فزاعيه لرجوع زينب ع الدار


خليه وين خواني يهالدار


وين حسين والخوه يهالدار
كلبي بنار وتجوه يهالدار
اجيتج امشي بالكوه يهالدار
اليوم البين صاباني يهالدار


ماعندي اهل ظلت يهالدار
بس نسوان هالطبت يهالدار
عداي وكلشي ماخلت يهالدار
وحيده بهاي خلاني يهالدار


ماظلو اهل عندي يهالدار
حزينه ودمعتي بخدي يهالدار
مات بضعني واليحدي يهالدار
مصاب الخوه اذاني يهالدار


وين حسين كليلي يهالدار
كاضي ومنهدم حيلي يهالدار
احسب اكظي كل اليلي يهالدار
الزمن جم بلوه راواني يهالدار


وحشه وهسه خلوانه يهالدار
خلاف حسين وخوانه يهالدار
على الزينين خلصانه يهالدار
زادت ليهم احزاني يهالدار


خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك يازهراءبتاريخ الثلاثاء/2024/8/27
٢٢صفر سنة هجري ١٤٤٦نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

https://www.tg-me.com/AAAAAFCTP6mH2egqJ1qA

قصيده النبي محمد صلى عليه وسلم


من بحرالرمل الوزن الوسيله
اوالمثلث الموشح التام وهوثلث
أرباع الشيعتي على تفاعيل:
فاعلاتن فاعلاتن فاعلاتن


اليوم شال المصطفى بهاي المسيه
الليله لغيابه تون حتى الزجيه


اليوم شال المصطفى ونت الزهره
لطمت املاك السمه وحزنت العتره
وحيدر الكرار ويلي نكسر ظهره
يلطم عله الراس ودموعه جريه


بفكدأبن عمه النبي روحه حزينه
يكتل افراكه كتل زايد ونينه
بنوح وباآه بحسرته ولنبينه
خلافه وحشه مكدره ظلمه لثنيه


وام حسن ياظيم ياهم تحمله
والنبي من مات والمدمع تهله
بويه أرجع بويه يوميه تكله
يالعفتني ويالرحت صوب المنيه


راح من عدها النبي رايحه وليها
ظيم وهموم وتعب تحجي لعليها
تبجي بااهات وحزن آه يابجيها
والمشه ولبعيد مامن بعد جيه


حمل من البيت والسفره طويله
تسولف بياحال ظلت تشتكيله
حيل خلصانه كضت كلش نحيله
وفاطمه أبنيته تره اعظم وصيه


خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك يازهراءبتاريخ الجمعه/2024/8/30
٢٥صفر سنة هجري ١٤٤٦نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

https://www.tg-me.com/AAAAAFCTP6mH2egqJ1qA

الابوذيه لسان السيده الزهراء
س في وفات الرسول ص

يوم الشال طٰـه ورحـل هامات
علی صدري لطمتي ودگ هامات
اليله الروح راحت واله هامات
صعب فرگه الولي ووحشه الثنيه


خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك يازهراءبتاريخ الجمعه/2024/8/30
٢٥صفر سنة هجري ١٤٤٦نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

https://www.tg-me.com/AAAAAFCTP6mH2egqJ1qA

نعي الرسول محمدعليه افضل السلام


يالرحت عني ومشيت
شكثر عليك ونيت وبجيت
ظيم كدامي هوايه لكليت


اشبع ظيم وهموم وهضايم
وانت بعيد وبالترب نايم
جرح كلبي غميج ومايلايم


يالعفتني شكد صعبه عليه
عالهظم والفراك تدري مابيه
وحشه بغيابك هالمسيه
فرهداك الموت يابويه شبديه


تصعب عليه هواي الايام
والوكت بدولابه مدري شظام
اخلص الليلي بالنوح ماانام


لعميهن عيوني عليك لدوم
واجريلك دمع ممزوج بدموم
فك الكبر وكعدلي هاليوم


كلبي لغيبتك نصين مكسور
يالجنت خيمه وفياي سور
انهظ يالنايم بنص الكبور


خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك يازهراءبتاريخ السبت/2024/8/31
٢٦صفر سنة هجري ١٤٤٦نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

https://www.tg-me.com/AAAAAFCTP6mH2egqJ1qA

قصيده الرسول محمد ص
مشتق من بحرالرجزالوزن الميمر
مستفعلن مستفعلن مسنفعل


يالفاركتني وغيبتك تجويني
مااحمل الغيبه بعد تدريني


يالفاركتني وروحي هالذبلانه
والموتتك يابويه هالخلصانه
بنيتك واريدن ترجع النه هنانه
مابطل من نوح بويه ونيني


