المولدالامام علي الاكبرع


نحيي ميلاده الاكبر
عمه بعياده الاكبر


شاله بزنوده الاكبر
يبؤس خدوده الاكبر
الفرحه مريوده الاكبر
فرحت اجداده الاكبر


يشبه الهادي الاكبر
بسمه وينادي الاكبر
بكربله غادي الاكبر
كل سنه وعاده الاكبر


كمر يتلاله الاكبر
كلشي حياله الاكبر
قبله وشاله الاكبر
عمه ولاده الاكبر


نوره من مهده الاكبر
عالم ابحده الاكبر
ونعم جده الاكبر
واهله السياده الاكبر


علي عنوانه الاكبر
فرحت اكوانه الاكبر
بعيد مولانه الاكبر
ونعم قاده الاكبر


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الخميس/2023/3/2
٩شعبان سنة هجري ١٤٤٤نسالكم الدعاء
لي والوالدي🙏🙏🙏🙏

https://www.tg-me.com/AAAAAFCTP6mH2egqJ1qA

الابوذيه للامام المهدي عج

غيرك بالبشر لا...ماهوينه
ترفعنه بخدمتك...ماهوينه
يسئلنه عدوك ...ماهو وينه
عجل بالفرج يبن الزجيه


الجناسات
الاول:مانهوه غيرك
الثاني:يعني يكلوله شوف هذه هو من فوك
الثالث:العدويكول ماهوه وينه

خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ السبت/2023/3/4
١١شعبان سنة هجري ١٤٤٤نسالكم الدعاء
لي والوالدي🙏🙏🙏🙏

https://www.tg-me.com/AAAAAFCTP6mH2egqJ1qA

هوسات المولد الامام الحجه عج


ميلادك يمهدي ضوه الاكوان
اليوم بجيتك والشيعي فرحان
يهني جددك وكل بني عدنان

(وكلوله اهلا /بالجيه )


انكلك امبارك يغالي بهالولاده
وجهك نور الشمس والكمروزياده
وفرحت امك ابجيتك والساده

(ميلادك الليله /يبشر)


فرحان الكلب والكون مزهر
ابجيتك للخلك واسمك يبشر
خجلان الكمر من نورك انطر

(اهلا يالسمك/ مهدينه)


شعشع نورمن سابع سمه وضوه
بنص شعبان المتنه بكربله حلوه
اليحبك من كلب مولاي وشسوه

(يهنينه امك /والزهره )


فرحت شيعتك مولاي والعتره
ابميلادك يمهدي هنت الزهره
جابت بالدرب ريحان وتنثره

(فرحانه الدنيا/بجيتك)


يالحبك ابدمنه ومن هواك تنفس
وطيور السمه فرحانه ونورس
فرحان الحسن ويهني بنرجس

(يهنيئه بالمهدي/ الليله )



خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الاربعاء/2023/3/8
١٥شعبان سنة هجري ١٤٤٤نسالكم الدعاء
لي والوالدي🙏🙏🙏🙏

https://www.tg-me.com/AAAAAFCTP6mH2egqJ1qA

المولدالامام المهدي عج


بزغ ميلاد وجهك نور اليله
لجدك بالولاده افراح نهديله


لجدك بالولاده انروح ونزوره
وجهك بالسمه يتلاله هم نوره
نشوف بمولدك لورد منثوره
ننشده ابجيتك مولاي نحجيله


ننشده بالفرح يايوم نتلاكه
نكله سيدي الشيعه مشتاكه
اشوطول غيابه وطول افراكه
بكل جمعه دعاء الندبه ندعيله


يمن فدوه رحت العياد ميلاده
تهني فاطمه ابجيته وجداده
حضرت شيعته مبتسمه بعياده
تقدم كل ورد بجفوفها اتشيله


تعايد بالولاده الفرحه وجدد
تطوف بحضرته مهدينه وتردد
كلمن زاره ابشعبان هم يسعد
وافراح السعاده الكون يمليله


حضرت شيعته وورود اله تهدي
باقات الورد والياس للمهدي
سلام من الحسين اليوم وتودي
بدموع الفرح والخير تبجيله


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الاربعاء/2023/3/8
١٥شعبان سنة هجري ١٤٤٤نسالكم الدعاء
لي والوالدي🙏🙏🙏🙏

https://www.tg-me.com/AAAAAFCTP6mH2egqJ1qA

الابوذيه الحسين عن السان مولاتي زينب ع

اركض عالجدم وامشي...ابهمه
خلصان الكلب حاير ... ابهمه
طريت الصخر وامشي...بهيمه
اجيت اشكي يخويه الصاربيه

