نعي للامام الحسين عليه السلام


طبيت ميدان الحاريب شفت حالك
صحت حسين يبني شنهي الجرالك
دم دمع العين والبجي ونوح يحلاك


مكطع بالسيوف حسين وصله
والنيشد عليك مدري انه شكله
اكعد وعوف النوم يبني اليوم خله


كعدت يالولد يمك بنوحي وبجيت
مسلب ومرمي عالترايب شاهديت
على وجهك نايم بالحر تعذبيت


صحت بسمك يغالي باآه وبحسره
بيد عداك جسمك وذر وموذره
وصدرك منطبك وي ظهرك انظره


حاجيني صحت وخليني حاجيك
عد راسك بجيت عتابي ياذيك
بحوافرها الخيل شمسويه بيك


بحوافرها الظهر مكسور مديوس
وكلبي عليك بناره مجيوس
مفصوله عن الجثث مكطوعه هالروس


خادمة الزهراء والسيده رقيه ع
ام زهراءالفاطميه لايجوزحذف
الاسم أسم الكتاب لبيك يازهراء
بتاريخ الثلاثاء2024/7/2
٢٥ذوالحجه سنة هجري ١٤٤٥نسالكم
الدعاءلي ولوالدي🙏🙏 اللهم
عجل لوليك الفرج

https://www.tg-me.com/AAAAAFCTP6mH2egqJ1qA

فزاعيه وزن نصاري للامام
الحسين عليه السلام



ويمه حسين تسحك بيك الخيول
مطشر كل عضو فوكاك وتجول



عليمن هالجيوش التمت شصار
وجسمك عالترب وموذر اوذار
بيد اركض عليك وبيد لنار
اسمعنك تون حاجيني شتكول



شفت الخيل منك كسرت اضلوع
بحوافرها ترض والكلب مفجوع
صحت حسين اه بصوت مسموع
صعب يومك يبمه اه يمدلول



بين الكوم طايح باقي اوحيد
منك هالكفر ماادري شتريد
يجري من دمه مكطوع الوريد
اون عليك وادري بيك معيول



اشوف الخيل يمه دارت الخيل
كطعو منحرك ظل دمك يسيل
كعدت حذاك لمن مااجه الليل
وهذه حسين انت هيجي معقول



فوك ارماح ليش الراس مسلوب
جسمك عالرمل عالوجه مكلوب
وكلبك منكسم بالسهم مصيوب
بسيف عداك عمده وليش مجتول



خادمة الزهراء والسيده رقيه ع
ام زهراءالفاطميه لايجوزحذف
الاسم أسم الكتاب لبيك يازهراء
بتاريخ الاثنين 2024/7/1
٢٣ذوالحجه سنة هجري ١٤٤٥نسالكم
الدعاءلي ولوالدي🙏🙏 اللهم
عجل لوليك الفرج

https://www.tg-me.com/AAAAAFCTP6mH2egqJ1qA

نعي للامام الحسين ع


طبيت ميدان الحاريب
شفت بعيني المصايب
من عندي الكلب ذايب



ونيت عد راسك يغالي
يصعب ييمه اليوم الحالي
عكبك كل خلك مالي


شفت ثوبك ييمه مسلوب
وعلى وجهك مكلوب
تظل بالشمس جندوب



دم تجريلك دمه عيناي
يالعطشان وماشارب الماي
شلون بهاي صحت يابلواي


عالكاع مرضرض ومسحوك
وخيول العده بجسمك تروك
محسر يكلبي بناره محروك


خادمة الزهراء والسيده رقيه ع
ام زهراءالفاطميه لايجوزحذف
الاسم أسم الكتاب لبيك يازهراء
بتاريخ الاربعاء2024/7/3
٢٦ذوالحجه سنة هجري ١٤٤٥نسالكم
الدعاءلي ولوالدي🙏🙏 اللهم
عجل لوليك الفرج

https://www.tg-me.com/AAAAAFCTP6mH2egqJ1qA

لطميه بوزن نصاري العزاء الحسين ع


هذه حسين ظل مسلوب الهدوم
واجب فاطمه نعازيها كل يوم



هذه حسين يومه يهد الجبال
ويستاهل دمعنه لو اله سال
صعب يوم الشهيدويصعب الحال
مكطع بالسيوف ويجري ادموم



