قصيده للمسير


طلعت الليله القافله
ودموع عيني هامله

صعدني بيده كافلي وتحزمو كلهم هلي
وشبان تتماشه سوه والقاسم بصفه علي
وعباس ركبها الحرم وطفالنه يم الولي

وبعزمي كلي توكلي
شتردين خويه دلالي

وانه العقيله بالظعن ونرسمت ابعيني الخيم
كلبي لجمني بالدرب وطفال وتهج بالهيم
صورت طفوف تخيلت وتوجعت من الالم

وجوف فوك عله النهر
والراس بيدين الشمر

وياي يبره المحملي وعيوني فيضها الدمع
وتذكرت درب السبي باجرحسيني والظلع
ونوب صديت الطفل من العطش وينفجع

من المدينه الكربله
وعريس دمه اتخيله

وشموع تطفي بالنبل جسام ويبيع العمر
متوسط بنص الضعن مابين عمه والكمر
صحبان اخيي محزمه وأرجال غيره ولنصر

جون وحبيب تقدمو
لابن الزجيه تحظرو

والشهم ينزل لنهر والجود ماي و ينترس
وكفالي باجر ينكتل وجه مثل ضي الشمس
وتخيلت مصرع دمه وحسين ورماح وفرس

والراس شفته منعزل
والجثه فوك عله الرمل


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الجمعه/2023/6/9
٢٠ذوالعقده سنة هجري١٤٤٤نسالكم الدعاء
لي والوالدي 🙏🙏🙏🙏

https://www.tg-me.com/AAAAAFCTP6mH2egqJ1qA

فزاعيه للخروج


اليوم ظعونكم طلعت يعباس


اشوف الساده والتمو يعباس
والارض الموت وتعنو يعباس
وللمحمل تره شدو يعباس
الساده الكربله وهمت يعباس


ومتقدم ابو اليمه يعباس
وكلمن يمشي بهمه يعباس
اسباع اليوث متحزمه يعباس
بيارغ لنصر رفت يعباس


ورفت بالدرب رايه يعباس
كلي شلون وبهايه يعباس
دروب بعيده وهوايه يعباس
حمول ظعونه وشدت يعباس


طلعو يأبني هاشم يعباس
شباب لاكبر وقاسم يعباس
كلمن للحرب عازم يعباس
من الموت ماردت يعباس


حسين وعون والخوه يعباس
ومتعنين والشلوه يعباس
اسباع وهم اهل نخوه يعباس
حسره بالكلب خلت يعباس


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الاربعاء/2023/6/14
٢٥ذوالعقده سنة هجري١٤٤٤نسالكم الدعاء
لي والوالدي 🙏🙏🙏🙏

https://www.tg-me.com/AAAAAFCTP6mH2egqJ1qA

نعي للخروج


ودعو وطن جدهم ابهايه
طلعو سوه الارض المنايه
عدهم بكربله وارضها غايه


تحزموللموت وتحضروكلهم
اليو شدو وصعدو محاملهم
محلاهم الربو بوطن جدهم


طلعت تمشي مشي هالضعون
وللمنايه وللموت يردون
وعيالهم بالدرب يبجون


تحضرو أهل العمايم للحروب
وياهم حرمهم وبعيده الدروب
ترفه اطفالهم من التعب وتذوب


السادات ملتمين شحلاهم
يشع ابنص الظلام ضواهم
وزينب بالضعينه ماشيه وياهم


بدرب المنايه وطلعو اليوم
صورت كربله والنهر مرسوم
وبكاع الطف تنملي ادموم


طلعوللغاضريه ويطلبهم الموت
وكلب زينب عله خوته مفتوت
وتبجي العقيله وتنوح بسكوت


والسادات متحزمين للدين
متوكل طلع أبن الميامين
اسباع النشامه وللحك مهمين


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الاربعاء/2023/4/26
٥شوال سنة هجري١٤٤٤نسالكم الدعاء
لي والوالدي 🙏🙏🙏🙏

https://www.tg-me.com/AAAAAFCTP6mH2egqJ1qA

مربعه للمسير


عفنه ادياراهلنه الكربله اجينه
وبصدور الضعن عباس والينه


عفنه اديار اهلنه ظلمه حزنانه
حارس بالضعن عباس وخوانه
وجاسم بالدرب والاكبر ويانه
ورجال وحرم وطفال طلعينه


