الحمد والشــــكر لـك يا واحــــداً يا احــــد
ياعالم الغـــــيب واســــرار الصدور المُغلقه

يلعالي المعتلـــــي يـــلفرد وانــــت الصــمد
يارازق الطيـــــر ياشـــافي القلوب المُرهقه

انا احمـدك ماشنت امطارك وما شـــن البرد
ومارعد رعدك في الـعالي ويلمــــع بــــارقه

مديتنا من غيثك الصافي ومن فضلك مدد
مطر مطر ملى الشعايب والســــوايل دافقه
وسلامتكم......
#الشاعر/ ابو وضاح النُفيش

ياهجــوســي شـــل مـــن قلبـــي لقلبـــي
نحــو قلبـــي سيــر واســـردها حــــروف

نحــو قلبـــي سيــر واعلمـــــــها بحبــــي
نحــو قلبـــي ترجـــم الواقـــع وشــــوف

يــوم اشــــوفه ينجلــــي همـــي وغلبـي
تشـــرق ايامــي وقـــد كانـــت كســــوف

وفـي غيابه كــل شـــــي مقلــوب سلبـي
كننــي صايــم وسط صحــراء عطـــوف

وفــي عيونــه شفـــت دربي شفت طبي
كنهـــا بتقــول لـــي رغـــــم الضـــــروف

ومامثيـــله شفـــت انـــا واقســـم بربــي
مثلهـــا يانـــاس ماعينــــــــي تشــــــوف
وسلامتكم...
#الشاعر/ابو وضاح النُفيش

‏يامبتعد عن نبض قلبي مسافات
لاتحسب انه يخــلف البعد ظني

قدرك بقلبي حي. لاتحسبه مات
مــــاهزته بــعد المــسافات عني ♥️