الاول بهمه
الثاني الهم
الثالث الهيمه

خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الجمعه/2023/3/10
١٧شعبان سنة هجري ١٤٤٤نسالكم الدعاء
لي والوالدي🙏🙏🙏🙏

https://www.tg-me.com/AAAAAFCTP6mH2egqJ1qA

نعي الاهل السيده زينب ع


نامو بالكبور اهل المحنه
بعدنه ماشابعين من اهلنه
بالحضه وبساع اطشر شملنه


ونار احبابنه مستعره وتفور
وراهم كلبنه نصين مفطور
كل واحد يون وحيل مكسور


راحو الحنان من ادينه
زودنه نوحنه وكل بجينه
عيونهم ماترد علينه


شجاهم وفاركونه ابساع
بعدنه ماشبعين منهم اوداع
ماينحمل ياظيم الاوجاع


وين الدللونه سنين وسنين
بعد ماظن يرجعون الحنينين
النوم المكبره جنهم مرحلين


عزيزين الكلب ماشبع منهم
شي طيبين كلحنه نودهم
خذاهم الموت وبعد مايردهم


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الخميس/2023/3/16
٢٣شعبان سنة هجري ١٤٤٤نسالكم الدعاء
لي والوالدي🙏🙏🙏🙏

https://www.tg-me.com/AAAAAFCTP6mH2egqJ1qA

قصيده الاهل مولاتي زينب ع


نامو بنص الكبر
العاشوويانه العمر

عيونه تربي وراهم
وسفه ياموت الخذاهم

وسفه ياموت الخذاهم من ادينه
والكلب ماتطفي ناره تجوي بينه
بالكي الله احبابنه وترد علينه
كلمن الظل الوراهم تجري عينه

ستعجلو مدري شجاهم
وسفه ياموت الخذاهم

ضيعونه ضيعونه ومااجوا

مشو عنه وحملو محد رجع
من عكبهم حيل ظلينه ابوجع
نشعل ابلليل لظلام الهم شمع
من يمر طرواهم يهل الدمع

والكلب لا مانساهم
وسفه ياموت الخذاهم

ضعيونه ضيعونه ومااجو

من يمر طرواهم يذوب الكلب
يجذب الحسرات وبعيد الدرب
والدمع عالوجنه لحبابه يصب
يحجي ويه عزازه ويودي عتب

نطلب العشره ورجاهم
وسفه ياموت الخذاهم

ضعيونه ضعيونه وماجوا

نبقه طول الليل نبجي لصبح
ونذكر حجايتهم هم ننجرح
العشره وياهم جميله وماتصح
بشوك ملكاهم بعدنه ننذبح

بنزل يزهي ضواهم
وسفه ياموت الخذاهم

ضيعونه ضيعونه ومااجوا

عدنه جم حجايه نحجيه بعد
جانو النه سور كالخيمه وسند
كلمن الرايح بعد لاما يرد
نامو ابنص المكابر والحد

كون ميتين بسراهم
وسفه ياموت الخذاهم

ضيعونه ضيعونه وماجوا


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ السبت/2023/3/4
١١شعبان سنة هجري ١٤٤٤نسالكم الدعاء
لي والوالدي🙏🙏🙏🙏

https://www.tg-me.com/AAAAAFCTP6mH2egqJ1qA

الابوذيه للامام المهدي عج

بكاروك الطفوله اصباي...مهدي
اقدملك هديه ورد ... مهدي
أسمك بنبض مكتوب ...مهدي
بشريان الكلب يبن الزجيه


الجناسات
الاول:المهد
الثاني:ورد مهدي يعني هديه
الثالث:الامام المهدي عج

خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الجمعه/2023/3/18
٢٤شعبان سنة هجري ١٤٤٤نسالكم الدعاء
لي والوالدي🙏🙏🙏🙏

https://www.tg-me.com/AAAAAFCTP6mH2egqJ1qA

الابوذيه للامام المهدي عج

اكتب بالقلم مولود ....شعري
متانيتك يمهدي وشاب...شعري
اكل الدنيا حسي بيه... شعري
بالكي الله يجي ويمر عليه

