قصيده للامام الحسين ع


ظلمه ظلمه حسين كلي وين اروح
ظلمه ظلمه اكظي كل عمري انوح

هايخويه هايخويه



كمت اشوف الدنياظلمه صارت بعيني ظلام
حسين حاجيني يغالي وياك اظن اخر كلام
بدت هالليله المصيبه خل اودعك بالسلام

ظلمه ظلمه سيف عدوانك يلوح
ظلمه ظلمه حسين كلي وين اروح

هايخويه هايخويه



خاف بس الليله يمي وبعد ماترجع عليه
الناس ماعده محنه خويه يبن امي الزجيه
لو تطيح على الترايب محد اليبقه اليه

ظلمه ظلمه خاف تتعذب الروح
ظلمه ظلمه حسين كلي وين اروح

هايخويه هايخويه



تعوفني ياماي عيني بوحدي بين العساكر
اختك ومابين غربه تدوركل اهل لعشاير
ابتلي بكل الحرايم وحمي اطفالك وناصر


ظلمه ظلمه باجر الاف الروح
ظلمه ظلمه حسين كلي وين اروح

هايخويه هايخويه



ريت لوبسمك اصيحن تسمع الصيحه وتكوم
اركض ابصفك ولوذن وعلى جسمك انه
احوم
بيد عدوانك اظلن وانت غارك بالدموم

ظلمه ظلمه بس عذاب وهم جروح
ظلمه ظلمه حسين كلي وين اروح

هايخويه هايخويه



اكضي ايامي حزينه آه وشكبره المصاب
تحترك كل خيمه عندي اطفالي تشبع بس عذاب
وانه ادورك وين طايح ونتك ليه جواب

ظلمه ظلمه ودمك اليجري سفوح
ظلمه ظلمه حسين كلي وين اروح

هايخويه هايخويه



خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك
يازهراءبتاريخ الخميس/2024/4/25
١٦شوال سنة هجري ١٤٤٥ نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

https://www.tg-me.com/AAAAAFCTP6mH2egqJ1qA

قصيده للامام الحسين ع بوزن الدارمي
من بحرالمجتث مستفعلن فعلان مستفعلاتن



شفت الولي مذبوح وبعيني شفته
وبااخر الانفاس واسمعها ونته


بسهم المثلث آه مصيوبه جبدي
شفت الجرح وغميج بالكلب يدي
جني سمعته يكول للخيمه ردي
ياخويه ردي ام عون كلي سمعته




يومه جبير حسين زودلي همي
ميته لون وياه ولاشفته مغمي
بترابه حرالكاع ظل جسمه مرمي
سحكت سحك الخيول داستهاجثته



ركضت عليه وتجول سحكنها عمده
فزعت عليه عداه تظربني بعده
كونه عدل هاليوم من عندي رده
ينهظ اليه حسين موش انه اخته



وعياله طشت هيج محد يحامي
والخيمه شبت نار كل جسمه دامي
ميت عطش لهفان ظل كلبه ظامي
مفطوره خوي حسين ذبلانه شفته



حمل ظعنه بالليل بالغربه تالي
ابجي واون عالنوك وبدمع هالي
بحر الظهيره رياح والهوه عالي
يرد العدو الفزاع من عندي ردته



خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك
يازهراءبتاريخ الاثنين/2024/5/20
١١ذوالعقده سنة هجري ١٤٤٥ نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