موتك اجاني وهالخبر فجعاني
تعبانه بويه عليك كلش اني
أيس بعد لو روحي تبقه تاني
فراكك تراهوحيل هم كاضيني


ترجع يبعد الروح ليه وردتك
اوكف ابصف الباب وانطرجيتك
مااكدر ابلياك وانه بنيتك
حسبت تبقه وياي كل سنيني


يالسافرت للموت سفره بعيده
روحي تحن ملكاك آه وتريده
والفاكد المحبوب حزنه يزيده
وبوحدي يابوي ومخليني


والكلب بالحسرات ظل متحسر
حجيك حلاته وياي بيه اتذكر
خافن اموت من القهر ماكدر
ودموعي دم تسيل تجري بعيني


خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك يازهراءبتاريخ السبت/2024/8/31
٢٦صفر سنة هجري ١٤٤٦نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

https://www.tg-me.com/AAAAAFCTP6mH2egqJ1qA

أم زهراءالفاطميه
هوسات الرسول محمدص


اليوم مكدره وتبجي الزجيه
ولاجل المصطفى الدمعه جريه
ابو ابراهيم شال البيه حميه

(حزنانه/ تلطم عالراس)


اليوم ام الحسن نصبت تعازيها
غاب البيه محنه وشال واليها
وفراك الابو بالروح ماذيها

(مالومه /وبنيته الظلت)


ظلت بالحزن خلصانه ونحيله
تسولفله الهظايم كلشي تحجيله
من کوم الظلامه لبيها تشكيله

(وشبعوها/كل ظيم عداها)


شبعوها قهر وهموم مفجوعه
ومتروس الكلب ونات جم لوعه
من اظلوعها ام حسين موجوعه

(وكسروها /وخلاف الهادي)


وخلاف ابوها ادارت العدوان
وبصدر الزجيه باقي هالنيشان
حركو بابه وشتعلت النيران

(وسطروها/عالخد الزهره)


طكاها العين وعينها حمره
ولليوم الزجيه بخدها هالسطره
ويانار العدو بالدار متوجره

(وظلموها/ماعدهم رحمه)


خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك يازهراءبتاريخ الاحد/2024/9/1
٢٧صفر سنة هجري ١٤٤٦نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

https://www.tg-me.com/AAAAAFCTP6mH2egqJ1qA

نعي الرسول محمدص


مغرب يارسول الله حرامات
يالمعدل وتكضيها الكلافات
خليت بس حسره وحزن آهات


يالجفك يعدل الميله يوفاي
منو النه غيرك بالشدد هاي
مصايبنه جثيره تعور هواي


يبو ابراهيم مانندل دربنه
زايد بالكلب يكتل حزنه
ماينشف الك يجري دمعنه


تستاهل دمه تبجيلك العين
ياوسفه وندامه الخبرموزين
ميت كالو الليله هالحنين


ياكلف يالماكو مثيلك
اليوم السم هدم حيلك
تون وماغفت سهرانه عينك


ايتام تهدلت تلطملك الراس
يالنبعك اصيل مثبت الساس
وبسم الاعادي مخمده لانفاس


خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك يازهراءبتاريخ السبت/2024/8/31
٢٦صفر سنة هجري ١٤٤٦نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

https://www.tg-me.com/AAAAAFCTP6mH2egqJ1qA

فزاعيه الرسول محمدص

من بحرالرجزنصف الحدي
التام مستفعلن مستفعلن


شايل يويلي لمصطفى
امشنه ويه ام الحسن


ونعازي فاطم بالدمع
متعوره مكسورة ضلع
كلب الزجيه منفجع
متروسه آهات وحزن


دكن لاجلها ولنبي
شدنها اوزار العبي
مارحم بيها الاجنبي
وهواي مرنها محن


خلنه الها هالطم
شبعانه متروسه هظم
خافن تدك وتلجم
ودموعها فوك الوجن


وام الحسن هم تنجرح
يوميه ذبحه تنذبح
غايب وليها من الصبح
وحزام لجله تحزمن


سون عزه وي فاطمه
وين تطب ولاطمه
ظلوع ام حسن ومهشمه
بنص العزيه تكابلن


خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك يازهراءبتاريخ الاحد/2024/9/1
٢٧صفر سنة هجري ١٤٤٦نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