لجناسات
الاول:الشعر
الثاني:شعري
الثالث:اشعري يعني حساس

خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الجمعه/2023/3/18
٢٤شعبان سنة هجري ١٤٤٤نسالكم الدعاء
لي والوالدي🙏🙏🙏🙏

https://www.tg-me.com/AAAAAFCTP6mH2egqJ1qA

نعي للسيده خديجه عليها السلام


يازوجت محمد سيد العتره
نريد امرادنه من عينج ونضره
كلمن اجاج محير بامره


نكلج يم فاطمه وياج حضرينه
ولجل امصابج هالليله ونينه
بدفتر الشفاعه مولاتي سجلينه


مهظوم الكلب ويريد منج امراده
ياام الائمه وياجددت الساده
نطلب منج الرضا وبعد وزياده


اكتبي اسامينه يم فاطمه الزهره
نحلفج بالحسين المنكطع نحره
وبيوم الطاح وتمدد عله الغبره


بجاه النبي الهادي عليج اسمعينه
ابساع ابساع يم الساده شافينه
تجري ادموعنه ولمصابج بواجينه


اليوم يم بابج كعدنه يم الميامين
يازوجت محمد ونصرت الدين
اجيناج بالون والدمع مالومين


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الجمعه/2023/3/31
٩رمضان سنة هجري١٤٤٤نسالكم الدعاء
لي والوالدي 🙏🙏🙏🙏

https://www.tg-me.com/AAAAAFCTP6mH2egqJ1qA

الطميه السيده خديجه ع


الف ونات وبكلبي تخلين
فدوه ارجوج يمه لاترحلين


فدوه ارجوج ظلي اليوم وياي
اسولفلج سوالف ظيم دنياي
خل نكعد سويه الليله وبهاي

(مالومه ياروحي اتريدج )


ومالومه يروحي خلاف عيناج
عني الموت وسفه الليله بعداج
مستعجل عليج وين وداج

(وعطليهايايمه الروحه)


وعطلي روحتج وياج خلينه
افراكج هم كلف تدرين مابينه
تدرين البعد والموت ياذينه

(ورديلي يحبيبه الليله)

مالومه ييمه افراكج يعور
يومج هم ثجيل وللكلب يكسر
وابدماانام الليلي وللصبح اسهر

(شلون اتحمل كلبي وصدعتيه)


اون عليج يمه وماهده وني
بغيابج عليله والحزن فني
ابموتج حيل والحسرات كتلني

(ياريت اوياج وخلصانه)


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الجمعه/2023/3/31
٩رمضان سنة هجري١٤٤٤نسالكم الدعاء
لي والوالدي 🙏🙏🙏🙏

https://www.tg-me.com/AAAAAFCTP6mH2egqJ1qA

فزاعيه للامام علي عليه السلام


محمل وين يلوالي يكرار


زينب تبجي بعبره يكرار
ظلت بالكلب حسره يكرار
الهامه الليله منطبره يكرار
تصيح الموت واشوالي يكرار


تلطم حيل وتريدك يكرار
حسين ينوح يوليدك يكرار
تكول علينه شيعيدك يكرار
اليش يحمل الغالي يكرار


لعده صابوك عالهامه يكرار
ذوله الناس ضلامه يكرار
الحسن خلصان بيامه يكرار
دمع عيونه ويلالي يكرار


تنزف هامتك وسفه يكرار
تشيل الليله هم كلفه يكرار
يومك اه شيوصفه يكرار
تهدم سورنه العالي يكرار


غميج اصواب البراسك يكرار
تبجي تنوح ياناسك يكرار
حنين وكلشي بحساسك يكرار
كمر بسمانه ويلالي يكرار


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الجمعه/2023/4/1
١٠رمضان سنة هجري١٤٤٤نسالكم الدعاء
لي والوالدي 🙏🙏🙏🙏

https://www.tg-me.com/AAAAAFCTP6mH2egqJ1qA

فزاعيه للامام علي ع


اليوم تصوب الكرار
وبراسه يضربونه


بسيف عداه هالليله
لتمت تصرخ العيله
طايح منهدم حيله
يدير الزينب عيونه


كلف ياحالته حاله
عيون عياله هماله
اجاه بالسيف جتاله
سبع يرهب يخافونه


الضربه براسه مسمومه
تغير الون يرسومه
زينب تبجي مالومه
حنين وزين يدرونه


صارت حالته خطره
مضت كلش الطبره
تون اولاده بالحسره
من عمده يصوبونه


الهامه اليوم ضربوها
تنزف دمه خلوها
الحره بلطمه عازوها
احبابه ابنوح يردونه


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الجمعه/2023/4/1
١٠رمضان سنة هجري١٤٤٤نسالكم الدعاء
لي والوالدي 🙏🙏🙏🙏

https://www.tg-me.com/AAAAAFCTP6mH2egqJ1qA

الابوذيه مفاعيلن مفاعيلن فعولن


المتن مجروح يوجعها...والمها
تشكي ابصوت للوالد...والمها
ادكول اشلون بالعيله...والمها
طشت من صهيل خيول اميه