https://www.tg-me.com/AAAAAFCTP6mH2egqJ1qA

السلام عليكم ارجوان ترددو معي هذه الدعاء لخادمكم الشاب واخوكم الاصغر الذي طلب مني هذه الدعاء ياخدام
الحسين ابن الزهراءع يامن بكيتم ونعيتم وخدمتم وفديتم ارواح للحسين زاكيات ودماءللحسين واعطيتم انفس للحسين طاهرات ،،، اقسم عليك ياامير المومنين وبماجراى على الحسين وبماجرى على مولاتي فاطمة الزهراء ع ان تستجيب هذا الدعاء اقسم عليك يامولاي بمصاب مولاتي زينب ع وبمصاب مولاي ابوالفضل العباس وبكف الامام العباس وبطبرت راس الامام العباس وبحق
طبرت شباب القاسم وبحق مولاي علي الاكبروبمصيبة علي الاكبروبعبدالله
الرضيع ع،،،، يامولاتي يافاطمة الزهراء اقسم عليك بالحسين الشهيدالمذبوح المظلوم المقتول السليب العطشان المقطع بالسيوف اربااربا المسحوق بالخيول
نطلب منكم هذه الدعاء بقلوبامنكسره💔💔💔💔💔 الى الله والى اميرالمؤمنين والى فاطمة الزهراء ع اللهم عجل لوليك الفرج صاحب العصروالزمان عج 💔💔🙏🙏🙏🙏🙏🙏🙏🙏🙏🤲🤲🤲🤲

نعي كرناوي لطلب الحاجه على وزن النصاري الاندلسي مفاعيلن مفاعيلن مفاعيل


اجيت اطلب طلب مولاي هاليوم
اشكي من المرض وبدمع مسجوب


تجري دمعتي عباس وتسيل
عليك حسين ذاكه لهدمه مسلوب


ابجي بالحزن واكف على الباب
امشي ام الخدر ساعات الغروب


مو ادري اليدك الباب ماخاب
يمن صيتك كلف من علي ومنسوب


يبن ام البنين بهاي معروف
الخادم جايك ذب حمله هالنوب


تشافي كل مرض والمرض ماطاب
يمن بالشده توكف وانت محبوب


نطيني امراد ياعباس وبساع
عليك الذبته المهره مكلوب


اندب ياكفيل العيله والماي
ابو فاضل اجيت بكلب متعوب


بجاه الصوت ودركني يالحسين
نكتلت بالقهر ماتت هالكلوب


كومني يخو خيتك يوفاي
ادري ابهاي تكظيها يمندوب



خادمة الزهراء والسيده رقيه ع
ام زهراءالفاطميه لايجوزحذف
الاسم أسم الكتاب لبيك يازهراء
بتاريخ السبت2024/5/25
١٦ذوالعقده سنة هجري ١٤٤٥ نسالكم
الدعاءلي ولوالدي🙏🙏 اللهم
عجل لوليك الفرج

https://www.tg-me.com/AAAAAFCTP6mH2egqJ1qA

قصيده للامام العباس بوزن
النصاري مفاعيلن مفاعيلن مفاعيل


طاح اليوم ابوفاضل يالحسين
وكع عباس وتكطعن جفين



طاح اليوم محد ظل تره وياك
الحك خويه صاح حسين بسماك
هلت من دمه لصوابه عيناك
ظل يجري دمع ويجهر بالونين



مدنك ظل تره مستحي الرواي
يكول بهاي ماوفيت بالماي
التمت بالسيوف ارماح وعداي
فزعت كل زلمها هواي صوبين



مايكدر يكوم الكافل اليوم
ينزف كل كتر مجروح ودموم
ناده بصوت ولحكني يمظلوم
ابساع ابساع ليه هنا يالحنين



رحت تركض ركض مشاي لهفان
من شفته يبو السجاد خجلان
يفكر بالعقيله هواي خلصان
سالت من دمه ومصوبه العين



بعينك شاهديته حسين وينوح
موسالم بقه كل جسمه مجروح
بسيف ومنذبح وشويه بيه روح
ظهرك ظل تره هم محني سنين



خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك
يازهراءبتاريخ الجمعه/2024/5/15
١٥ذرالعقده سنة هجري ١٤٤٥نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

https://www.tg-me.com/AAAAAFCTP6mH2egqJ1qA

نعي كرناوي بوزن النصاري لطلب
الحاجه للامام العباس عليه السلام



ادري بيك كفال العلل هاا
يبوفاضل اجيت ودمعتي تسيل


مو عندي يقين بهاي فزاع
اصيحن هاايبوالكلفات ودخيل


ودوني عليك باأمر مخصوص
طلعت من الصبح حدماجه الليل


اجيت بابك ابجي ودمعه بالعين
هم خلصان ماظل بعدكل حيل


ادك بالباب من بعيد عناي
مو انت لتشيل الحمل الثجيل


اجيت بحملي وبدمعات العيون
تؤخر هالمرض وتزيله يكفيل


فقير وجاي متعنيك مولاي
طيبلي المرض هالواكف عليل


خادمة الزهراء والسيده رقيه ع
ام زهراءالفاطميه لايجوزحذف
الاسم أسم الكتاب لبيك يازهراء
بتاريخ الاحد/2024/5/26
١٧ذوالعقده سنة هجري ١٤٤٥ نسالكم
الدعاءلي ولوالدي🙏🙏 اللهم
عجل لوليك الفرج

https://www.tg-me.com/AAAAAFCTP6mH2egqJ1qA

الابوذيه السيده رقيه ع


رقيه للابد ماضحك... سنها
طفله تعذبت وبزغر ... سنها
الخالق والطم بكتابه... سنها
تبقه اخر زمن تبجي البريه


الجناسات
الاول: السن
الثاني:سنهاالعمرالصبه
الثالث:سنها


خادمة الزهراء والسيده رقيه ع
ام زهراءالفاطميه لايجوزحذف
الاسم أسم الكتاب لبيك يازهراء
بتاريخ السبت/2024/6/1
٢٣ذوالعقده سنة هجري ١٤٤٥ نسالكم
الدعاءلي ولوالدي🙏🙏 اللهم
عجل لوليك الفرج

https://www.tg-me.com/AAAAAFCTP6mH2egqJ1qA

الابوذيه للامام الحسين ع


اخيول وبالركض عالمات... فرت
اخبار أبن النبي بالكون ... فرت
منعوه من عذب من نهر ... فرت
ظامي هاالسبط ماشرب ميه


الجناسات
الاول: ركضت فرت
الثاني: فرت بالكون
الثالث: نهر الفرات


خادمة الزهراء والسيده رقيه ع
ام زهراءالفاطميه لايجوزحذف
الاسم أسم الكتاب لبيك يازهراء
بتاريخ السبت/2024/6/1
٢٣ذوالعقده سنة هجري ١٤٤٥ نسالكم
الدعاءلي ولوالدي🙏🙏 اللهم
عجل لوليك الفرج

https://www.tg-me.com/AAAAAFCTP6mH2egqJ1qA

الابوذيه للامام المهدي عج

اعاين من جنت طفله...وعدلاك
يايوم اليجي أمرك ...وعدلاك
العالي كلمه منطيها...وعدلاك
ظهورك باجر يعم البريه

الجناسات
الاول: اعدهااجه هابعده
الثاني:العداله
الثالث:الوعد


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الثلاثاء/2023/10/10
٢٤ربيع الاول سنة هجري١٤٤٥نسالك
الدعاءلي ولوالدي🙏🙏 اللهم عجل
لوليك الفرج🙏🙏
https://www.tg-me.com/AAAAAFCTP6mH2egqJ1qA

قصيده الوحشة السيده الزهراء ع


وحشه وحشه تخوف ودنيا ظلام
وحشه وحشه بغيرامي شلون انام

وحشه وحشه وحشه وحشه

بويه ياحيدر كليبي ولمي حن
هسه صار الليل اخافن والها اون
اطيح دمعاتي واهلها جمره جن
وحشه وحشه الزمن ضيم وليه ضام


من ادينه بساعه وبالحضه مشت
جانت امضويه المنازل هالطفت
طول عمري عايشه وياها ردت
وحشه وحشه بت كراما وعظام