حكنه لو لطمنه وصحنه ابصوت
بشهر عاشور منه الكلب مفتوت
نون لابن الزجيه ونبقه للموت
وماننسه لذبيح السحكته الكوم



نعازي فاطمه بوليدها المات
نظل للموت وندكلها هامات
نخلص كل عمرنه حسره وآهات
كلب كلمن يحبها حيل ملجوم



ماننسه الذبيح العل ترب طاح
ميت منذبح مطعون برماح
مصاب حسينه وللكلب هم لاح
يوميه ام حسن عالكبر وتحوم



فوك على المتن يامن تتدكون
بمجالسكم تره لفاطم تسرون
تريد ام الحسن منكم تلطمون
حزنو من كلب لحسين لدوم



خادمة الزهراء والسيده رقيه ع
ام زهراءالفاطميه لايجوزحذف
الاسم أسم الكتاب لبيك يازهراء
بتاريخ الاحد 2024/6/30
٢٣ذوالحجه سنة هجري ١٤٤٥نسالكم
الدعاءلي ولوالدي🙏🙏 اللهم
عجل لوليك الفرج

https://www.tg-me.com/AAAAAFCTP6mH2egqJ1qA

للنزول


نزلنه بهالارض
ويانه الكفل


نزلنه بكربله
وكل لعايله
دموع وسايله
شايل هالحمل


حسين وخوته
جتمعت صحبته
ناصب خيمته
حين وهالوصل


نزلنه بكل حزن
وتخيل المحن
جينه من الوطن
نبجي ومانمل


صوبين العده
ذوله اهل لرده
ماندري شسده
عباس البطل


دكوها الخيم
فزعت هالزلم
ورفعو كل علم
التمت هالاهل



خادمة الزهراء والسيده رقيه ع
ام زهراءالفاطميه لايجوزحذف
الاسم أسم الكتاب لبيك يازهراء
بتاريخ الثلاثاء2024/7/2
٢٥ذوالحجه سنة هجري ١٤٤٥نسالكم
الدعاءلي ولوالدي🙏🙏 اللهم
عجل لوليك الفرج

https://www.tg-me.com/AAAAAFCTP6mH2egqJ1qA

نعي لنزول


نزلنه بكربله انه وخوتي
تمنيت كبل خواني موتي
ونيت وعباسي سمع صوتي



كلي كافي يزينب من الونين
مسحي دمعتج لاتحزنين
تبقين مهيوبه يخت الحسين



كتله اخافن تهجم كوم الاشرار
يحركون صيواني ويجونه بنار
وتروح من ايدي الاطفال الزغار



كلي يم عون مادم انا موجود
شحده اليوصلج ويدنه لحدود
موكفالج وكفال الضعن والجود


كتله ونعم منك بس الكوم غدراه
يظل كلبي عليك ويسعر بناره
تخلي عيالك بدموع تجاره


كلي دلالي يختي يم عون
شحدهم الج وللخيمه يكربزن
مو ابن والدج بالصيت يعرفون




خادمة الزهراء والسيده رقيه ع
ام زهراءالفاطميه لايجوزحذف
الاسم أسم الكتاب لبيك يازهراء
بتاريخ الاربعاء2024/7/3
٢٦ذوالحجه سنة هجري ١٤٤٥نسالكم
الدعاءلي ولوالدي🙏🙏 اللهم
عجل لوليك الفرج

