك؟
نزلت دموع الوداع…
أدري يُمه من اعوفك
عمري يتحول ضياع…

وانتة رايح؟ دير ضهرك
من تودع شيل اديك…
گلبي يوكف ما؟اودعك
ولله متعلمة عليك…


گلبي اخذتة لمن مشيت
مخنوگة بعدك يمُه بقيت
بخطوة وداعك دمعه بچيت…ودعتك جروح

كل لحضة دونك تاخذ عمر
ليل انتضارك يكسر كسر
چانت عيونك عندي فجر …يلماخذ الروح


وين الگاك حاچيني
اهدة شلون يحسيني
من فرگاك ما اگدر
صار الضيم بسنيني


واويلاه يا يمُه حسين…

___

تدري أول ليله دونك
گوة خلصت جيتّ أموت…
گاعدة وأيدي علخدي
چان صوتك احلة صوت…

شلون تگضي أيامي دونك
شلون ترهم واستراح…
ياحلات عيونة چانت
هسة كلشي مني راح…


يمُه انتضارك رايدلة حيل
وانة بدونك كلساع اميل
ارسم وگفتك لو مرني ليل…وحسب ليالي

ربي دخيلك رد الحسين
راحن اموتن من الونين
موتني دونة هذا الحنين…وتعبلي حالي


ولله الشوگ أذاني
فگد حسين بچاني
حسره هواي بعيوني
صبح وليل احزاني


واويلاه يا يُمه حسين….

____

ياهو؟ يدري اخبارة ياهو
شگد عمر عبدلله صار…
هيچي كل ايامي صارت
مو سهل هذا أنتضار…

أطلع انشد عن ضعونك
ما أمل منّ السؤال…
ياهو اشوفة كمت انشده
حسين ضعنة مني شال…


بلباب اناطر من الصبح
وجاني خبركم كلكم ذبح
وراسك حبيبي نشال برمح…هاي المصيبه

قل شوفي يمُه ماكمت اشوف
بنحرك حبيبي صارت سيوف
شسوت يويلي هاي الطفوف…ولله عجيبه


ولدي تهون بس انتة؟
موتك حيل مو وكتة
ضامي تموت ياروحي
فراگك دوم ما ردتة


واويلاه يا يمُه حسين…

_

وين زينب كمت ادور
كمت اناشد ياهي هاي…
وجاوبتني؟ زينب انة
ذبحو اهلي وماكو راي…

منين اسولف وحچي بيمن
من الذبح لو للخيام…
لو سبي التعب دليلي
وليلة ما اگدر انام…


صرت الغربية وضاع الدلال
من چف اخوتي لچف الحبال
صاحولي باسمي وبان الخيال…فوگ الهزيلة

الشام وقصرهم ماهو سهل
واصعب مصيبه السوگ بهزل
امسح دمعتي وبيدي الحبل…رحلة طويلة


درب الشام موتني
ممشة النوگ تعبني
وين اندار وين امشي
وصيحن ياهو يسمعني


واويلاه يا يمُه حسين…

___
#محرم_1446هـ_

خادم الزهراء ص

✍️محسن الباوي
_____

https://www.tg-me.com/AL_Nay_and_Alrthaa

#نعي

****
وقف الحسين ع فوك جسد العباس وهوه يقول


انته احزام ضهري وكمر دنياي
ولو بيدي فلا وديك للماي
خليني اطلع السهم بهداي
يا عباس خويه وكوم وياي

رجع الحسين ع مكسور الضهر نحو خيمة العباس ع

رجع مكسور والخيمه اعتناها
ولزم بيد العمود وطيحها
زينب ركضت وركضن وراها
فكد عباس موتها وعماها


صاحت خويه يا عباس وينك
كل احنه يخويه رايدينك
طايح عالشريعه وذابحينك
امكطع والسهم نابت بعينك


بدموعي نخيتك يابو الحساس
وحشه الخيم من دونك يعباس
بزينب راح عكبك تشمت الناس
تره حال اليتامه يشيب الراس

انه يبن امي بت احساب  ونساب
ونزل بجفاك دمعي حيف. ونساب
ترضاها انضرب بالصوط ونساب
وتتشمت تكوم اعداك بيه


حليب امي الرضعته اعليك درباي
ويروحي ادربي بالشوغات درباي
كمت ما شوف بالعباس دربي
عميت وكامو ايكودون بيه

الفرح يوم الصرت للحزن هدني
وانه حيلي احس للكاع. هدني
ولك لتشد اديه بحبل.  هدني
تراني بت علي وامي الزجيه