عكب امي وعينها يصير الضياع
سلمت للموت هذه أخر وداع
انه وانت ثنينه نحس بالوجاع
وحشه وحشه تعوفنه مثل الحمام


روحي تعبانه كضت وتحن عليها
جنت نامن واغفه يوميه عله أديها
هسه مشتاكه السوالفها وحجيها
وحشه وحشه وياها يامحله الكلام


الليل خنكه بدونها وماينحمل
اليوم ماتت واليتم يكتل كتل
بالحضه راحت امنه وفاها الاجل
وحشه وحشه بويه راح اقره السلام


خادمةالسيده الزهراء والسيده رقيه ع
(( ا لشاعره ام زهراء الفاطميه ))
لايجوزحذف الاسم أسم الكتاب لبيك
يازهراءبتاريخ الاثنين2023/12/25
١١جمادي الاخره سنة هجري١٤٤٥ نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

https://www.tg-me.com/AAAAAFCTP6mH2egqJ1qA

للعاشر شبكها
فاعلاتن فاعلاتن


بالهيم همنه وركضنه
والعدو بسوطه لحكنه



والخيم حركوها كلها
والعدو انجمعت لجلها
والحرم تجري دمعها
محد المنهم رحمنه


وابوسكينه مات ظامي
ميت وينزف ودامي
لاخو ولاظل محامي
نحشم ومحد سمعنه




اليوم حالتنه فجيعه
مكطع حسين ورضيعه
طايح ابن امي الوديعه
محد الظل من اهلنه



سحكو اطفال ويتامه
ومادرو بينه ونشامه
بكل متن صارت علامه
بسوطه والشامت ظربنه



والحزن خيم علينه
موذر وميت ولينه
بالحبل مجتوفه ادينه
من الضرب لاماسلمنه



خادمة الزهراء والسيده رقيه ع
ام زهراءالفاطميه لايجوزحذف
الاسم أسم الكتاب لبيك يازهراء
بتاريخ السبت/2024/6/1
٢٣ذوالعقده سنة هجري ١٤٤٥ نسالكم
الدعاءلي ولوالدي🙏🙏 اللهم
عجل لوليك الفرج

https://www.tg-me.com/AAAAAFCTP6mH2egqJ1qA

قصيده بوزن الميمر لعبدالله الرضيع ع



ذبلان يمه وماالك كل جاره
عيون لحسين لخاطرك تجاره



وداك ابوك حسين بيده بهايه
يطلب ميه من نهر من مايه
كوم الزلم ملتمه ميه هوايه
كلمن يشور بقصته وبرايه
عطشان كلبك منفطرظل ظامي
ووريدك الينزف ييمه ودامي
مصوب ييمه صوابين...خلصان كلبك هالحين




مارحم حالك حرمله وشماله
شفاك بيد حسين صرت كباله
ماعنده غيره ولاظمير بحاله
يكف نزاع بهاي هم حسباله
بسهم المنيه فرفحت كل روحك
كلب اليحبك كاضي ويه جروحك
موجرح تدي بجرحين...خلصان كلبك هالحين


ميت بالحضه وساعتك ياساعه
بيد الظلامه وحرمله وتباعه
زودت ظيم الوالد ووجاعه
تلؤت عليك حسين كل ظلاعه
خليت جيش عداك هم محتاره
كلمن يباوع ركبتك بنظاره
شبعان تبجي وبونين....خلصان كلبك هالحين



بنص المعارك نازل وبالساحه
زغير ييمه وماشفت كل راحه
حرمله جدر بالوريد سلاحه
كلب لحسين عليك ظل بنياحه
سهام العدو يوليدي هم غداره
عطشان كلبك مشتعل وبناره
ظامي وتهل العينين...خلصان كلبك هالحين