https://www.tg-me.com/AAAAAFCTP6mH2egqJ1qA

نعي للوداع


صبن عيوني من دم وجرن
وينج تعاليلي لحكي يم حسن
بدت من الموادع يايمه المحن


اليوم بس اليوم ويانه الولي
الحكي لحسينج باجر ينولي
يتوسد التربان ويظل بالخلي


اريدج تجين وياي يمه
ونخلي عيونه لحسين تعمه
يستاهل بجي ونياح ابواليمه



شوفي شصار لبعينج جرالي
على مصاب الولي نبجي تعالي
بعد كل خلك تدرين مالي



حسين يودع بهالمسيه
خل نتكابل سوه ونلطم سويه
تنوحين وثنينه بعين الجريه



باجر يظل فوك الترايب
واشوفن تجر جر المصايب
اخافن يطيح بميدان الحرايب


يمه خليج يمي فدوه لاتروحين
انه انعه وانتي وياي تنعين
حذاي حذاي يمي يم الحسين



يسحكون بخيلهم باجرحسينج
مايهده ونيني يفاطم ولاونينج
كليلي على البلاوي الله يعينج



تعالي بيوم الموداع يزهره
ثنينه نتكابل ونشم ريحة ونحره
باجر ينذبح ويظل على الغبره



خادمة الزهراء والسيده رقيه ع
ام زهراءالفاطميه لايجوزحذف
الاسم أسم الكتاب لبيك يازهراء
بتاريخ الجمعه 2024/7/4
٢٨ذوالحجه سنة هجري ١٤٤٥نسالكم
الدعاءلي ولوالدي🙏🙏 اللهم
عجل لوليك الفرج

https://www.tg-me.com/AAAAAFCTP6mH2egqJ1qA

للوداع موشح المحذوف
فاعلاتن فاعلاتن فاعلن


الليله زينب ودعت واليها
افراك ابوالسجاد ظل ماذيها


الليله زينب ودعت اعظم بشر
والكلب من عدهاياوسفه نكسر
شابعه الام وحزان وقهر
بين اناس اجناب ويخليها


صعب ياحال العقيله وللصبح
والكلب متروس يدي جم جرح
تكله خويه حسين باجر تنذبح
ويوم ابوالسجاد هم كاظيها


يوصي بيها كام ويهل الدمع
يسولف الاهات بالهم تستمع
يكلها آه يم عون باجرياوضع
صبري خويه وياج ويحاجيها



بجت لاكن زينب بهم وهظم
تكله كلها تموت هايه هالزلم
بس يتامه زغار تبقه باليتم
بعيلته هالكام ويوصيها



تكله اريدوياك عايفني بغرب
صعب هذه الليل ووداعه صعب
غاليه يحسين دمعي وهاليصب
والامر مكتوب ويواسيها



خادمة الزهراء والسيده رقيه ع
ام زهراءالفاطميه لايجوزحذف
الاسم أسم الكتاب لبيك يازهراء
بتاريخ الخميس2024/7/4
٢٧ذوالحجه سنة هجري ١٤٤٥نسالكم
الدعاءلي ولوالدي🙏🙏 اللهم
عجل لوليك الفرج