طلعنه من المدينه كربله الليله
وعباس الشهم نتماشه وحجيله
وعبد الله الطفل امه تلوليله
وبيمينه السبع والباشه حادينه


وحادي ظعونه ويسوك بيمينه
كالحضه البطل يتلفت علينه
وساعات المضن وبجفه يرؤينه
ومن مس الهوه وترابه حامينه


وبنص الدرب عباس وكفهم
لختنه ام عون نفدي ارواح كاللهم
شحده اليوصل النسوان هافنهم
سمعو صوت من عباس أهالينه


عفنه بيوتنه والكربله رحنه
نحن للموت ظلينه لوطن جدنه
صحنه ابصوت ياعباس رجعنه
يريت هناك ياكفالي ظلينه


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الخميس/2023/6/15
٢٧ذوالعقده سنة هجري١٤٤٤نسالكم الدعاء
لي والوالدي 🙏🙏🙏🙏

https://www.tg-me.com/AAAAAFCTP6mH2egqJ1qA

الطميه عن السان مولاتي زينب عليهاالسلام


واكعد ياحمانه هجمو الليله
وشوف حسين خلصان وكضه حيله


واكعد ياحمانه الخيل هالغارت
من كل صوب جيش علينه هالدارت
ضجه بكل كتر عباس هالصارت
طاح من المهر محد يتجيله


فوك ومن هوه لرماح صابنه
اخيول بجيشيها ومن عمده داسنه
صدر حسين خويه العشره رضنه
كوم ابساع ياكفالي وحميله


وجثته عالارض بالخيل مطحونه
حوافر من حديد وسحكن امتونه
واليش حسين جابيمن يطلبونه
كطع راسه الشمر بالسيف ياويله

شال الراس ياعباس وبيده
ينزف بس دمه مكطوع يوريده


وبيده من خبث كطعهن اوصاله
خوف كل طفل بالسوط يعياله
بالليل اظلم مشت وسكينه تشكيله


ظل مرمري بشمس وبحره وترابه
مات حسين وحده طلابته طلابه
مصوب بالكلب هاليدي اصوابه
طشت بالبراري و يا مداليله


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الاربعاء/2023/6/14
٢٥ذوالعقده سنة هجري١٤٤٤نسالكم الدعاء
لي والوالدي 🙏🙏🙏🙏

https://www.tg-me.com/AAAAAFCTP6mH2egqJ1qA

فزاعيه للامام الجوادع


مسموم كلبه ونمرد
عازي الزجيه الليله


عازي الزجيه بالولد
شال الجواد ومايرد
مسموم ماله كل ظمد
طول العمر تنعيله


حضرت الليله للعزه
ونار ابكلبها اموجره
ظلت الزهره محسره
تنعه بحزن تبجيله


ميت ابنها ومنفجع
حزنانه وتهل الدمع
عالكبر تشعله شمع
من العده تشكيله


كعدت بحسره عالكبر
والكلب منها منكسر
تلطم وفوك عله الصدر
ويه ام حسن لطميله


مدفون ويلي بحسرته
ناس التكره سمته
من المدينه وحضرته
خلصان كاضي حيله


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الجمعه/2023/6/16
٢٧ذوالعقده سنة هجري١٤٤٤نسالكم الدعاء
لي والوالدي 🙏🙏🙏🙏