وحسين روحه تغيرت والوانه
محد سكاك ميه من عدوانه
صبت عيونه من دمه وجريانه
روحك رقيقه ترفه ونحلانه
وطلابتك عبد الله يمه طلابه
ودموع ابوك حسين دم سجابه
فزعت عليك الصوبين... خلصان كلبك هالحين


خادمة الزهراء والسيده رقيه ع
ام زهراءالفاطميه لايجوزحذف
الاسم أسم الكتاب لبيك يازهراء
بتاريخ الاحد/2024/6/2
٢٤ذوالعقده سنة هجري ١٤٤٥ نسالكم
الدعاءلي ولوالدي🙏🙏 اللهم
عجل لوليك الفرج

https://www.tg-me.com/AAAAAFCTP6mH2egqJ1qA

الابوذيه للامام العباس عليه السلام


خلاف الحيد ظل يكتل... وضعنه
حده حادي الضعن عكبه...وضعنه
مشه لشام بالغربه ... وضعنه
حسافه ابسوگ طبينه سويه

الجناسات
الاول: الوضع
الثاني: الضعن
الثالث: ضعنه


خادمة الزهراء والسيده رقيه ع
ام زهراءالفاطميه لايجوزحذف
الاسم أسم الكتاب لبيك يازهراء
بتاريخ الاحد/2024/6/2
٢٤ذوالعقده سنة هجري ١٤٤٥ نسالكم
الدعاءلي ولوالدي🙏🙏 اللهم
عجل لوليك الفرج

https://www.tg-me.com/AAAAAFCTP6mH2egqJ1qA

وزن النصاري للعاشرمن محرم



يبويه اليوم كوملنه يكرار
فرت بالخله تتراكض زغار



بدنيا الليل وتخوف يركضون
علي يابوي بس عدوان وشلون
فوك سياطهم كاموا يشتمون
وشبت بالخيم مشتعله هالنار



فزعت هالزلم تتراكض بخيل
نسمع صارصايح صوت وصهيل
بس نسوان جلجل واظلم الليل
عليمن هالخلك ملتمه وشصار



وابنك طاح ظلينه بله معين
موذر هايبويه وظل لحسين
دارت كل زلمها علينه صوبين
تعال ابساع لينه وطلب الثار



طاح حسين جوه الخيل مسحوك
بحوافرها بقت وتسحكه وتروك
باطفال حسين بويه مجلب الشوك
ماعدها رحم ياكوم الاشرار



اصيح دخيل بويه والحك اليوم
وشوف عداك بينه شسوت الكوم
فاض حسين جسمه ويجري دموم
كلب بتك يحيدر حيل محتار



خادمة الزهراء والسيده رقيه ع
ام زهراءالفاطميه لايجوزحذف
الاسم أسم الكتاب لبيك يازهراء
بتاريخ الاثنين/2024/6/3
٢٥ذوالعقده سنة هجري ١٤٤٥ نسالكم
الدعاءلي ولوالدي🙏🙏 اللهم
عجل لوليك الفرج

https://www.tg-me.com/AAAAAFCTP6mH2egqJ1qA

نعي للعاشرمن محرم للامام الحسين ع



جابو خيلهم بويه ويركضون
بجسم حسين من عمده يسحكون
بصدره والظهر كامو يرضون


فوك الكاع ميت ظل لحسين
تعال الحك يحيدر شيله هالحين
دارت كل دولها وناس صوبين


كوم عداك كلها التمت هواي
بويه ياعلي ومتيه هالراي
ضامي حسين كلبه وماشرب ماي


عله صدره صفت والخيل وتجول
ذبحوه بالسيوف ومات مجتول
ندبتك ياعلي بالشده شتكول


كطع راسه الشمر ضل ينزف دموم
تعال وياي بويه والحك اليوم
وشيل هموم كلبي هواي الهموم