https://www.tg-me.com/AAAAAFCTP6mH2egqJ1qA

لسان حال مولاتي الزهراء ع


وين اليون وينوحلي بهاي
ويساعدني على ظيم بلواي
ياخذ اجره اليبجي وياي



وين اليجي ويعازي بتي
وجبيره يهالوادم وماطابت علتي
يالتسمعون صوتي ونو الونتي



تعذبت زينب يالتعازون
لجلي ولجلها هلوو العيون
اجر يالمحبين بجيكم تاخذون



ونوو وياي وابجو بكل يوم
وذكروعمامت المسلوب الهدوم
ابني لمنذبح ياناس مظلوم



هلو دمعاتكم والخاطر حسين
وذكرو لرضته خيل الملاعين
ولاده وخوته بصفه مطاعين



يصعب عليه ويموت الحال
ويايوم الولد يكتل وجتال
وهامت بناته بالبراري والعيال


يالمولاي ابجي وياي للمات
مصايب اهلنه ماينسن هيهات
خلن بنص كلبي جمرات جمرات



بمجالسكم هايه تسرون الكلوب
يمكم حاضره بالعزه المنصوب
ادور واسمع للينعه للمسلوب



خادمة الزهراء والسيده رقيه ع
ام زهراءالفاطميه لايجوزحذف
الاسم أسم الكتاب لبيك يازهراء
بتاريخ الاثنين 2024/7/8
١محرم سنة هجري ١٤٤٦نسالكم
الدعاءلي ولوالدي🙏🙏 اللهم
عجل لوليك الفرج

https://www.tg-me.com/AAAAAFCTP6mH2egqJ1qA

موشح المحذوف فاعلاتن
فاعلاتن فاعلن


تودع الخوان زينب والكمر
تكله ياعباس يسبيني الشمر


خاف بيده يطكني ويطك كل طفل
بيه آهات وبجي ياابو الفضل
لورحت من ايدي يومك موسهل
وانت نايم على شط ومنشمر


بالعتب والنوح ابديلك حجي
خلص مني الحيل واكضيها بجي
وين اروحن وين اهيمن وارتجي
وعله نار وامشي يجويني الجمر



لو طحت عالكاع انت والعلم
تطلع النسوان تركض بالهيم
باجر يهجمون كلهم عالخيم
هالطغات وبالظلامه تستمر



ابقه بين اجناب ماعندي ولي
يالجبتني هناه وبيدك محملي
وححي ياعباس ياريحت هلي
يضيع بين ناس وبغربه العمر



حافيه وأركض وادور بالحرب
وكوم وي الكوم مكطوع الدرب
بين جيش الاف وزلام الغرب
وامشي تالي مجتفه عالجثه امر



خادمة الزهراء والسيده رقيه ع
ام زهراءالفاطميه لايجوزحذف
الاسم أسم الكتاب لبيك يازهراء
بتاريخ الاثنين 2024/7/8
١محرم سنة هجري ١٤٤٦نسالكم
الدعاءلي ولوالدي🙏🙏 اللهم
عجل لوليك الفرج

https://www.tg-me.com/AAAAAFCTP6mH2egqJ1qA

فزاعيه البنات الحسين ع


وين حسين ابوجن ماي العيون
جثته بالشمس والحيل مرهون
محتركه الخيم وبهايه اشلون


اهلجن وين حاجني يطيبات
اشوف غبارهم جنجن يتيمات



اشوف اغبارجن غاطيجن اليوم
اشوفن من ايدجن تجري ادموم
وهذه منين المسلبينه الهدوم
ماعدجن ولي وحسين هالمات



عمتجن تون مشلوعه لنياط
شبيها اناس وياجن بالسياط
علامات الشمر وبكل متن حاط
حرم وطفال كلجن بين شمات



لاعدجن ولي ولاعدجن خوان
من دون الخلك بالخيمه نيران
ولوجن وليه علويات عدوان
تطافر عليجن نار جمرات



لا دار البقت ورماد الخيام
وبوكت المصايب جل الظلام
نسوان وعليجن صعبه الايام
وهايه منين بيها انتن مجلبات



عمتجن اظنها كاظيه الحيل
ومن كثر السهر ومناطر الليل
تخاف عله البقومن ركضت الخيل
ومحتركه الكلوب وبيها الوعات



خادمة الزهراء والسيده رقيه ع
ام زهراءالفاطميه لايجوزحذف
الاسم أسم الكتاب لبيك يازهراء
بتاريخ الثلاء 2024/7/9
٢محرم سنة هجري١٤٤٦نسالكم
الدعاءلي ولوالدي🙏🙏اللهم
عجل لوليك الفرج