https://www.tg-me.com/AAAAAFCTP6mH2egqJ1qA

نعي للامام الجوادع


اجينه المجلسه وبجينه
ونشكيله ونطلع حجينه
ونريده يفزع الجوادالينه


ابن الهادي الليله طلبناه
وسوينه اقرايه ونعيناه
عالمسموم آه والف آه


اجينه المجلسه اليوم
ولابسين سود الهدوم
نطلب من عنده المظلوم


نكلفه يحضر الشدات
ونبجي بابه امضيعات
نجري عالوجن دمعات


اجينه نشكي الحال عده
ونريده يفزعلنه بالهده
ونطلب من بخت جده



وتعنيناه بدمعت العين
ونقسم عليه ابن الميامين
يكظيها بجده الحسين


ويحله المشاكل ابن الجواد
وينطينه من ايده المراد
وبكل المهمات ينراد


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الجمعه/2023/6/16
٢٧ذوالعقده سنة هجري١٤٤٤نسالكم الدعاء
لي والوالدي 🙏🙏🙏🙏

https://www.tg-me.com/AAAAAFCTP6mH2egqJ1qA

فزاعيه للامام الجواد ع


شيلي بيرغ المسموم
بالميدان هوسيله


شيلي بيرغه بجفج
فاطم كاعده بصفج
ذبي وياي كل عزمج
وابن سباع يحمينه


شدي ولطمي بلمجلس
حضرت فاطمه ونرجس
من السم تره يرفس
ميت اليش والينه


ميت حاضر الشده
الطاغي عليه وتعده
مسمم منمرد جبده
امام وشابحه عينه


لبن الهادي شديها
وام حسين عازيها
وموته اليوم ماذيها
نلطم حيل خلينه


نلطم والطم يسوه
باسمه اليوم نتكوه
ويستاهل ابو النخوه
امراد انريده ينطينه


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الجمعه/2023/6/16
٢٧ذوالعقده سنة هجري١٤٤٤نسالكم الدعاء
لي والوالدي 🙏🙏🙏🙏

https://www.tg-me.com/AAAAAFCTP6mH2egqJ1qA

فزاعيه بهوسه للامام الجوادع


انصبوهاا لجوادر كوموهالليله
مسمم ياحسافه ومنهدم حيله
ناحت كله اله واهله ومدالليله


انصبوها الجوادر لأبن الجواد
ومتعنين كلنه اليوم بغداد


انصبوها الجوادر كومو بهمه
هذه الحيد والعباس هم عمه
وماخذشارته من حسين ابواليمه

(اتعنوله /دكو زنجيل)


ودكوها الجوادر ها يخدامه
الجواد بتسعه وعشرين ييامه
ضجوها الشوارع صيرو كدامه

(تنصبونه /والجادر بسمه )


تعنوله بحزن معصوم يستاهل
اطلعوله عراضه وندبو يالكافل
اليش ابن الامامه ابساع هم شايل

(يحظرونه /جاوين الخوه)


تعنوله الجواد وشيلو كل الرايه
ويستاهل ضخرنه الليله القرايه
وكلوله اجينه اعليك عنايه

(وخلوها/كل رايه ترف )


وترفرف سمانه بعالي خلوها
ولابن المصطفى والهادي شيلوها
بيارغ للنشامه ها دهزوها

(وهزوها/ كل رايه عليه)


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الجمعه/2023/6/16
٢٧ذوالعقده سنة هجري١٤٤٤نسالكم الدعاء
لي والوالدي 🙏🙏🙏🙏

https://www.tg-me.com/AAAAAFCTP6mH2egqJ1qA

هوسات للامام الجوادعليه السلام


امشونه نروح نطلب منه امراد
ينطي ابن الحيود اليعتني غاد
الكاصد حضرته ودروبه ابعاد

(اندك ابابه /ويفزع مولانه )


وكفنه بابه ونريده النه فزاع
ابينه شارته ويشيل الاوجاع
نطلب هالطلب وينفذه ابساع

(الكلفه العدنه/يحلها بجفينه)


