1️⃣2️⃣3️⃣

Andijon davlat universiteti talabalari ko'hna Qo‘qon shahrini sayohat qildi

Bugun, 3-aprel kuni Andijon davlat universiteti rektori Baxtiyorjon Akbaraliyev tashabbusi bilan talabalarining darsdan tashqari bo‘sh vaqtlarini mazmunli o‘tkazish hamda ichki turizmni rivojlantirish maqsadida tarixiy va madaniy yodgorliklarga boy Qo'qon shahriga sayohat tashkil etildi.

Sayohat davomida talabalar Qo‘qon shahrining tarixiy merosi, madaniyati va me’moriy obidalari bilan yaqindan tanishdilar. Xususan, ular Qo‘qon xonligining tarixiy markazlaridan biri bo‘lgan Xudoyorxon madrasasi va saroyi, shuningdek, Norbutabiy madrasasi, Modarixon maqbarasi, Jome’ masjidi, Qo‘qon san’at saroyi kabi muhim maskanlarga tashrif buyurdilar.

Ushbu sayohat nafaqat talabalarning bilim doirasini kengaytirish, balki ularning milliy qadriyat va madaniy merosga bo‘lgan hurmatini yanada oshirishga xizmat qildi. Tadbir davomida tarixiy obidalar haqidagi qiziqarli ma’lumotlar talabalar uchun katta taassurot qoldirdi.

✴️ Andijon davlat universitetining rasmiy sahifalari👇
Veb-sayt 🌐 Telegram 🌐 Facebook 🌐 Instagram 🌐YouTube

👍👍👍

Bugun, 4-aprel kuni Andijon davlat universitetida oliygohimiz psixologi O.Muxtarov tomonidan "Talabalar o'rtasida ijtimoiy-psixologik muhitni yanada yaxshilash", "Milliy g'urur va sog'lom dunyoqarashni rivojlantirish", "Stressni boshqarish va tartibli muhitga Ijtimoiy moslashish ko'nikmalarini oshirish" mavzularida trening mashg'ulotlari olib borildi.

Trening davomida talabalarga o‘zlarining hissiy holatlarini tahlil qilish va mutaxassislik bilimlarini  yanada boyitishlari bo‘yicha psixologik usullar o‘rgatildi. Shuningdek, Otabek Muxtarov tomonidan sog‘lom psixologik muhitni shakllantirish, stress holatlarini aniqlash va ularga qarshi kurashish bo‘yicha foydali tavsiyalar berildi.

✴️ Andijon davlat universitetining rasmiy sahifalari👇
Veb-sayt 🌐 Telegram 🌐 Facebook 🌐 Instagram 🌐YouTube