https://www.tg-me.com/AAAAAFCTP6mH2egqJ1qA

نعي البنات الحسين عليهن السلام



ماعدجن ولي ميت وليجن
من كثر الركض وشضال بيجن
خضره من الشمس كلهاعبيجن



بقيتن بالحرب محد اجاجن
بسوطه هالشمر يركض وراجن
امدللات وبالكتل عذباجن



متغيره وجوهجن من الشمس آه
ومحد الكلجن تعالن هناه
وابوجن منذبح حدرالخيل اويلآه



ماعدجن ولي وحسين هالطاح
وتولته الوادم بالرماح
وشبعتن ظيم وبواجي ونياح



ظليتن عكب ادللوجن بلا والي
راح من اديجن وماظلالجن غالي
وراس حسينج عالرمح هم عالي



حرم خلصتن من لآه والحسره
كضو اهلجن نومه وفوك عالغبره
والخيل ابوجن رضرضت صدره



يرد الدللاجن بعد هيهات
مايرجع عليجن ابواليمه هالمات
خلاف المشو بالهيمه هايمات



خادمة الزهراء والسيده رقيه ع
ام زهراءالفاطميه لايجوزحذف
الاسم أسم الكتاب لبيك يازهراء
بتاريخ الثلاء 2024/7/9
٢محرم سنة هجري١٤٤٦نسالكم
الدعاءلي ولوالدي🙏🙏اللهم
عجل لوليك الفرج

https://www.tg-me.com/AAAAAFCTP6mH2egqJ1qA

نعي السيده العليله عليهاالسلام


ويالماخذ خواتي امشي خليني
موتدري مريضه ودمعتي بعيني
يكضيني وراك انوح يكظيني
افراكك مااريده بروحي ياذيني
انه امدلله ولسفر وديني
توجع فركتك بالكلب تجويني
بنيه وبالنزل مو هينه تدريني
اجيب هدومي بويه وياك تانيني
يبعد رويحتي بجلمه حاجيني
خبر موزين خاف اسمع يجيني



غيابك مااريده الروح يكظيها
من هسه الحزن يحسين غاطيها
عليك العين من هالساعه لعميها
بدت من المحامل هالبواجيها
ليش مخلي بتك هايواليها
وحيده وبنزل كثرن بلاويها
وبعد ياهو اليظل روحي يباريها
وراح احسب الجيتك كل لياليها
خذت كل الاهل عني وغواليها
بويه ذكر جلمتي وبمحاجيها



عود هناك من توصل تجي ليه
خذ تذكار مني وانه البنيه
عليله والمرض هالبين عليه
اظل ابجي وناشق بويه يوميه
اكعد عالدرب وانتظر هالجيه
يالمسافر بعيد ورايحه بنيه
مو كلبي لجمني وهاي هم هيه
عيوني لكربله تربيك مجريه
نفذلي يغالي ارجوك الوصيه
رحت يازين وادري اخر اوداعيه



خادمة الزهراء والسيده رقيه ع
ام زهراءالفاطميه لايجوزحذف
الاسم أسم الكتاب لبيك يازهراء
بتاريخ الخميس2024/7/11
٤محرم سنة هجري١٤٤٦نسالكم
الدعاءلي ولوالدي🙏🙏اللهم
عجل لوليك الفرج

https://www.tg-me.com/AAAAAFCTP6mH2egqJ1qA

فزاعيه السيده العليله ع


يحسين ارجع بالعجل
شوف العليله شبيها



يحسين كاتلها الهظم
موتها يومك والالم
كاظيها كلش هالندم
فراكك تره الماذيها



مكتوب خطت بالدمع
وتكول ليش وماارجع
ماذيها حزنك والوجع
والمرض اثر بيها



ودت كتاب وبيه خبر
لا هوه لاعمي الكمر
خلصانه روحي وتنتظر
محد بقه يسليها



مشتاكه رادت شوفتك
سهرانه تالي لغربتك
للصبح تبجي بغرفتك
وبنيتك مخليها



محد يمرها بلا اهل
وتكول مكتوبي وصل
من ننوح مابطل وامل
خل يجي مسرع ليها



خادمة الزهراء والسيده رقيه ع
ام زهراءالفاطميه لايجوزحذف
الاسم أسم الكتاب لبيك يازهراء
بتاريخ الخميس2024/7/11
٤محرم سنة هجري١٤٤٦نسالكم
الدعاءلي ولوالدي🙏🙏اللهم
عجل لوليك الفرج

https://www.tg-me.com/AAAAAFCTP6mH2egqJ1qA

نعي للامام العباس ( ع)