الجناسات
الاول :الم يعني وجع
الثاني :الام الوالده
الثالث :يعني شلون الم العيله


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الجمعه/2023/4/1
١٠رمضان سنة هجري١٤٤٤نسالكم الدعاء
لي والوالدي 🙏🙏🙏🙏

https://www.tg-me.com/AAAAAFCTP6mH2egqJ1qA

نعي للامام علي عليه السلام


اليوم ابوي بسيف ضاربينه
من الوجع ماغمضت عينه
حمل للكبر شايل ولينه


شال العزيز وحمل اليوم
والوالد غرب والحيل مهدوم
ظل كلبي عليه يدي ومالوم


شلون يعوفنه ياماي العيون
اليتامه بالباب واكفين ويلمون
وين ابونه رايح يكولون


عكب عينه بقت اليتام بالنوح
وابونه مطبور وراسه مجروح
غرب للموت وطلعت الروح


جنه للكبر حمل وشال
وفراك الابو يكتل وجتال
يهدم الحيل ويغير الحال


عزيز الغالي ماينحمل فراكاه
شماله الموت متوازي وخذاه
غابت ارسومه ونامت يعيناه


خذاه من عدنه ومشه الموت
ابوي العزيز مات وكلبه مفتوت
رحل للكبر وخفه علينه الصوت


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الاربعاء/2023/4/5
١٥رمضان سنة هجري١٤٤٤نسالكم الدعاء
لي والوالدي 🙏🙏🙏🙏

https://www.tg-me.com/AAAAAFCTP6mH2egqJ1qA

موشح للامام علي عليه السلام


ونت ام حسين ويه ام الخدر
تكلها راس الحيد هالليله انطبر


خلي اني وياج نلطم للصبح
راس ابوالحسنين بالسيف نجرح
جنه بفراش المنيه منطرح
شفت راسه اليوم وضعه وبخطر


جن منيت موت جن هذه الوضع
هلي دم ادموم يايمه الدمع
مثل يوم حسين يومه والضلع
خلاف ابو الايتام عميان النظر


الامر هذه جبير حسيته صعب
كمت امشي حيل وعثر بالدرب
يمه شنهي الصار وحجيلي السبب
اليش ابوج اليوم مصيوب بغدر


ظل ابوج يلوج ناوي على الرحيل
وين ماشي اليوم حماي الدخيل
الامر جن مكتوب من رب الجليل
خلص كلشي وراح وياه العمر


ظل يصيح حسين بويه ياعلي
ادري بين عداك باجر انولي
التمت عليه اليتامه وكل هلي
شال ابو الكلفات غمض بالكبر


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الجمعه/2023/4/8
١٧رمضان سنة هجري١٤٤٤نسالكم الدعاء
لي والوالدي 🙏🙏🙏🙏

https://www.tg-me.com/AAAAAFCTP6mH2egqJ1qA

نعي للامام علي عن السان مولاتي زينب ع



جرح راسك ...تدري بويه عذباني
جرح راسك...حيل وبروحي رماني
جرح راسك ...غدر بيه يازماني
جرح راسك ...وين يافكره خذاني
جرح راسك ...فراكك الليله عماني


بويه شنهي ... لونك وجهك تغير
بويه شنهي ...كلب بتك هالتحير
بويه شنهي...راسك عليمن تتطبر
بويه شنهي...الكون بغيابك تتدمر
بويه شنهي...حسن بدموعه تفجر


وين رايح ...اظن هالسفره طويله
وين رايح ...فراكك انا مالي حيله
وين رايح...الدمع من دم واسيله
وين رايح...ابجي لغيابك نحيله
وين رايح...التمت تودعك العيله