***
الشاعر
تحسين الخفاجي

#اللهم_عجل_لوليك_الفرج
https://www.tg-me.com/AL_Nay_and_Alrthaa

#نعي

حَبيبٌ قُم فإنّي ذا حٌسَينٌ
حبيبُكَ والذي تهوى كثيرا
أتيتُكَ مِن خيامِ الخِدرِ أسعى
وحيدًا حائِرًا فَردًا كَسِيرا
أديرُ الطّرفَ يُمنى أو شِمالًا
أصيحُ وَلا تَرى عَينِي نَصيرا
لَقد قلَّ المعينُ ، بِلا مُعينٍ
حُسينُكَ لِلأسَى أمسَى سَفيرا
وَما همّي بِحالِيَ ما يَكونُ
لِخدرِ اللهِ لا ألقَى مُجيرا
أُنادِي يا حَبيبُ فلم تُجِبْنِي
فقُم وانظُر بِغُربتِهِ الأميرا
زُهيرًا صِحتُ ،ما قامَ زُهيرٌ
فما لي قد دعوتُكُمُ حسيرا
وحيدًا ، لِلعذابِ تَركتُمُونِي
حزينَ القلبِ في الطفِ كَديرًا
فقد كنتُم إليَّ أعزَّ صُحبٍ
برؤيتِهِم تَرى عيني السُّرورا
فقدتُ أخي ، أبا الفضلِ الوفيًّ
وظهري صارَ محنيًا كَسيرا
لقد كانَ المُحامِي عن خُدورٍ
وأمّا الآن َ مَن يُحمِي الخُدورا ؟
أنا العطشانُ لا لِلماءِ أرجو
وإنْ كانَ الظِما بِدَمِي سعيرا
أنا العطشانُ عباسًا بطفِّي
ومثلَكُمُ أشدُّ بهِ الظُهُورا
عسى من قبلِكُم أمسى حُسينٌ
على الرمضاءِ مرميًا نحيرا
"ألا من ناصرٍ " كم صحتُ حتّى
غدا صوتٍي بلا صَدَىً حسيرا
غريبًا صرتُ للأعداءِ سَهلًا
وصارَ الشامتونَ عَلَيْ كثيرا


قاسم المالكي

#اللهم_عجل_لوليك_الفرج
https://www.tg-me.com/AL_Nay_and_Alrthaa

#نعي
لسادتي الاصحاب روحي فداها

ناديتكم حد ما خفه الصوت
حد ما دليلي انعاب حيله


يزلامها و يربات الحروب
مالت و ميلتها ثجيله


وين اليرد الصوت ويگوم
ويبرد ابگلبي غليله


تانيتكم ما واحد الگام
يا حيف نومتكم طويله


منها و بگت تتلافت العين
والدمع هد وأسَرهَ بمسيله


ها يبن ظاهر  حان الوداع
صارت الجانت مستحيله

ها يا زهير وعمي يا جون
خيل العده زايد صهيله

ابو نوح الكناني

#اللهم_عجل_لوليك_الفرج
https://www.tg-me.com/AL_Nay_and_Alrthaa

من طاحو سوة السبعين والهد ياهو اليرده
حسين ملاكة لاكة الخيل والعسكر وصل حده
×××××××××××××××××××××
حسين بعازة السبعين زلم الحرب طالبهه
الخيل التهد حيل اتريد واتريد اليكابلهه
حكهه الزلم هسه اتغير راح الجان راعبهه
و ين يروح ابو سكينه وكلهه اتجمعت ضده
×××××××××××××××××××××
باب الخيمة ضل حسين يربي وبس تصد عينه
كلهم عالترب ميتين جا ياهو اليجي ايعينه
هسه حسين ضل وحده حسافة وصفك جفينة
يعينه الله اليضل اوحيد ولا والي اليضل عنده
×××××××××××××××××××××
وين أهل الكرم والطيب الما سدو مضايفهم
حسين ملاگة لاكه الخيل هسه حسين رايدهم
الما عنده زلم وانصار وكت الحرب عازتهم
بس بشوفة ضل حسين ياخذ بيه و ايردة
×××××××××××××××××××××
زادت على حسين اهموم ضاكت ياهو اليحلهه
زلم والخيل عالصيوان تركضلي بمشاعلهه
ياهو ايوصل المرسال لأزلام الوغى ايكلهه
حسافة حسين هسه احتار لا والي ويضل وحدة
×××××××××××××××××××××
احتار حسين وين ايروح ساعة يروح لخيامة
وساعة يرد يحشمهم وما يوجد الجدامه
يعينه الله اليصوبة البين مثل حسين بالهامة
وكاس الحيل وياكم برملت كربلة اتبدة
×××××××××××××××××××××
الخادم أحمد داود

#اللهم_عجل_لوليك_الفرج
https://www.tg-me.com/AL_Nay_and_Alrthaa

١٤٤٦ || مُحرم الحَرام🏴

أكتــب يادمـع عاشـور الحسـين🥹💔.

‏ايام ليست ببعيدة ويسكت العالم بأسره
ايـام زينب العصيبـة باتت قريبة
ايَـام قَلِيلة و تصبحُ زينَب بِلا والـي غريبة وحيدة

اللهمّ بلغنـــٍا محرمّ 🏴