خويه ماتگعد تردمني الشمر
ابسوطه وبيده شبعاني سطر
ياكفيلي انهظ يالعفتني ياگمر

ــــــــــــــــــــــــــــــــــــــــــــــــــ

خذاني اميسره وماتدري بيه
ويزمخ كل ساعه ويصيح عليه
ياريت گطع اچفوفك الاثنين اديه

ــــــــــــــــــــــــــــــــــــــــــــــــ

نمت يم النهر بنص الحومه
اجيت ارگظ عليك وحيل مالومه
ردت تفزع الي وتبطل النومه

ـــــــــــــــــــــــــــــــــــــــــــــــــ

وسفه تغمض عيونك يعباس
وياكفيل وبسمك رافعه الراس
تاليهاتچر ابونتك ومگطوع الانفاس
ـــــــــــــــــــــــــــــــــــــــــــــــــ

طگني الشمر واريد تفزع الي
كوم يعباس ياريحت هلي
كون ميته اوياك وبهايه احسلي
ــــــــــــــــــــــــــــــــــــــــــــــــــــــــــ

خويه كافي بطل نوم الشريعه
انه أختك يالكفيل وعندك وديعه
وصارت عظيمه وچبيره الفجيعه

ــــــــــــــــــــــــــــــــــــــــــــــــــ

گعدت يمك وبچيت وماگعدت
اليش عاتبتك من حشمت ماگمت
اجيت هايمه وعلى وجهي طحت
ــــــــــــــــــــــــــــــــــــــــــــــــــــــ

ونايم عالشط عفتك امصوب
وگلب اختك عليك حيل معذب
ماتگعد للظعن تشوفه وين غرب
ــــــــــــــــــــــــــــــــــــــــــــــــــ

الحگني ياعباس الگـوم فرهدوني
وعلى النوگ ولدرب البعيد ودوني
والارض الشام ميسوره خذوني

ــــــــــــــــــــــــــــــــــــــــــــــــــــ

مادريت من صعدت فوگ عالتل
وانت الجبتني وبالخوه امعدل
وحجي الشماته من اسمعه يكتل
ــــــــــــــــــــــــــــــــــــــــــــــــــ


خادمة الزهراء والسيده رقيه ع
ام زهراءالفاطميه لايجوزحذف
الاسم أسم الكتاب لبيك يازهراء
نسالكم الدعاءلي ولوالدي🙏🙏
اللهم عجل لوليك الفرج

https://www.tg-me.com/AAAAAFCTP6mH2egqJ1qA

فزاعيه للامام العباس (ع)


نزل للمعركه ماهمته الخياله
ترهب مشيته ويرهب اخياله
وحتى الموت ابد لا ماتدناله

ـــــــــــــــــــــــ

سبع عباس رد العسكر ابزوده
وماخله الجيوش اتفوت بحدوده
ـــــــــــــــــــــــــــــــــــــــــــــــــــــــــــ

سبع عباس طب الساحه هزاها
وتجري ادموم فوگ ادموم خاظاها
حجايه ابزود وبهمه تره انطاها
نزل للعلگمي يتباها وبجوده

ــــــــــــــــــــــــــــــــــــــــــــــــــــــــ

شايل جربته والعلم نيشانه
طب جيش المنايه وبچه فرسانه
وصاعد فرسته وحاطته عدوانه
يظحي الروح والچفين مريوده
ــــــــــــــــــــــــــــــــــــــــــــــــــــــــــ