متعنين لابن الساده اجيناه
عدنه هموم وهوايه ونخيناه
ابابه هالدمع عالخد جريناه

(شلون ايقصر/ هو ابن الساده)


نحن لمصيبته ونبجيله ادموم
اجينه المجلسه ميت بهاليوم
ناره بالكلب ماتنطفي دوم

(ندك ونلطم /فوك عله الهامه)


نلطم عالصدر ونسوي تعزيه
اطلبو امراد من عنده العزوبيه
وصيحو يالجواد بدمعه مجريه

(يوزع بيده /امرادوينطينه)


حضرنه مجلسه وينطينه شنريد
الجواد ابن الائمه وجده هالحيد
وميت بالغدر أبن الجاويد

(نون الهايه/ وشايل هالليله)


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ السبت/2023/6/17
٢٨ذوالعقده سنة هجري١٤٤٤نسالكم الدعاء
لي والوالدي 🙏🙏🙏🙏

https://www.tg-me.com/AAAAAFCTP6mH2egqJ1qA

نعي للتشيع للامام الجواد ع


وين عزازه خليهم يلحكون
ويشيلون الجواد فوك المتون
وباارض الكاظميه عزه يقيمون


ويودعونه العزيز المات ابنهم
يجون ابساع ويهلونه دمعهم
ويحله فوك الجنازه لطمهم


يكطون الدرب وبساع دفانه
يشوفون الميت بيد عدوانه
وحك تحضره وتشيعه خوانه


يحضرون لبنهم بهاليله مات
ويشيلون نعشه اهل المروات
يطلبون ثاره ودمه هالسادات


ميت بالغدر وعمره شيعيده
ممروده جبدته ونته شديده
ينزلونه بحفرته وبالكبر وبهيده


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ السبت/2023/6/17
٢٨ذوالعقده سنة هجري١٤٤٤نسالكم الدعاء
لي والوالدي 🙏🙏🙏🙏

https://www.tg-me.com/AAAAAFCTP6mH2egqJ1qA

فزاعيه للامام الجوادعليه السلام


وين اهل النشامه خل يزتونه
مغرب يالجواد وشابح عيونه


وين اهل النشامه تلحك بساعه
تشوف المنذبح بلسم تره اوجاعه
خليهم يجون الليله لوداعه
رايد كل عمامه وخل يحضرونه

(يودعونه/ كون بهوسات )


يودعونه الاهل وبنوح وتشيله
نحلان الجواد وميت الليله
خل تحضر عراضه بيوم تغسيله
ميت عالسطح مشمور يدرونه

(يغسلونه/والساده بهيده)


يغسلونه بديهم والبجي يحله
عله المات بشبابه وآه ياحله
ومالحكو عمامه وشنهي لسئله
وبيمن طالبينك هم ينشدونه

(يسئلونه /جاميت اليش )


وين اهل النشامه خل تجي بسرعه
ينادي وبألسامي وكلمن يسمعه
كبل ليموت لحبابه ويهل دمعه
امام الدين ومعدل يعرفونه

(يحضرونه/ ويريد الخوه )


مغرب يالجواد وحالته صعبه
مدسوس العنب خلصان كل كلبه
يشكي الخانته والسمته الربه
ومحد لااجه منهم يشيلونه

(يموتونه/ بالسم الليله)


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ السبت/2023/6/17
٢٨ذوالعقده سنة هجري١٤٤٤نسالكم الدعاء
لي والوالدي 🙏🙏🙏🙏

https://www.tg-me.com/AAAAAFCTP6mH2egqJ1qA

اليوم الثاني (وصول الإمام الحسين إلى أرض كربلاء)