موذر تالي وسفه بسيف عدوان
محد ضل يحامي ولاتره خوان
بيد عداك مات حسين خلصان


خادمة الزهراء والسيده رقيه ع
ام زهراءالفاطميه لايجوزحذف
الاسم أسم الكتاب لبيك يازهراء
بتاريخ السبت/2024/6/22
١٥ذوالحجه سنة هجري ١٤٤٥ نسالكم
الدعاءلي ولوالدي🙏🙏 اللهم
عجل لوليك الفرج

https://www.tg-me.com/AAAAAFCTP6mH2egqJ1qA

الطلب الحاجه لمولاتي زينب ع



ابجي ودمعتي بعيني
بت حيدر دفزعيلي


من بعيد عنايه
بابج وعكد الرايه
عندي هموم وهوايه
ثكيله ونهدم حيلي



بت حيدر عظيم الشان
عليج الحيد والعطشان
جيتج والكلب خلصان
سهرانه واون لليلي



خلصانه بدمع جاري
من الله وعالمه اسراري
رحبي وكولي خطاري
هلا وبصوت كليلي



جيتج بالكلب عله
سوالف بالعتب تحله
كولي التطلب وسهله
تفضلي لخادمه حجيلي



وزينب يابعد عمري
خلص يم عون كل صبري
اليه بعينج ونظري
خطاره ودحيلي



خادمة الزهراء والسيده رقيه ع
ام زهراءالفاطميه لايجوزحذف
الاسم أسم الكتاب لبيك يازهراء
بتاريخ السبت/2024/6/22
١٥ذوالحجه سنة هجري ١٤٤٥ نسالكم
الدعاءلي ولوالدي🙏🙏 اللهم
عجل لوليك الفرج

https://www.tg-me.com/AAAAAFCTP6mH2egqJ1qA

للامام الحسين عليه السلام



كلف ماينحمل يومك يالحسين
عداك مسلبه هدومك يالحسين



غريب ومالك ناصر يالحسين
حزين وتكسر الخاطر يالحسين
عليك اناس تجاسر يالحسين
ذبيح وطاشه علومك يالحسين



دمع العين تجاره يالحسين
كلبك يسعر بناره يالحسين
وكوم الطاغي غداره يالحسين
بشمس الحاره رسومك يالحسين



عداك ومايرحمونك يالحسين
من الركبه ويذبحونك يالحسين
ماي الشط يمنعونك يالحسين
تجري وفايضه دمومك يالحسين



بيد الكوم وموذر يالحسين
ينزف بالدمه النمحر يالحسين
تريد دكوم ماتكدر يالحسين
تكلف توجع همومك يالحسين



بحوافر خيلهم ركضو يالحسين
والاف الزلم هدو يالحسين
بجسمك عمده من سحكويالحسين
وليش اناس وتلومك يالحسين


خادمة الزهراء والسيده رقيه ع
ام زهراءالفاطميه لايجوزحذف
الاسم أسم الكتاب لبيك يازهراء
بتاريخ السبت/2024/6/22
١٥ذوالحجه سنة هجري ١٤٤٥ نسالكم
الدعاءلي ولوالدي🙏🙏 اللهم
عجل لوليك الفرج

https://www.tg-me.com/AAAAAFCTP6mH2egqJ1qA

يتوفر ديوان لبيك يازهراء الجزء الثاني عاشوري من الهلال الى يوم العاشرفي جميع محافظات العراق، باذن الله تعالى
وسيصدرالجزءالثالث ديوان لبيك يازهراء
ان شاء الله قريبابفضل الله وبركت مولاتي الزهراءع نسالكم الدعاءلمولاناالامام الحجه ابن الحسن ع

يتوفر ديوان لبيك يازهراء الجزء الثالث احاديث للدفنه والسبي والسيده رقيه وللامام السجادوللاربعين والسيده شريفه في
محافظات العراق، باذن الله تعالى
سيصدرالجزءالرابع ديوان لبيك يازهراء
ان شاء الله قريبابفضل الله وبركات مولاتي الزهراءع نسالكم الدعاءلمولاناالامام الحجه ابن الحسن ع