فدوه ردلي ...بويه نحلانه الفركتك
فدوه ردلي ...شلون انساها كعدتك
فدوه ردلي ...نطبعت ابالي طبرتك
فدوه ردلي ...تسير عليه نطرتك
بويه ردلي ...كلبي يرتاح النظرتك


اليوم موتك ...كلها مكسوره خطيه
اليوم موتك ...عيونك تعاين عليه
اليوم موتك ...تعالج وجنه المنيه
اليوم موتك ...اليش مافكرت بيه
اليوم موتك... خلي اديك ابين اديه


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الثلاثاء/2023/4/11
٢٠رمضان سنة هجري١٤٤٤نسالكم الدعاء
لي والوالدي 🙏🙏🙏🙏

https://www.tg-me.com/AAAAAFCTP6mH2egqJ1qA

قصيده للامام علي عليه السلام


وحشه هالدنياعليه
صعبه ياهاي المسيه


مكدره روحي لغيابك حيل صعبه
احجي هالليله اجيتك عندي طلبه
لاتخليني وحيده بين غربه

بويه موعندك ابنيه
وحشه هالدنياعليه

بويه بويه

رسومك عليه مشت شكدعجيبه
كلبي ماتطفه يناره ولا لهيبه
الليله مطبور الوصي شهلمصيبه

تسيل عيناي وجريه
وحشه هالدنياعليه

بويه بويه

والعمرماريده تدري خلاف عينك
ابجي وعيوني لمجانك بويه وينك
صواب راسك حيل يكتل ياونينك

وين ياحامي الحميه
وحشه هالدنيا عليه

بويه بويه

شفتك امصوب ابراسك روحي ذابت
تبجي كل العيله لجلك كلها ناحت
عمامتك يابويه وسفه الليله طاحت

بغدر هم بيد الدعيه
وحشه هالدنيا عليه

بويه بويه

حالك الشفته كتلني وانت تدري
سلمت لله مصابي بزغر عمري
جنك توصيني شفتك بويه صبري
دارات الدنيا عليه وجار دهري

اوداعك الليله اليه
وحشه هالدنياعليه

بويه بويه


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الثلاثاء/2023/4/11
٢٠رمضان سنة هجري١٤٤٤نسالكم الدعاء
لي والوالدي 🙏🙏🙏🙏

https://www.tg-me.com/AAAAAFCTP6mH2egqJ1qA

قصيده للامام علي عليه السلام


حضرت الليله الزجيه
تعازي زينب بالمسيه

حضرت الليله الزجيه وياها
تجري المدمع دمه عيناها
تنادي راح اشلون ياملفاها
اليش ابوها باليتم خلاها

تكابلن يبجن سويه
تعازي زينب بالمسيه

تلطم وياها وتدك عالهامه
حضنت حسين وحسن وايتامه
من اجت مالومه هم محتامه
وكلب زينب منكسر بالامه

قدمت دعوت شجيه
تعازي زينب بالمسيه

تكلها ادري بيج يازينب حزينه
راح حيدر ياحسافه من ادينه
بالدمع والنوح يبنيتي صفينه
السيف صابه بهامته وغيرجبينه

كعدن بنص الثنيه
تعازي زينب بالمسيه


تلطم وياها وبجي هم للصبح
تنادي يابوحسين يالكلبك سمح
مصوب بسيف العادي ومنجرح
اليش بفراش المنيه ومنطرح

تكول عافاها البنيه
تعازي زينب بالمسيه

شبعت هموم وقهر من شافته
شافت الطبره غميجه واذته
سمعته يجر بونينه سمعته
جبيره ياهاي الفجيعه نادته

حضرت اوداع المنيه
تعازي زينب بالمسيه


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الجمعه/2023/4/14
٢٣رمضان سنة هجري١٤٤٤نسالكم الدعاء
لي والوالدي 🙏🙏🙏🙏

https://www.tg-me.com/AAAAAFCTP6mH2egqJ1qA

الابوذيه عن السان الشاعر

يوميه مصيبه بعيني ...اشاهد
ومن اطلع كمت للموت...أشاهد
يبوالسبطين وانت عليه...شاهد
اضحي الروح الك مني هديه

الجناسات
الاول:يعني انظرابعيني
الثاني:الشهاده
الثالث:مثلاشاهدعليه

خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الجمعه/2023/2/24
٣شعبان سنة هجري ١٤٤٤نسالكم الدعاء
لي والوالدي🙏🙏🙏🙏

https://www.tg-me.com/AAAAAFCTP6mH2egqJ1qA