بسم الله الرحمن الرحيم
اللهم صل على محمد وآل محمد وعجل فرجهم



في الطريق إلى الكوفة ، إلتقى الإمام الحسين ( عليه السلام ) بالحرّ بن يزيد الرياحي ، وكان مُرسلاً مِن قِبَل ابن زياد في ألف
فارس وهو يريد أن يذهب بالإمام إلى ابن زياد ، فلم يوافق الإمام الحسين على ذلك واستمرّ في السير حتى وصل
إلى أرض كربلاء في اليوم الثاني من شهر محرم سنة 61 للهجرة.
فلمّا نزل بها ، قال : ما يُقال لهذه الأرض ؟
فقالوا : كربلاء !
فقال الإمام : « اللهم إنّي أعوذُ بك من الكرب والبلاء » ، ثم قال لأصحابه : إنزِلوا ، هاهنا مَحَطّ رحالنا ومَسفك دمائنا
وهنا محلّ قبورنا. بهذا حدّثني جدّي رسول الله( صلى الله عليه وآله وسلم

قال السيد ابن طاووس في كتاب « الملهوف » :
لمّا نزلوا بكربلاء جلس الإمام الحسين ( عليه السلام ) يُصلح سيفه ويقول :

يـا دهرُ أفٍ لك من خليل *** كم لك بالإشراق و الأصيل
مِن طـالبٍ وصاحبٍ قتيل *** و الدهـر لا يقنـعُ بالبَديل
وكـلّ حيّ سالكٌ سبيلـي *** ما أقربَ الوعد من الرحيلِ
وإنّما الأمر إلى الجليلِ

فسمعت السيدة زينب بنت فاطمة ( عليها السلام ) ذلك ، فقالت : يا أخي هذا كلام مَن أيقَن بالقَتل !
فقال : نعم يا أختاه.
فقالت زينب : واثكلاه ! ينعى إليّ الحسين نفسه.
وبكت النِسوة ، ولَطمن الخدود ، وشقَقن الجيوب ، وجعلت أمّ كلثوم تنادي : وامحمّداه ! واعليّاه ! وا أمّاه ! وا فاطمتاه !

واحَسَيناه ! واحُسيناه ! واضيعتاه بعدك يا أبا عبد الله

النعي


نزلت الضعون ودكيته خيامك
متعني للموت انت و كل عمامك
اشوفنك شديت يبن امي حزامك


شنهي عليمن حاجيني يحسين
وباجرعدمن تظل هاي النساوين
واشوفنهم عداكم هالمحربين


يامن جبتنه من المدينه الكربله
مذكوره هنانه موتتك وبيها البله
يذبحونك يخويه وتهيم العايله


كربله ام المصايب وبيهاالاحزان
واخافن يغدرنه باراضيها الزمان
وتظل ابوحدك مابين عدوان


بيدك دكيتها وكفتها الخيام
واجه الليل وعيوني ماتكدر اتنام
وبس اليوم مادري باجر شظام


من هسه الكلب يحسين مفتوت
اسمع بناتك يتباجن وبسكوت
اشلون تعوفني وتروح للموت


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الاثنين/2023/6/19
٣٠ذوالعقده سنة هجري١٤٤٤نسالكم الدعاء
🙏لي والوالدي اللهم عجل لوليك الفرج🙏

https://www.tg-me.com/AAAAAFCTP6mH2egqJ1qA

فزاعيه للنزول


وصلنه الكربله يحسين
والخيمات دكوها


ملتمه الزلم
دكوها الخيم
بيد اهل الشيم
والعدوان شافوها


باجر ملحمه
تفيض وبالدمه
كلها مئلمه
هاي الكاع عوفوها


ويانه الكفل
نزل كل حمل
ومتحزمه الاهل
بيارغ سود رفعوها


عيال مدلاله
دموع وسايله
اليوم بكربله
كاع الغربه وصلوها


حدود محدده
عيون وشاهده
جاشنهي السده
العيله تنوح خلوها


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الاربعاء/2023/6/21
٢ذوالحجه سنة هجري١٤٤٤نسالكم الدعاء
لي والوالدي( اللهم عجل لوليك الفرج ) 🙏🙏🙏🙏

https://www.tg-me.com/AAAAAFCTP6mH2egqJ1qA

هوسات للنزول


وصلنه الكربله ونزلت محاملنه
وي حسين والعباس كافلنه
دكوها الخيم وهلت مدامعنه

(اليوم هنانه/ حسين وخوانه )