خوف كربله وگلباها الحومه
ونازل للحرب يدرون بعلومه
ورجف كل أرض عباس وبيومه
وماهاب الزلم وتروش موجوده
ـــــــــــــــــــــــــــــــــــــــــــــــــــــــــــــــ

يستنگي بيمنه الروس وبكيفه
الف طگه تعادل طگته ابسيفه
اليوم اليوم يأخذ ثاره وبحيفه
وانطاهم وكت ساعات محدوده

ـــــــــــــــــــــــــــــــــــــــــــــــــــــــــ

وابن ازياد گاعد فوگ بعروشه
وهد على العده ودمرها اجيوشه
وخلاها الارض بدموم مفروشه
وخافت كل اهلها وشردت اجنوده
ــــــــــــــــــــــــــــــــــــــــــــــــــــــــــــــ


خادمة الزهراء والسيده رقيه ع
ام زهراءالفاطميه لايجوزحذف
الاسم أسم الكتاب لبيك يازهراء
نسالكم الدعاءلي ولوالدي🙏🙏
اللهم عجل لوليك الفرج

https://www.tg-me.com/AAAAAFCTP6mH2egqJ1qA

هوسات للامام العباس ( ع)


هد عباس ماواحد وصل حده
ترس جربته وبالمشرعه وحده
ظامي من العطش ممرودظل جبده


(امن چفوفه / والماي يذبه )

ــــــــــــــــــــــــــــــــــــ

وهد عباس ماهمه بعد خوف
شسوه عالنهر وبيوم الطفوف
حاطت كل زلمه وباالالالوف

(بضرباته / طشره عداه )
ــــــــــــــــــــــــــــــــــــــــــــــ

على شاطي النهر عباس حيرهم
اريد الماي هسه بهايه بغلهم
وبضربة يمينه بسيفه طشرهم

(وياويله / واليوصل يمه)

ـــــــــــــــــــــــــــــــ
ترس جربته وصفنت عليه عدوانه
شاجخ ريشته وتتباهه خوانه
غضب وبين من راسه دخانه

(وبيمينه / اليطگه يطيح)
ـــــــــــــــــــــــــــــــــــــــــــ

صاحت كل زلمها منين جاهذه
وخله ارجالهم كل واحد اجنازه
المستعجل على روحه خله يتوازه

(چاوينه / واليوصل فنه)
ــــــــــــــــــــــــــــــــــــــــــــــ

طر ارض المعارك غصب عاالعدوان
واليوصل احدوده ابساعته خلصان
ورجفت كربله من گمر عدنان

(يهابونه / والبيرغ بيده )
ــــــــــــــــــــــــــــــــــــــــــــ


خادمة الزهراء والسيده رقيه ع
ام زهراءالفاطميه لايجوزحذف
الاسم أسم الكتاب لبيك يازهراء
نسالكم الدعاءلي ولوالدي🙏🙏
اللهم عجل لوليك الفرج

https://www.tg-me.com/AAAAAFCTP6mH2egqJ1qA

فزاعيه للامام العباس (ع)


وگف عباس والرايه على اجتافه
ايرد اردود الو كلمن طلع شافه
ــــــــــــــــــــــــــــــــــــــــــــــــــ


وگف عباس والبيرغ على امتونه
اخو زينب غضب تجادح اعيونه
وملك الموت عدوانه يسمونه

(يعرفونه / الوهد شيسوي)

ـــــــــــــــــــــــــــــــــــــــــــــــــ

نزل ميدانهم والرايه علگها
اليوم ارض الطفوف ابناره يحرگها
شايل ربتها ولا ما يفاركها

(وترساهه / حطلها الماي )