حديث اذاهل شهرعاشور



فما عذر من هلّ عليه شهر عاشور وتغافل

عن هذه المصيبة التي ابكت كل عين ؟؟

وعن الامام الصادق (عليه السلام) انه قال : اذا هلّ هلال المحرم نشرت الملائكة قميص الحسين (عليه السلام) وهو مخضب بالدماء فنراه نحن ومن احبنا نراه بالبصيرة لا بالبصر أي يعيش في مشاعرنا فتحزن لذلك نفوسنا وعندما يأتي هذا الشهر تأتي معه هذه الذكريات الاليمة تأتي معه صور من واقعة الطف وتعود الى الذهن صور مما جرى في واقعة الطف فيكثر الحزن والالم اذا هل على اهل البيت هذا الشهر يعقدوا له المأتم فلقد كان الامام الصادق (عليه السلام) يجتمع مع شيعته وخاصته ويعقد المأتم ويستدعي بعض الشعراء ويكلفهم ان ينظموا في واقعة الطف القصائد الحزينة ويجلس نساؤه من وراء الستر ويروي المؤرخين لما دخل دعبل الخزاعي على الامام الرضا (عليه السلام) وأنشأ قصيدته بينما هو ينشد الشعر على الحسين (عليه السلام) واذا بجارية من وراء الستر وقد خرجت فاندهش الجالسين لانهم لم يعتادوا ذلك من جواري الامام ان يخرجوا امام الناس خرجت تحمل على يديها شيء ودنت من الامام واذا بها تحمل رضيعا على يديها ووضعته بين يدي الامام لما نظر اليه الامام علا نحيبه لانها ارادت ان تصور له صورة ومشهد من صور الطف وتقرب الى ذهنه شيء مما وقع في كربلاء وهو ذبح الاطفال هذا الطفل اهاج وجد الامام فانتحب انتحابا عاليا وجرت دموعه على خديه وتذكر كلما جرى في هذا الشهر من المصائب .

لقد كان هذا الشهر اذا هل هلاله على بني هاشم من بعد واقعة الطف تتحول بيوتهم الى حزن ولوعة . وقيل بالاخص اذا مر هذا الشهر على الوديعة زينب (عليه السلام) فهي التي شاهدت ما جرى فيه من المصائب والمحن اذا مر عليها هذا الشهر تجول بديار بني هاشم من دار الى دار


وين التعازيني بهاي الايام
تذكرشوغت اسكينه وكل لايتام
ومن شبوالعدوان وحركوهاالخيام


وين التساعدني على بلواي
تجر الونه وتبجي بصوت وياي
وتذكر اوليدي الماشرب ماي


هل الشهروحزاني زادت بهاليوم
انعه لحسين السحكته الكوم
ميت منذبح غركان بدموم


بلاوي هواي يابلوه العدها
ورقيه زغيره ورموعمده خدها
وزينب ماهده عله الولد ونها


ضاعوا بالهيم منوعدهاثنين
وبعمر الورد مايدري لحسين
نذبحو عالجرف بيد الملاعين


هواي ازلام كلها صبحت موته
وعباس الشهم نيام كل خوته
بسم حسين صاح لحكني وبصوته



هل شهر الحزن هل شهرالاحزان
ونامت بالتراب هواي صبيان
وكل كلب اليحب حسين خلصان


يبجي بهالشهروكل كلبه مكسور
ومات ابن الزجيه نكتل مغدور
والحره العقيله بكل بلدوتدور



خادمة الزهراء والسيده رقيه ع
ام زهراءالفاطميه لايجوزحذف
الاسم أسم الكتاب لبيك يازهراء
بتاريخ السبت 2024/6/29
٢٢ذوالحجه سنة هجري ١٤٤٥نسالكم
الدعاءلي ولوالدي🙏🙏 اللهم
عجل لوليك الفرج

https://www.tg-me.com/AAAAAFCTP6mH2egqJ1qA