واعاين لخوتي الخيمات نصبوهه
رايات الحزن وعلام رفعوهه
واراضي كربله الخوان طبوهه

(اليوم الخوه/وخطارالليله)


دكوهاالخيم وحدودهه والاساس
ونيت وبجيت شلون بالعباس
اخافن ينظرب باجر على الراس

(وبيدالكافر /ويطك الهامه)


يحركون الخيم وطنابنها كلها
يموتون الاهل والحيد كافلها
وهاي اطفالهم عكب المدللها

(وبيدالظالم /ويوج الخيمه )


هاي الكاع بيها اطيح هالخوه
وفوك حسين عالغبره وابوالنخوه
ومذكوره القصص والموت وبشلوه

(حسين يعالج/والعباس مكطعينه)


مااريد الخيم هاليوم منصويه
باجر كل خيمنه تروح منهوبه
وبت حسين تالي تموت مصيوبه

(زغيره وميته/وعالراس نوبه)


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الاربعاء/2023/6/21
٢ذوالحجه سنة هجري١٤٤٤نسالكم الدعاء لي والوالدي🙏 اللهم عجل لوليك الفرج 🙏

https://www.tg-me.com/AAAAAFCTP6mH2egqJ1qA

قصيده للنزول بِوِزن بحرالطويل


وصلنه الكربله الليله نزلنه ويجري مدمعنه
نجرحسرات بالونه ويبره ويانه كافلنه


اجينه اليوم كلحنه لارض الموت جابنه
حرم واطفال تتباجه دموع النسوه جريانه
حمول وبيده نزله وكفيل العيله ويانه
بحزن واهات ونينه نبجي ونشكي يسمعنه


اجيت ودكو خيامي وخوتي كلها ملتمه
وعون وجعفر وكلهم وحبيبي حسين ابواليمه
والارض الموت جابونه وكلمن ينصب بهمه
واذا طاحو هلي باجر بعد ياهواليضل النه


واجينه بدمعه سجابه وعفنه بيوت اهالينه
غريبه ودمعتي تجري اخاف ايروح والينه
عزيزابن امي والكافل على لاهات مابينه
وذاراح من ادينه حسين بعد ياهو اليدللنه


وباجر بس حرم نبقه وتركض بالهيم كلها
حزينه بروح خلصانه ولاواحد يظل الها
تصيح اطفال ياعمه وروحي حسين شاغلها
ومن هسه الحرم خافت يروح ابساع من عدنه


اخاف تموت خواني وحرم واطفال تشرد
احشم خويه مايسمع وخاف حسين مايكعد
واخلص عمري بالونه واشوفه نايم امدد
كفيل العيله هم طايح تهد الكوم تظربنه


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الخميس/2023/6/22
٣ذوالحجه سنة هجري١٤٤٤نسالكم الدعاء
لي والوالدي🙏 اللهم عجل لوليك الفرج 🙏