https://www.tg-me.com/AAAAAFCTP6mH2egqJ1qA

فزاعيه الرسول محمد ص

من البحرالهزج الوزن تجليبه
مفاعيلن مفاعيلن مفاعيلن


اليوم الفاكده الازم نعازيها
تون بت النبي وتريد واليها


الليله ام الحسن خلصانه الزهره
ميت ياحسافه والد العتره
نفلت من وكت وياهه كل عشره
عافها الابو وفراكه مأذيها


عنها مرتحل ميت يوالدها
عشرتهم كضت والليله هالحدها
عالوجنه تهل والمدمع بخدها
بعد ياهو اليجي ولي يحاجيها


رحل عنها وليها وداره مسدوه
الزهره تحن اله وبروح ممروده
ياجلمة البويه اليوم مفكوده
الليل نهار ملتهيه بواجيها

.
نحلانه كضت متعوبه محزونه
بدمع العين غالي وهاليودوعنه
جد حسين هذه الي تواسونه
تفز باليل وتريده يجي ليها


سافر وين عنها وسفرته طويله
الوالد من مشه وليومها نحيله
ماتهده بعد وناتها ثجيله
مشه عنهاالحبيب وموته كاظيها


خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك يازهراءبتاريخ الاحد/2024/9/1
٢٧صفر سنة هجري ١٤٤٦نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

https://www.tg-me.com/AAAAAFCTP6mH2egqJ1qA

فزاعيه الرسول محمدص


من بحرالهزج الوزن
نصف البحرالطويل
مفاعيلن مفاعيلن


ميت.وسفه والينه
الفكد الهادي ونينه



نعازي الزهره وبفكده
نظل للموت وي عهده
مات وبعد شيرده
اله نجدد تعازينه



نعلي الصوت والونه
مصابه الهادي يفجعنه
يكلف حيل يوجعنه
مات وغمضت عينه



رحل ونامت عيونه
ابو الزهره يعرفونه
شفيع الامه يدرونه
بجفه وهوه يحمينه



نبينه ويحمي هالامه
بيدك عالمتن لطمه
احمد نادي وبسمه
نحبه بهايه يدرينه



نلطم لاجله ومصابه
كونه يعاين احبابه
يبجي الدين لمصابه
كل واحد ميتمينه



خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك يازهراءبتاريخ الاحد/2024/9/1
٢٧صفر سنة هجري ١٤٤٦نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

https://www.tg-me.com/AAAAAFCTP6mH2egqJ1qA

فزاعيه الرسول محمدص

مشتق من بحرالمنسرح
وزن جلمه ونص
مستفعلن مفعولات


كون بحضرته ونزور
والكبب ننظرها قصور


ونكله هاابو الاطهار
والدمع يجري مدرار
باارض المدينه وخطار
كلب الموالي مكسور


عدنه سوالف وهواي
ونريده يحضرنه بهاي
ونكله يمك مولاي
بالصحن نمشي وندور


بالحضره نفتر ونطوف
نرفع روايه بجفوف
كبر. الزجيه ونشوف
والعهد نوفيه ونذور


بالسمه وترف العلام
بالصحن نصبح خدام
مفارك حبيبه وعوام
شكرا نكله ومشكور


ننصب مواكب وارواح
نسوي لطم ويه نياح
والكلب همه وينزاح
من علي وناخذله عطور


خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك يازهراءبتاريخ الاحد/2024/9/1
٢٧صفر سنة هجري ١٤٤٦نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