ــــــــــــــــــــــــــــــــــــــــــــــــــ

تراس جربتها وشطوط خبطاها
نازل بالبحر وزلام بجاها
اجيب الماي واروي العيله گالاها

( العيال / حسين واسگيها)
ـــــــــــــــــــــــــــــــــــــــــــــــــــ

طلع عباس ماواحد تدناله
تخوف خزرته ونظراته وخياله
طب المعركه والموت حياله

(وهزاها / ياگاع الطف)
ــــــــــــــــــــــــــــــــــــــــــــــــــــــ

ظلت صافنه وبهايه عالكافل
سيفه بيمنته عباس ويقاتل
شايل جربته وايرد الف عايل

(وطكاها/ ياراس براس )
ــــــــــــــــــــــــــــــــــــــــــــــــــــــ


خادمة الزهراء والسيده رقيه ع
ام زهراءالفاطميه لايجوزحذف
الاسم أسم الكتاب لبيك يازهراء
نسالكم الدعاءلي ولوالدي🙏🙏
اللهم عجل لوليك الفرج

https://www.tg-me.com/AAAAAFCTP6mH2egqJ1qA

فزاعيه سريعه للامام العباس (ع)


سوه سوايته العباس
والساحه نزل بيها

ــــــــــــــــــــــــــــــــ
وهد عباس بطفوفه
نزل للماي بجروفه
وجوه عداه مخطوفه
وشردت كل عاديها


ــــــــــــــــــــــــــــــــــــ
وشال البيرغ ابيده
يريد ايضحي العضيده
شاري الموت ويريده
اليوم الحومه شاريها
ـــــــــــــــــــــــــــــــــــــــ


اجيوش عداه هزاها
حجايه ابصوت ونطاها
ترهب كلها خلاها
خله تراب غاطيها

ــــــــــــــــــــــــــــــــــ

هذه امنين الملثم
ابن اسباع ومعلم
خله الجو تره مغيم
رجفت كل ضواحيها

ــــــــــــــــــــــــــــــــــــــ

نزل عباس للحومه
جيوش عداه ملمومه
اليوصل يكضي بدمومه
الصعبه اليوم يكضيها

ـــــــــــــــــــــــــــــــــــــ

خادمة الزهراء والسيده رقيه ع
ام زهراءالفاطميه لايجوزحذف
الاسم أسم الكتاب لبيك يازهراء
نسالكم الدعاءلي ولوالدي🙏🙏
اللهم عجل لوليك الفرج

https://www.tg-me.com/AAAAAFCTP6mH2egqJ1qA

قصيده بعدة اطوارمختلفه


بيده سوطه وعذباج
والشمر يركض وراج

بس وكع ظامي الشهيد
مدري شنهو الي يريد

حشميتي حسين مايسمع ذبيح
وابوفاضل فوك عالكاع وطريح


بالسياط وبالظرب يم الخدر
لا نهظ لحسين لاجاج الكمر
وكع يم المشرعه بصف النهر
وبالمدامع غاركه بشوف النظر

مااجه الكافل حماج
بيده سوطه وعذباج



اطفالج رتهبت بجت من الصهيل
اتدنت ارجال الحرب يمج الخيل
شلون لوجاج العصر مرلج الليل
الجيش هجمت بعدماعندج كفيل

ليش ماكام وجاج
بيده سوطه وعذباج


ليش مايدري ابوالغيره شعجب
حرمه بين اجناب وعيونج تصب
على ايدج بالمتن عمده الظرب
وين عنج كافلج وشكد عجب

يضحك وهالشتماج
بيده سوطه وعذباج


من وكع عباس رحتي راكضه
ضلعج وظهرج يزينب كاضه
دموع عينج جاريات وفايضه
والخيول بجسم خيج راضه

والله لويدري ظناج
بيده سوطه وعذباج


من كلب للمات كلش باجيه
رحتي صوب المنذبح هالشاجيه
عيونج تسولف قصص هالحاجيه
بالبواجي والتوسل راجيه

بالحبل هالجتفاج
بيده سوطه وعذباج



خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك
يازهراءبتاريخ الثلاثاء/2024/7/15
٨محرم سنة هجري ١٤٤٦نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

https://www.tg-me.com/AAAAAFCTP6mH2egqJ1qA