https://www.tg-me.com/AAAAAFCTP6mH2egqJ1qA

نعي للنزول كاني مولاتي
زينب تخاطب امهاالزهراءع


يمه وصلنه ودكينه خيمنه
وحطينه بكربله محاملنه
وبديران غربه الليله نزلنه


دكوهاالخيم يايمه ام حسين
وعيني تعاين وتسيل هالعين
وكلبي الجمني عله الحنين


نزلو بكربله خوتي ييمه
كلبي الجمني عله ابواليمه
نصبوها الخيم كلهم بهمه


نزلو كل الضعون الليله
وابنج يحجي وي مدالليله
جنها يوصي ظل بالعيله


ودمع عيني سال عالخدين
واجاني ويكلي لا تونين
دللي يم عون خويه لاتهمين


شسولف ييمه ومدري اشلون
وعدانه ظلو علينه ينشدون
وماندري بياساعه يفزعون


دكوها الخيم يايمه الزلام
وعاين عله حسين كاعدوماانام
وصرنه بين وادم ماعدهااسلام


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ السبت/2023/6/17
٢٨ذوالعقده سنة هجري١٤٤٤نسالكم الدعاء
لي والوالدي 🙏🙏🙏🙏


https://www.tg-me.com/AAAAAFCTP6mH2egqJ1qA

قصيده للامام الحسين ع بوزن
العكيلي فعلن فعلن فعلن فعلن


والخيل الرضت بضلوعه
وبنيته تنادي ومفجوعه


وتريد الواحد يحميها
وتعاين ميت واليها
واتون لمصابه وماذيها
لليوم تنوح وموجوعه


ركضت لحسين وملهوفه
وتريد الوالد وتشوفه
مجموعه الجيش ومصفوفه
كعدت يمه وتجري دموعه


ظلت تبجي الحاله سكينه
وتكله اكعد ياوالينه
يا صوط عداك الماذينه
وتجر بالونه ومسموعه


ميت راحت هم تكعده
لاذت يم حسين بسده
وسهام البين وبالجبده
شتسولف عنه بيالوعه


ومسلب ميت ببجانه
وبنيته تون وحزنانه
من ظيم وظيم وخلصانه
شافت عدوانه ومرعوبه


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الخميس/2023/6/22
٣ذوالحجه سنة هجري١٤٤٤نسالكم الدعاء
لي ولوالدي🙏🙏 اللهم عجل لوليك الفرج

https://www.tg-me.com/AAAAAFCTP6mH2egqJ1qA

نعي للمسير


طلعت الضعون ومشت صوب المنايه
وترفرف فوك روسكم يحسين الروايه
جنكم ناوين الكربله يبن امي ابهايه


يبوالسجادوين بهالمشي موذابت الروح
هاك اسمع عيالك مابطلت هالنوح
وكلب زينبكم متروس آهات وجروح


خويه العيال من هسه تغيرت دشوفها
ارحمو حال الحرم والخيل ردوها
رجعنه الوطن جدنه وبناتكم رحموها


اخافن يطكني لبين على عيني
وبالمعركه يحسين تشرد بنيني
وانت العزيزوالغالي وتروح وماتجيني


يحسين اظن من نوصل صوب المنيات
كلبك وكلبي ينترس هظايم واهات
ويظلن بناتك يبن امي يتيمات


رد الضعن وارجوك اسمع عتابي
جبير بهاليوم يبن الزهره مصابي
خاف تعوفوني بكربله وتروح كل حبابي


عداك ماترحم ابحالي ياروح الزجيه
من اتطيح بكربله اخافن تنولي رقيه
وجسمك على الكاع يظل بالغاضريه


ردنه للوطن اشوف اعداك متحزمه
وبعيني صارت الدنيه غيومهه ظلمه
رجف كلبي عليك هاشتكول يبو اليمه



خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الجمعه/2023/5/5
١٤شوال سنة هجري١٤٤٤نسالكم الدعاء
لي والوالدي 🙏🙏🙏🙏