https://www.tg-me.com/AAAAAFCTP6mH2egqJ1qA

فزاعيه الرسول محمد ص


مشتق من بحر المنسرح
وزن جلمه ونص
مستفعلن مفعولات


تزحف زحف هالثوار
صوب انجف للكرار


تعازي الزجيه بهاليوم
تزور الشهيد المظلوم
تمشي مشي للجيدوم
مجموعه شيعه وانصار


شجعان كلهم شجعان
تقدم تعازي العدنان
عافو   ارواح   وديران
جاشنهي هايه الاسرار


عالوجنه تجري دمعات
ترفرف بعالي ارايات
تهدي المحمد خطوات
عند   الزجيه   وخطار


بصوت العداله يهتفون
زيارة نبينه يكولون
صوب النجف هاليمشون
متعنيه حيدر واحرار


تعلي لصوات بتكبير
عالراس تلطم تطبير
كلمن يشاهد ويحير
وتخاف منهم الاشرار


خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك يازهراءبتاريخ الاحد/2024/9/1
٢٧صفر سنة هجري ١٤٤٦نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

https://www.tg-me.com/AAAAAFCTP6mH2egqJ1qA

نعي حال مولاتي الزهراء العسكري ع


مشتق من بحرالهزج
الوزن النصاري على:تفاعيل
مفاعيلن مفاعيلن مفاعيل


اجيتك يالولد وبدمع العيون
اون حالي ييمه وي اليونون
اكعدبالصحن واسمع الينعون


متعنيه عليك ادروب البعاد
اجيت اليوم يمك وعلن احداد
بالسم منجتل ولجبد مراد


تعبني المشي بسامره البجان
اجيت من المدينه وذيج الوطان
مكسورة ضلع والجسم نحلان


روحي بالضريح وصلت اتزور
انصب تعزيات بكلب مكسور
اكلك وبرفيع الصوت ماجور


اشارك بالعزه ولطملك الهام
واجابل كل محب ويصيرلطام
وبنص المواكب وامشي كدام


حيلي منهدم يالرحت مسموم
يالحادي عشر يمه يمعصوم
ابجي مصيبتك يالمتت مظلوم


خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك يازهراءبتاريخ الخميس/2024/9/5
١ربيع الاول سنة هجري١٤٤٦نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

https://www.tg-me.com/AAAAAFCTP6mH2egqJ1qA

فزاعيه حال مولاتي الزهراء العسكري ع


مشتق من بحرالهزج الوزن
النصاري مفاعيلين مفاعيلن
مفاعيل


لكيتك يالولد ميت وخلصان
اكلب بيك يمه بكلب وجعان


مسمم يالعفتني وحيلي مهدوم
ضلعي منكسر مابيه عالكوم
روحي لشهيد حسين وتحوم
أسلم عالكفيل الضحه ذرعان


اعدن يابليه ذيج لو هاي
مكسوره بشباب وراحو هواي
كالساعه امام وكعدتي شواي
لو للمنذبح وبكلبه نيشان


هنايالعسكري ومصوبه اصواب
بعتبت كل شهيد ولازمه الباب
صوب المكبره مابين الاحباب
اوجوه وفاكده حلوين شبان


يوميه البواجي امنگعه الخدود
انعه يامصيبه وجبد ممرود
لو عريس أول الليله مفكود
اولادي ألائمه كلهم احنان


كل صبحه ومسه تجاره هالعين
يومه وشيباني موقف حسين
واصعب منه اخته البالدواوين
وياها عليل وحيل تعبان



خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك يازهراءبتاريخ الخميس/2024/9/5
١ربيع الاول سنة هجري١٤٤٦نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

https://www.tg-me.com/AAAAAFCTP6mH2egqJ1qA

اللهم صل على محمدوآل محمد وهل فرجهم والعن عدوهم

هوسات اللامام العسكري ع


متوجه عليك وعيني تسيل
واصيحن سيدي هالجاي دخيل
عليل ومعتني هالجسمي انحيل

( ماعندي وسيله/ونظر الحالي)


متعني عليك وانت رجواي
جبت كل ظيم كلبي بدمع عيناي
وادريها الحوائج تنكظي وياي

(اريدالبشره منك/ونت تكظيها)


كطعيت المسافه بعيده الدروب
وحجيلك همومي هنا يمحبوب
متعوبه امامي حيل الكلوب

(عالخدالمدامع/عيني لعميها)


أوصل يم ضريحك أوكف اجلال
شكو عندي هضايم وحجي الحال
واكلك عالسوالف كلش ثكال

(اسولف وانت تسمع / سيدي الليله)


خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك يازهراءبتاريخ الجمعه/2024/9/6
٢ربيع الاول سنة هجري١٤٤٦نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

https://www.tg-me.com/AAAAAFCTP6mH2egqJ1qA

نعي السيده سكينه ع


ابوج عله ترب رحتيله تبجين
ظلمه بالليل لحسينج تريدين
شفتي حالته وعالخد تلطمين
برفيع الصوت يابويه وتندهين


بيد عداج هوه بسيف مذبوح
مايكدر يجاوب طالعه اروح
ماتنعدابجسمه هوايه الجروح
دمه عالارض فايض ومسفوح


صاحو بالخيم ياكوم فرهود
بيوم الطاح عمج راعي الجود
لو يدري بعذابج كونه موجود
نايم عالنهر ماعنده ازنود


ايستي ورجعتي لذيجه الخيام
بنيران وحرك متلوعه لايتام
شكد صعبه عليج ومره الايام
مايدري الكفيل وبيج ضرعام


ماعندج كفيل وراح عباس
صابوه بالعمد وتصوب الراس
وبيوم الوكع مجتمعه هالناس
شكو جربته ونشمرت الطاس


خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك يازهراءبتاريخ الجمعه/2024/9/6
٢ربيع الاول سنة هجري١٤٤٦نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

https://www.tg-me.com/AAAAAFCTP6mH2egqJ1qA

قصيده للامام العسكري ع


مشتق من بحرالمتدارك
الوزن عكيلي فعلن فعلن
فعلن فعلن


جم حسره الليله نجربيها
ونعازي الزهره ومهديها


ونروح ونمشي السامره
ونعازي ام حسين الزهره
نتعه بدمعتنه الحضره
نلطم ونون الواليها


ونكله المهدي بهالليله
ماجور المدمع ونسيله
ولزهره انوح ونبجيله
بمصابه نحيله مخليها


ونكابل مهدينه بدمعه
ولوادم تبجي ومجتمعه
ماجور بجلمتنه نسمعه
ودموع العين ونجريها


ملعون الظالم ونكله
وشلونك هالليله نسئىله
وامك ياظيم الي تحمله
كلحنه اليوم نعازيها


نلطم عالراس وعوانه
والمهدي وفاطم ويانه
حضرت هالوادم حزنانه
مسموم المات مبجيها


خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك يازهراءبتاريخ الثلاثاء/2024/9/10
٦ربيع الاول سنة هجري١٤٤٦نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

https://www.tg-me.com/AAAAAFCTP6mH2egqJ1qA

نعي للامام الحسن العسكري ع


اجيتك سيدي وبحال تعبان
عليك الظل ثلث تيام عالتربان
وعليك بداعت الجفين ولذراعان


تعبانه وعليك اليوم كصديت
وعلى بابك يبعدالروح وكفيت
مهظومه شكثر بالباب ونيت


عليك بداعت الزهره وضلعها
وحفلك بالعقيله وكل حزنها
روحي من الحزن كثران ونها


كلولي اليروح بابك بالهفه
ويحلفك بعمك ذاك وبجفه
تزيل هموم كلبه وماتظل لهفه


نظره الحالتي منك يبوالغيره
واليندبكم انتم ماتظل حيره
وبابك من جهبته مالي غيره


انتم باب رحمه والكم اتعنه
متعني عليك وبالكلب ونه
يبو جف الكريم وانه عرفنه


وانه اليوم متعني بدمع عيني
واكف بالدمع والحزن كاضيني
اريد امراد من ايدك وتنطيني


روحي هالكظت كل حيل مابيها
كل عله يبو الكلفات اشفيها
عليك بجدتك محسن واهليها


الشاعره ام جعفرالموسوي
خادمة الزهراء والسيده رقيه ع
الشاعره ام زهراءالفاطميه
لايجوزحذف الاسم أسم الكتاب لبيك يازهراءبتاريخ الاربعاء/2024/9/11
٧ربيع الاول سنة هجري١٤٤٦نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

https://www.tg-me.com/AAAAAFCTP6mH2egqJ1qA

بصراويه حلفيه المبدعه ام حيدر الحلفي

شاعرة متألقه بقصائدها الحزينه
اطوارها جنوبية 👌👌

انصحكم تشتركون بالقناة

👇🏻👇🏻👇🏻👇🏻👇🏻👇🏻

https://www.tg-me.com/AmHadeerAlhlfi

https://www.tg-me.com/AmHadeerAlhlfi