https://www.tg-me.com/AAAAAFCTP6mH2egqJ1qA

بسم الله الرحمن الرحيم
اللهم صل علئ محمدوآل محمد

قيل إن فاطمة العليلة بقيت تبكي ليلها ونهارها وبين ساعة وأُخرى تنظر إلى تلك الدار الموحشة الّتي خلت من أهلها، وتهيج بها أحزانها
حارت بها الأعذار، فلا خبر يصلها عن أبيها، ولا العباس جاء ليحملها إليهم كما وعدها الحسين عليه السلام، فبقيت على حالة تتقطع لها القلوب وهي تنتظر أي خبر يصلها عنهم، ويُروى أنها كتبت كتاباً إلى والدها الحسين عليه السلام ضمت فيه همومها وألام فراقها، وبينت فيه حالها.
وبينما هي جالسة ذات يوم وإذا بأعرابي على هيئة سفر قالت له أخا العرب إلى أين تريد قال أريد العراق قالت هل لك أن تحمل كتابي هذا الى أبي قال ومن أبوك قالت أنا فاطمة ابنة الحسين بن علي أبي طالب ع.
فقال لها الأعرابي حباً وألف كرامة يا بنت رسول الله فأخذ الإعرابي كتاب فاطمة وأقبل إلى العراق يسأل عن الحسين حتى وصل الى أرض كربلاء بعد الظهر اليوم العاشر من المحرم وإذا به يجد الحسين عليه السلام وحيدا فريدا لا ناصر له ولا معين بعد قتل الأصحاب وبني هاشم، وهو يجيل النظر يمنة ويسرة بين آلوف الأعداء، فسلمه الكتاب. وقيل: إنه جاهد دون الحسين حتى استشهد بين يديه.

فتح الإمام الحسين عليه السلام الكتاب وإذا به من ابنته فاطمة العليلة، فبكى بكاءً شديداً .ووقف أمام خيمة النساء ونادى يا زينب ويا أم كلثوم ويا رقية ويا سكينة ويا فلانه ويا فلانه هلمن فلقد جاء الكتاب وعظم المصاب فخرجت الحوراء زينب قالت أخي أخي حسين أما المصاب فنحن فيه ولكن أخبرني عن الكتاب فقال اخيه هذا كتاب من ابنتي فاطمة وهي تسلم على عمها العباس ولا تعلم بأنه على شاطي العلقمي مقطوع اليدين وتسلم على اخيها علي الاكبر ولا تعلم بأنه مقطع بالسيوف اربا اربا وكأني به فتح الكتاب وجعل يقرأه عليهن: ثم ان الحسين عليه السلام اخذ الكتاب وجاء به الى أرض المعركة وتوسط القتلى ونادى برفيع صوته هذه فاطمة العليلة تبلغكم السلام ثم تذكر بأن من وصاياها أن تقبل اخيها الرضيع فتحير في آمره كيف يقبله وهو مقطوع الوريد.


نعي للسيده العليله عليه السلام


من يوم الغربت عني ومشيت
زادت علتي ولا ماشفيت
مريضه وفوك مرضي تعلعليت


وكثرت يهلنه عليه الهموم
عكب عيونكم والكلب مالوم
شفتك حملت ظعنك بهاليوم


روحي تعذبت من كثر الفراك
يجويني الدمع عالوجنه حراك
جنه تنفسك والعطرك اشتاك


عفتني ورحت يابويه لاوين
من اهد طلعتك تجاره هالعين
جنك غربت للموت يحنين


يامن عفنتي وحملت بالمسيه
اظلن كاعده ومناطره الجيه
من حملت شبعيت اذيه


أعاين عالدرب وعيوني جريانه
تدري الجيتك يحسين الهفانه
بويه وداعتك ظليت نحلانه


صوب الغاضريه ليش ماخذتني
من دون اخوتي هنانه عفتني
مريضه على شوفتك يالدللتني


بعدت اضعونك وبوحدي ظليت
ومن بعد افراكك حيل ونيت
بيد العرابي خبر وديت


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الجمعه/2023/6/23
٥ ذوالحجه سنة هجري١٤٤٤نسالكم الدعاء
لي ولوالدي🙏 اللهم عجل لوليك الفرج🙏

https://www.tg-me.com/AAAAAFCTP6mH2egqJ1qA